hamatngon mahihimo pagpahilaba, mahihimo nga mahanabi han tuluuban, han pagtoo, han pagkaluoy, han
pagtuktok han mga lingganay, han mga utang nga
kaburut’on han mga indiyo ha mga prayle, pagpalumo
hin kasingkasing nga pumakatunaw ha mga pangasoy
ngan paniday nga ginamit ni Castelar. An mga senyoritas didto ha siyudad magpapakabasa ngan masiring:
—Hi Ben Zayb, mapintas baga an liyon ngan mahumok baga an kordero!
Han pag-abot ngadto han hinnabuan, ha iya dako nga paghitingala, an iya didto iginkita diri lain kundi hi P. Camorra nga sinirutan han iya probinsyal ha paghinulsol didto hadto nga quinta, ha tangpi han Pasig, han iya mga binuhat didto ha Tiani. May ada gutiay nga kasamdan ha kamot, ngan hin nalamhong ha ulo han paghipahuyang; an mga kawatan tutulo la ngan mga sundangan; an salapi nga natikas, kalim’an kapisos.
—Diri mahihimo!— nagsiring hi Ben Zayb; saba dida ikaw... di ka maaram han imo ginyiyinawyaw!
—Nga diri ako maaram, punyales!
—Ayaw pagpakalurong!... an mga tikasan kinahanglan damo....
—Hombre! Jni nga nagkakatinta ha simod....
Nagbalingkot hin diri kay hialang. Siyahan, para kan Ben Zayb an diri gud pagbuhi han artikulo, pagpadako han hinabo basi an artikulo magin-usa nga pamulong.
Inutod an balingkot hin usa nga hurubhurob. An mga tikasan nga pinanhidakpan namagluwas hin sadang panginanuon nga pangasoy. Usa han mga tulisan ni Matanglawin (hi Ginhaupan Tales) nagsaad ha ira pakigkirita didto ha Sta. Mesa upod an ira kapangon, an tuyo an pagsulang han mga kombento ngan han mga balay han mga salapian.... Pangunguluhan hira hin usa nga katsila nga hataas, maitom, busag an buhok, nga nasiring nga sugo hiya han Heneral kay iya sangkay nga hinasa; ginpatapod hira liwat nga an artilyeriya ngan han pira nga rehimyento matampo ha ira salit diri angay magkahadlok. An mga tulisan pangingindultuhan ngan matatagan hira han ikatulo kabahin han matikas. An tigaman amo in usa nga buto hin kanyon, ngan tungod kay an mga tulisan namaghinulat la hin kawang, nakasiring nga ginlisbutan la hira, may ada nagpanguli, may ada man binmalik
