—Ngayan? ta, labí na nga kaangayan mapreso; usa
katuig pa han iya carrera diri ha iya makakaraot, maka-
kaupay lugód ha iya ngan han ngatanán nga hisakban
han iya mga kamót. An maiha nga pagpraktika diri
nakakaraot han pagkamediko. Usá pa iní nga hinungdan
basi hiya mahabilin. Ngan masiring unina ini nga mga
reformistas filibusterillos nga diri kitá nagmamangno hiní
nga tuna! —namulong hi S. E. nagtitinawa hin paka-
tamáy.
An hataas in katungdanan sinmabót han iya sayóp ngan tinmuudtuod lugód pangalinsakób kan Basilio.
—Lugaring gad kay, an bagá ha akon, ito nga ba- tan'on amo an labí hin kawaray salá, nagmugó hin bagá may pag-aláng.
—Nakuhaan hin mga basahán, —binmatón an sek- retaryo.
—Oo, mga barasahón mahatungód hin medisina ngan hin mga magnipis nga basahán nga sinurát hin kakat- silaan... waray pa ngani pan-guguntingá an mga pay- pay. Ngan anó in kahulugan hito? Labot pa, ito nga batan'on waray hingadto han bangkete didto ha pansi- teriya, kun daw inmirog hin bisan la ano... Sugad han akon siring, amo an labí kawaray salá....
—Labi nga maupay! —nakasiring hi S. E., —didá hiní, an sirot na labi kadako nga himurulsan ngan kasus- garanan kay nagiginlabí nga kaharadlukan! Amo itó an pag-gobyerno, señor mio; kauróg iginpapahaunong an kaupayan hin usá basi ha kaupayan han kadam'an.. Kundi, ako nalabáw pa: didá han kamaupay hin usa, kinukuha ko an kaupayan han kadam'an, tinubós ko an katadungan han pagkapunuan nga nahangangadto ha kataragman, an ngaran gintatahod ngan ginhuhuptan. Tungód hini nga akon binuhat, gintadong ko an mga sayóp nga kalugaringon sugad man an kanán ibá!
An hataas in katungdanan nagtalinguha hin pagpu- góng ha iya ngahaw ngan ginmamit hin ibá nga paagi, waray pag-asá han mga pasambingay.
—Kundi, hi V. E., diri nahadlok.... han mga kasa- rakban!
—Ano in kahadlok ko? —binmaringát an Heneral, nauurit; —diri ba may kagahuman ko nga ako la in nag- igo paggamit? Diri ako makakahimo pagbuhat han akon karuyag basi ha maupay nga pagpasugót hini nga kapu- rupud❜an? Ano akon kahahadlukán? Makakahimo
