an naurhi asya hi Isagani tungod kay hi P. Florentino
waray umabót ha Manila kundi usa anay kasimana nga
nahagos tikang han mga hinabó. Adto nga kadamó han
mga indulto nga iginawad nakahatag han Heneral hin
kangaranán nga mapinasayiuon, nga maluy'anon, nga kan
Ben Zayb gilayón igindugang han halaba na nga badlisan
han iya mga kadarayawan.
An waray gud la kabuhii amo an makaluluoy nga Ba- silio kay iginsumbong pa liwát nga may tinipig nga mga basahán nga ipinamamagdiri. Waray kitá sasabót kun nahananabi ba adto han Tratado de Medicina Legal y Toxicologia ni Dr. Mata, o an magkalainlain ba nga mga pinarupaypay mahatungod hin mga asuntos ha Pilipinas nga pinanhiagián, o kun adto ba ngaduhá; ginsiring liwát nga nagbibinaligyaon, hin palikaw la, hin mga bul-iw nga igindidirí salit igindat-og ha iya mapait nga palad an ngatanán nga bug-at nga nahimo didá han timbangan han pagkamatadong.
Iginsusumát nga may nagsiríng ha kan Su Exce- lencia:
—Kaangayan nga may usá nga hasalín basi mabawi an maupay nga ngaran han pagkapunuan, ngan diri sid- ngon nga namag-inaringasa la kitá hin waray data. Siyahan an pagkapunuan. Kinahanglan nga mahabilín in usá:
-May uusá pa nga nahasasalin nga, sugad han pu- long ni P. Irene, nasuruguon anay ni Kapitán Tiyago... Waray may nanginginano ha iya..
—Suruguon ngan estudyante? —nagpakianá hi S.E., —kun amo itó, ibilin itó! namulong an
—Kun tutugutan ako ni S. E. hataas in katungdanan nga nakadá iginkaigo nga naha- tatambong;—kundi kay ginsumatán ako nga ito nga batan'on nag-arám pagka-mediko ngan maupay an sumat hiton iya mga propesores mahatungód ha iya .... kun magpadayon kabilanggo magkakarag hiyá hin usa katuig, ngan tungod kay makakatapos na hiyá hini nga tuig.
An pagbulig han hataas in katungdanan pag-ugop kan Basilio waray pakaupay, kundi nakaraot lugód. Maiha na nga an hataas in katungdanan ngan hi S. E. may ginkakatakipan nga maraot nga kaburut'on, mga kasiribton nga nagtikadakó tungód han mga pasumat- sumat ug mga palibaklibak. Hi S. E. nahapahiyóm hin may kaurit ngan nagbatón:
