—Gimanggarani, elegante, angayan, waray iba nga karat’an kundi usa nga nakakaburaw nga dada,—namulong hi Basilio, nagtitinawa. Hi Isagani nahakatawa man liwat.
—Hangangadi pa ako hito nga dada, maaram ka nga nagtugon ha akon nga bilngon ko iton iya bana?
—Hi donya Victorina? Ngan nagtangdo ka basi la mangnuan hin maupay iton imo hinigugma?
—Kaiya! Kundi an nakakagupong ha akon kay ito nga bana didto gud tatago ha balay hiton... akon bata! Ngaduha nagkatatawa.
—Ngan asya man ngani in nakasugad nga, tungod kay inin akon bata tawo nga matadong an kaburut’on waray sumulod ngadto ha camara kay nahadlok nga pagpakianhan ni donya Victorina mahatungod kan don Tiburcio. Diri harumamay! Hi donya Victorina, han paghibaro nga tersera la ako nga pasahero, siniplatan ako hin baga pakatamay Hadto nga uras nalusad hi Simoun ngan han pakakita han duha nga batan’on magsiring:
—Ano, don Basilio?—nagsiring hin usa nga pakiana nga dapit pag-agak. —Nabakasyon ka? Ini nga senyor, paysano mo?
Hi Isagani iginpakilala ni Basilio ngan magsiring nga diri hira mag-usa hm bungto kundi an ira magkasi bungto diri nagkakaantaw hin harayo. An kan Isagani aadto ha ligid hm dagat, didto ha kontrakosta.
Hi Simoun nagkinita kan Isagani hin tutok kaupay ngan hi Isagani naurit, binmirik ngan siplatan hin asdang hi Simoun lakip in pagparangitdangit.
—Ngan komusta man an lalawigan?—nagpadayon hi Simoun, say inaatubang hi Basilio.
—Kay ano, diri mo pa kilala ito nga bungto?
—Uunanhon ko in pagkilala hin waray pa ako hingadto? Ginsumatan ak onga uraura hin kakablas, kay waray may napalit hin mga alahas.
—Diri kami napalit hin alahas kay diri kami hito nagkikinahanglan,— binmaton hin mamara nga tingog hi Isagani kay nabigit nga hinnabihan an iya lalawigan. Usa nga hiyom inabat dida han mga duason nga imim ni Simoun.
—Ayaw kasina, batan’on,—binmaton; —diri maraot an akon tuyo, kundi tungod kay ginsumatdn ako nga an
