-Waray gud ha akon ngadá yaná may nakagsumát,
-nabatón hiyá ngan nagsusumát han kamatuuran, kay hi don Tiburcio didto pa ba tatago ha baláy han batá han batan'on, nga amo hi P. Florentino.
-Sidnga, an tugon ni donya Victorina nga nangi- ngisog, nga madangóp ako ha Guardia Civil; patáy o buhi karuyag ko hibaruán kun hain... Kay diri ako mag- hihinulat hin kanán napulo katuig basi la ako maka- asawá!
Hi Isagani sinmiplat ha iya kay kinalasan; hi donya Victorina karuyag pa ngayan makaasawá!
-Anó itón imo hunahuna kan Juanito Pelaéz?-tinmigda la pagpakiana.
-Hi Juanito?...
Hi Isagani waray hibabaró kun anó in ibabatón; nakahunahuna hiya hin pagsumát han ngatanán nga maraot nga iya hinbabaruán bahin kan Pelaéz, kundi an maupay nga gawi asya in nagdaóg didto ha iya kasingkasing ngan nagyakán hin maupay bahín han iya kasibang kay tuód man la nga maupay. Hi donya Victorina, nga hin-ayunán ngan inaipan hin kasindak, nagtikáng hin pag-inihap han mga kadarayawan ni Pelaez ngan ginhihimo na unta hi Isagani nga surumatan han iya bag-o nga higugma han pagdaop han sangkay ni Paulita, nga nagdidinalagan, pag- sumát nga nahulog an abaniko ni Paulita didto han mga bato ha ligid han dagat, ha may Malecón. Mapaagi ini o makaswalidad, ini nga hinabó nakabalhin han ira mga kabutáng, an sangkay say nahabilin pakighinimangraw han tigurang ngan hi Isagani iginkahimangraw kan Pau- lita. Ha luyó nga bahín, hi donya Victorina nalilipay kay basi la maiya hi Juanito, binubuligan niya hi Isagani nga igkahimangraw kan Paulita.
Hi Paulita may adá palakát; han pagpasalamat kan Isagani nagpakasinasina, na-tuyó, ngan nagpasambingay nga bagá nahapapausa hiyá kay anó nga hi Isagani napa- kadá kun an ngatanán nga tawo aadto ha Luneta, patí an mga actrices nga mga francesas....
-Imo ako ginpakanhi pakigkita, uunanhon ko in diri....
-Oo, kundi kagab-i waray ka ngani sumabót nga nakadto ako ha teatro; han bug-os nga gab-i gin-ininaw ko ikaw, waray mo gud bubulagi hin kita adto nga mga cochers....
