dominiko,—ngan ab actu ad posse valet ilatio.9
—Saba didd, waray! — nagpadayon hi Simoun nga nag-ilulusdd dida han eskotilya tipakadto ha iya kamarote. —Waray baribad, pinamulong ko na. Ngan ikaw, P. Sibyla, ayaw pagyinakan bin mga linatin nga mga kalinurungan. Ano in pulos niyo nga mga prayle karno kun an bungto makakahimo ngayan pagribok?10 Ngan Immusad lai Simoun dida han eskotilya nga hagdan ngadto tipasakob waray na pagtagad han mga pangalinggawas nga baton ha iya, ngan nagsisiniring na la: “Hala, hala, kamo!”
Hi P. Sibyla iginduduruas; asya pa hiya igmugo nga nagyiyinakan bin mga kalinurungan, hiya nga Vice-Rector ha Universidad; hi don Custodio iginpapanlugmawan: waray pa, ha bisan diin nga katirok, igkita hiya hin sugad nga kaatbang; uraura na adto.
—Mulato nga amerikano.—an iya pulong, nagnginginurutob.
—Indio-Ingles!—namulong hi Ben Zayb hin gutiay nga tingog.
—Amerikano daw, amo an siring ko ha imo. Pagsusumatan mo pa ako?— binaton ni don Custodio nabibigit na. —Amo an sumat ha akon ni S. E. Usa ini nga alahero nga iya iginkakita didto ha Habana ngan, tahap ko, iya tinagan hin katungdanan kay pinmautang hin salapi. Salit basi niya mabaydan pinakanhi basi kun ano an iya karuyag buhaton ha pagpadamo han iya salapi ha pamaligya hin mga brilyante... nga palso, kalibutan ko! Ngan uraura hin kabungalos nga, katima pakasalapi dida han mga indiyo, karuyag pa niya nga... pf! Ngan tinapusan niya hin kiwa han iya kamot nga may kahulugan.
Waray may nagpapasipara pagsabat hadto nga mga yawyaw; hi don Custodio makakahimo hin paglinibak ha kan S. E. kun amo an iya karuyag; kundi hi Ben Zayb, hi P. Irene, hi P. Salvi, bisan an gin-uurit nga P. Sibyla diri makakatapod han mga baba han hino man nga makabati.
—Tungod kay ito nga Senyor, sanglit kay amerikano, nakakasiring ada nga mga indiyan ha America inin aton dinhi ginpapasugot... Angay ba hinabihan ito nga asunto dinhi ha bap6r? Pagpirit, paglugos pagpasugot han mga tawo!... Ngan amo ini an nagsagdon hito nga paggubat
