Unina nasundd in iba nga lalawigan, nagsusunudsun6d ha kapid’an katuig, ngan an buhat natitima, ngan yana aton gin-uusa, ginkakadto ha Egipto, ha Roma, pagkita, pagdayaw han mga Faraon, han mga tulin ni Antonino... Ayaw ako pagsinumati; an mga patay, patay na; an madig-on amo la an may katadungan han kaurhian.
—Kundi, senyor Simoun, an sugad hit6 nga mga paagi magigintinikangan hin mga kasamok,—nagmugo hi don Custodio nga waray na himumurayaw han turon han himangraw.
—Kasamok? Ha, ha! Nagsamok ba an mga bungtuhanon nga ehipsiyo bisan la makausa? Sinmupil ba an mga binilanggo nga hudiyo patok han makidiyos nga Tito? Hombre, hunahuna ko tukib ka han mga kaagi!
Amo na; adto nga Simoun, diri ngani hambog nga dako, tawo nga waray pamatasan. Angay ba putingaron hi Don Custodio nga diri maaram han mga kaagi? Angay gud man ikangalas hin bisan hino. Salit hi don Custodio nalimot ngan binmaton:
—Diri kita iginkakatarampo hin mga ehipsiyos ngan hin mga hudiyo.
—Ngan ini nga tuna sinmupil na hin kapin hin nakausa,—sinmagbang an dominiko hin hialang; —hadto han panahon han ginpipirit hira hin paghakot hin dagko nga kahoy nga garamiton paghimo hin mga barko,8 kun diri pa daw an kapadian...
—Harayo na adto nga panahon,—binmaton hi Simoun nga nagtitinawa hin labi pa kamamara han iya nababatasan.—Ini nga kapurupud’an diri masuga hin pagribok magdiano hin kamabug-at han mga trabaho nga ihatag, o kabaraydan nga pagsukton ha ira. Diri ba, P. Salvi, imo pa la ha akon ipinaparayaw an balay ngan ospitdl ha Los Banos nga inuukyan yana ni S. E.?—ngani Simoun inaatubang an pransiskano.
Hi P. Salvi pinmakiwa han ulo ngan sinmiplat kan Simoun kay nahatingala han pakiana.
—Diri ba sumat mo ha akon nga ito ngaduha nga balay natindog kay ipinapagbuhat han mga bungto inandaman hin latigo nga bitbit hin usa nga lego? Tingali an Puente del Capricho natindog hin sugad hito nga paagi. Ngan pagsumat daw kamo, nagribbk ba o nagsamok ito nga mga bungto?
—Say daw!... Nagribok hadto anay,—nagmugo an
