ruyag, in mga paghugdy ngan mga empleo nga waray niya
karawta kay diri karuyag makautang hin kaburut’on han
mga conservadores Tungod han kamapaso han iya kasindak han siyahan nga mga adlaw, an iya nga kahurungko dida han tindahan hin mga linata nga hakaraon nga danay kadtuan, nanngapi pagkaliberal, ngan naginliberal
hi D. Eulogio Badana, sarahinto ha karabineros nga retirado; an dungganan nga Annendia, piloto ngan karlista
nga mabangis; hi D. Eusebio Picote, sekreta ha Aduana,
ngan hi D. Bonifacio Tacon, parapanhimo hin sapatos
ngan hin siya ha pangabayo.
Kundi adto nga mga kasindak, tungod han kawaray nag-uugsong ngan kawaray tigi, nagtikaparong hin hinayhinay. Diri hiya nagbabasa hin mga pahayagan nga nangangabot tikang ha Espana kay nakakarawat pinakete ngan iginpapanhuyam hiya kun nagbabasa; an mga panhunahuna nga iya hinpurutan, mga laon na, nagkikinahanglan masaliwanan ngan waray dida an iya mga orador; ngan bisan kun dida han mga casino ha Manila duro an huruygo nga may parapangutang, sugad didto ha Corte, diri didto tugot in pagdiskurso basi diri humadak an politika. Kundi hi D. Custodio diri hubya; diri kay naruruyag la kundi nagbubuhat gud; ngan tungod nga inmabat hiya nga bangin dinhi na habilin an iya mga tulan ha Pilipinas, ngan naghunahuna nga ini amo gud an iya inaayunan, iya gin-ataman han iya mga pagmangno ngan iya ginhimo nga tuna hin mga liberal ngan naghunahuna hin mga pagpakaupay nga mga buhat ug mga proyekto nga magpakalilipay. Kay nakabati hiya didto ha Madrid nga didto ha Paris ginamit an kahoy ha paghimo hin mahamis nga kalsada, nga waray pa gagamita ha Espana, amo hiya an nag-agda nga gamiton ha Manila, butangan hin mga tabla an kakalsadahan nga iraraysang sugad han binubuhat ha pagsalog hin balay; amo hiya gihapon an nagsugo, kay ikinasakit niya an mga desgrasya nga nahinanabd han mga sarakyan nga duduha in ruyda, basi kahirutan an maraot nga kapalaran, an sugad nga mga sarakyan dugangan hin ruyda, himuon nga bisan la magkatulo; amo hiya an hamtang hiya Vice President han junta de Sanidad, nagsugo nga pagluunan ngataan, pati ang mga telegrama, tikang didto han mga lugar nga may sakit; amo hiya an naluoy pagkita han mga preso nga gin kakaalkaalan han adlaw hamtang
