tukib han panahón ngá nag-agi, han yaná ngan labi na
han tidaraon!
An mahiko sinminggit anay hin hinayhinay, siyahan pakimaluoy, sunód makusóg, salakot in malapirít nga tingog nga dapit panarhog ngan hin ngurob nga garhob nga kanan pangisog nga nakapapanindog han mga buhok ni Ben Zayb.
Deremof!-nagsiring an amerikano.
Kinmilos an mga biray ha palibot han ruwang, an mga suga namag-ikapaparóng, an lamisa nag-agutiot. Usa nga maluya nga haróy binmatón tikang didto ha sakob han kahunkahon. Ngatanán namaggipasirusiplat pinamamagduas ngan mga lisáng: usá nga senyora nga tugób hin kahadlok ngan inmabat hin mapaso nga inmagay ha sakob han iya bado, hinmangkop kan P.Salvi.
An kahunkahon inmukáb hin hiyá la ngan ha atubangan han kadam'an binmutho in usa nga ulo nga daw kanán minatáy ngan libot hin marabóng, halaba ngan maitóm nga buhók. An ulo naghinayhinay pagpukrat han mga matá ngan maniplat palibot han nga- tanán nga magkirita. Amo in mga mata nga labi kamaginggat nga nadugang tingali tungod kay nangangapay ha palibot, ngan tungod kay abyssus abyssum invocat.* adto nga mga matá tinmadong pagkinita han kan P. Salvi nga nanlulunód nga hadto nabuburarat bagá in nakakakitá hin manunulay. Hi P. Salvi ikinurog.
-Esfinge, ngani Mr. Leeds, -sumati inin mga magkirita kun hino ka!
Ginmuóp in halarom nga kamingaw. Usa nga mahagkot nga harupoy hinmuyóp didá ha ruwáng ngan namag-ikapaparóng an mga bughaw nga laga han mga lamparahan ha panlubnganan. An mga diri magtinuuron pinangulba.
Amo ako hi Imuthis,-nagbatón an ulo hin tingog nga tikang ha lubóng kundi may tunóg nga kanán nangingisog;-natawo ako ha panahón ni Amasis ngan pinatay ako han nagsasakop pa an Persia han Egipto ha panahón nga pag-uli ni Cambyses tikang didto han waray palad nga iya pan-gubat ha kasuluran han Lybia. Tikang pa la ako pakakatima han akon pag- tuún ngan kahumán ko paglakatón didto ha Grecia, Asiria ngan Persia, ngan nauli na ako ha tuna nga natawhan basi ha paghunong na didto ngadá han pagtawga
