makaruruyag; kinidyom an listahan ngan katima, ha badyangás nga dako, nagpakiana:
-Aba, y polke, nyol?'
-Kay diri mahihimo, Padre, nga in usa umawán ha klase ngan hitó ngahaw nga adlaw magsubay han leksiyon... Hi V. R. nasiring nga an kaaada ngan han ka-waray dida....
-Naku! metapisiko pa, linghod pa lugaring! Diri ngayan mahihimo, ha? Sed patet experientia ngan contra experientia negantem, fusilibus est arguendum," sayod ka? Ngan diri ka hito nakita, ulo hin pilosopo, nga mahihimo in kadiri pagsulód ha klase ngan hito ngahaw dungan an kadiri maaram han leksiyon? Kay an pag-awán ngayan karuyag sidngon hibaro? Ano imo ibabaton, pilosopastro?
Ini nga urhi nga iginngaran amo an usa katuro nga tubig nga nakagpasapay dida han sinusudlan. Hi Placido nga dida han iya kasangkayan sangyaw nga diri nag-aa- sá han mga yawyaw, nawad'an hin pasinsiya, ilinabog an basahán, binmuhát ngan inatubang an katedratiko:
-Igo na, Padre, igo na! Hi V. R. makakagbutáng ha akon han ngatanán nga bagis, kundi waray katadungan hin pagpakaalo ha akon. Magpadayon hi V. R. dida hiton iya klase, kay ako diri na makakailob.
Ngan waray saritsarit, linmakát.
An klase nahadlok: adto nga kilos paniało waray pa mahinabo; hino in makakasiring nga hi Placido Penitente....? An katedratiko, nga kinalasan, kinmagát han mga im-im ngan nakakita han paglakát, nagpipilingpilíng han ulo daw kanán may pagdumót. Nakurog an tingog, nagtikáng an wali han amo la gihapon nga hinpapatungdan, kundi makurukusóg yana an pamulong ngan labí nga may lara an panluwas. Nahananabi han nagtitikadako nga paggasad, an igintutubó nga kabungalos, an pagpakahiró, an kawaray pagtahod han mga labáw, an pagpalabilabi nga iginagawad ha mga batan'on han espiritu han kasisidman, an kawaray pamatasan, kawaray pagtagád ug iba pa. Tikang dinhi sumunód an mga yubit nga pulong nga salukniban mahatungód han pangahás han pipirá nga mga sopladillos hin pagtutdo han ira mga magturutdo ha pagtukod hin usa nga akademya ha pagtutdo han kinatsila.
-Ha, ha!nganiya; -ito nga kasangkulop an tu-
