hin kuwarta ngadto ha Manila kay nag-ülob la han kawa-
ray bisan anó.
Hadto ngahaw nasulód hira dida han kabingagán han kuta ha may Sto. Domingo.
-Yana nahanunumdom ako,-nagyakán hi Juanito han pakakita han plasa nga haligutay ha atubangan han daan nga balay han Aduana. Maaram ka nga ako in tinapuran pagtirok han aragmot?
-Ano nga aragmot?
-An kanan monumento.
-Ano monumento?
-Buáng! An kan P. Baltazar, di ka maaram?
—Hino ito nga P. Baltazar?
-Panuláy! Usa nga dominiko! Tungód hitó nadangóp an mga padi ha mga magturuon. Sigi na, buhi na ma- tuló kun upát ba kapisos basi sumabót nga maupay kita gumasto! Basi diri sidngon mga sano nga, basi ma- kagtindog hin usa nga estatua, hinmukád hira hin kalu- garingon nga kuwarta. Sigi na, Plasiding, diri ito karág nga salapi!
Ngan inupdan ini nga pulong hin kiró nga may ka- hulugan.
Hi Placido nahanumdom han nahinabó hin usa nga magturuon nga nagpinakakuha hin mga kurso tungod han panregalo hin mga kanaryo, salit hinmatag hin tuló ka- pisos.
-Pamati, maaram ka? Isusurát ko hin mahayag iton imo ngaran basi mabasa hiton propesor, nakita ka? Pla- cido Penitente, tuló kapisos. Uy! Pamati! Ha sakób hin napulo kaglimá kaadlaw maabót an kaadlawan hiton pro- pesor ha Historia Natural... Sayod ka man nga maupay hin duro, nga diri nabutang hin falta ngan diri napakiana hin leksiyon. Tsiko, kinahanglan nga pagbalsan ta!
-Matuod!
-Ano ha imo kun mag-aragmot kita hin tagduruha kapisos? Hala, Plasiding, tikangi basi say ka mag-uná dida ha lista.
Ngan tungod kay kinmita nga hi Placido nahatag han duduha kapisos hin waray aringasa, nagsiring:
-Pamati, hatag maupát, iuuli ko na la ha imo unina iton duhá; kanán pagpakita la itó.
-Kay kun imo man ha akon iuuli, kay ano nga iha- hatag ko pa ha imo? Butangí ta na la hin upát igo na.
