nahuygo, an tuman nga nasabót han hungkiyán ngan danay
magpasipara han rebesino: diri natuod han mga sag-
don han mga prayle, nakakayubít la han Tandang Basio
Makunat nagsusubra hin salapi, hin mag-upay nga panapton,
kundi waray kaburut'on sumulód ha klase ngan
nahuhugaw pagsiplat han mga basahán.
Dida ha Puente de España,' tuláy nga an ngaran la an nakakaispanyahonon, kay bisan an iya mga puthaw gumikan ha iba nga tuna, iginkita hin halaba nga burunyog hin mga batan'on nga tikadto ha Intramuros pagsulód ha ira tagsa nga klase kun kolehiyo man. May nagpapakabisti hin inurupanhon, magdagmit an lakát, namamagkagaramo hin mga basahán ngan mga kuwaderno, mga lisáng, namamagpinanumdom han ira mga leksiyon ngan han ira mga ginsurát; amo ini an mga magturuon ha Ateneo. An mga tagá Letran nalutód kay haros ngatanán pilipinhon an pamiste, darudamo ngan kurukuláng hin dará nga basahán. An mga tagá Universidad maaruayós ngan maghinis mamanapton, maghinay an lakát ngan diri basahán an dará, kundi baston. An mga batan'on nga namamag-arám didto ha Pilipinas diri marugyaw ngan maaringasa; may mga kagupong; an makakakita makakasiring nga dida ha ira mga paniplat diri nasulhog in magutiay nga paglaom, waray malipayon nga kabubwason. Bisan kun ha ikinatal-ang say nakakalipay han pagkaburunyog an maglipayon nga tingog ngan maghusay nga mga tina han mga magturuon nga kababayin'an ha Escuela Municipal, nga may mga laso ha sugbong ngan may mga basahán ha kamót, sinusunod han ira mga suruguon, bisan an tuman uga may binabati nga tawá an tuman may nadudungóg nga intrimís; waray may nagkakanta, waray may nagpapakita hin pataraw'an nga kilos; lugód may mga magraot nga intrimis, mga agraway didto han mga gudti pa. An mga dagko na haros ngatanán mga himuot, magnanong, sama han mga alemán nga mga magburut❜on.
Hi Placido nagsulsog han Paseo de Magallanes kay basi sumulód didto ha kagapakan, hadto anay ganghaan, ha Sto. Domingo, nga ha gilayón bumati hin pakpak ha sugbong nga ha iya nakapalingi hin maraot nga kaburut'on.
-Hoy, Penitente! hoy, Penitente!
Amo an iya katampo ha klase nga hi Juanito Pelaez, an langisero nga ayón han mga propesor, pilyo ngan
