-Ikatuló na ito kaadlaw nga pagkinanhi; usa ini nga makaluluoy nga daraga.
-Ah! demonyo!- nakasiring hi P. Camorra; —nag- hunahuna ako nga may ada ko igsisiring han Heneral, amo in pagkanhi ko. . . basi pag-abuyon han pinanga- ngaro hito nga batan'on!
An Heneral kinmalot han talinga.
-Halá! nagsiring; -an Sekretaryo magsurát magutiay ngadto hiton Tenyente han Guardia Civil nga buhian! Diri na sidngon nga diri kita magpinairon, magluluuyon!
Ngan sinmiplat kan Ben Zayb. An peryodista pinmirók.
Maraot an buot ngan haros matinangison an mga matá, naglalakat hi Placido Penitente ha Escolta tipakadto ha Universidad ha Santo Tomas.
Haros kulang pa hin usa kasimana nga naabót hiya tikang ha iya bungto ngan nakakaduhá na pagsusurát ngadto kan iya nanay pagsiring nga diri na gud hiya naruruyag pag-arám ngan karuyag na la niya umuli ngan magbuhat. Hi iya nanay nagbalos nga mag-ilob anay bisan na la makakuha han bachiller en artes kay makabibido an pagbaya han mga basahan kahagos hin upat katuig nga pag-inantos ngan pagginasto nira ngaduhá.
Ano an tinikangan han kan Placido kawaray na higugma han pagtuón, hingan amo hiya in usa han mga labí kamag-abtik nga magturuon didto han kan P. Valerio ginpapalakát nga bantog nga kolehiyo ha Tan-awan? Hi Penitente amo in usa didto han gimag-upayi nga mga latinista ngan masalihit lumantugi, maaram maggumok ngan maghanay han mga pagbaratunan nga magsayón o magkuri; an mga tagá didto ha iya bungto nakakasiríng nga hiya amo an labí kamataróm in ulo, ngan an ira padi, nga nadadara han iya bantog, nagngangaran na ha iya nga pilibustero, pangilal'an nga dayág nga diri lurong ngan diri budol an ulo. An iya kasangkayan waray gud pananabót hadto nga iya karuyag na la hin pag-uli ngan pagbaya han pagtuón; waray pinangungulitawhan, diri
