6
Tara can matapus panambitan nia
sa maheheracon ma-ugay na ina
lominignoy na man sa nagtaong dusa
ini an inolay na sinabi nia
Paaram na amang Hadeng minamahal
an aki mong bogtong na naaangotan
pacamtan mo saco minsan alang-alang
mahal mong bendicion na may camahalan
Ini na an sagcod can ogma mong labi
can aco omboy pa bago pang maglacad
haros patongtognon sa dua mong palad
gñonian naguin apdo di ca na naherac
Paaram paaram ó ina cong reina
ini na an poon nin di ta na pagkita
ipamibi lamang ki Virgen Maria
na mapara logod an angot ni ama
Paaram na aco Valenciang banuaan
paaram palacio na dinacolaan
iniho na gayod iyong catapusan
na di co camo liuat babatayan
Paaram saindo, magna concejero
paaram na gnonian an principe nindo
paaram halangcao na magna castillo
paaram sa gabos maduman na aco
Aco paaram na bóta na cabagay
dai co talastas an padudumanan
ó ama cong Dios, aco mo ibinhan
itocdo mo Virgen sa tanos na dalan
Naglacao na sia rognao an casama
na nagdadalihig an luha sa mata
magna cabukiran saiyang pinonta
sagcod nacadatong magayon na cueva
An cuevang iniho pinag- oontocan
nin magna leones, tigre ó halimao
tolos na sinabat an principeng mahal
boot nang cacanon ta naglaog duman
