5
Tolos na dinacop an principeng mahal
nin magna soldados na pinagsabihan
tara can dumatong na sa Hadeng atubang
minuda na asin pinahaleng basang
An olay nin ama gnonian maghale ca
sa atubangnan co hare na pakita
madonong ca palan ta nagnagnahas ca
sa simong magurang magboboot ca na
Sa macuring angot caidtong monarca
an aking principe na isinobol nia
digdi sa palacio tolos huminilig na
na dai na sagcod ica co makita
Olay nin principe na pananambitan
di mo na linignoy amang cagurangnan
an simong padagñat na naninilbihan
iyo iyong bogtong na aki mong tunay
Totoo ta aco igua nin casalan
huli can herac co sa may casakitan
tao mong padusa cucuyogon co man
baco sanang siring isobol nin basang
Diata mahamis sa boot mo ama
na masuhay aco di mo na makita
marhay pa logod buhay hinale na
di sana magtios nin siring a dusa
Idtong panambitan na macapopógñao
caining principe luha nagdala hay
an mahal na ina an inarang naman
huli sa daculang magna casakitan
O ina cong poon nagtios nin hadit
buhay pinohonan o iba pang sakit
dai dao maracdag luha dumalihig
digdi sa aki mong di na masisirip
Na con ica naman iguang caangotan
digdi sa aki mong daing capaladan
paraà con sucat sa saimong daghan
mahal mong bendicion saco mo pacamtan
