This page has not been proofread.
71
- Mă-tuo̿i, 26
- 41 Uăng-di̿ ĭ iau cŏ̤-bíng gâ̤ nêng uā, Nì iŏ̤ng duói nêng sī e̿ng-gái ciu̿-mā gâ̤, ēng niōng hā uòi iŏ̤ng-di̿, niōng ko̤̿ ĕ̤ng-ṳ̆ing gâ̤ hŏ-di̿, ciū-sī ta̿i mŏ̤-gṳ̆ iáu gṳ̀ să̤-chṳ̄ o̿-do̿-diū làu gâ̤:
- 42 Éng-ṳē tê-chîng uòi bŭ-gṳĕ nì ēng-năing nà mî-dī nă uòi iè: chṳ̿-diău, nì ēng-năing nà mî-dī nă uòi chṳĕ.
- 43 Uòi ca̿ kă, nì ēng-năing ciĕ-duòi uòi, uòi mău í-ciông, nì ēng-năing nà nă uòi cē̤ng: uòi mău-lō̤ng iŭ bāng, mău-lō̤ng cō da̿u lâu-di̿, nì ēng-năing lâ̤ te̿-hē uòi.
- 44 Iŏ̤ng duói nêng ŏ̤ a̿ing uā, Cṳ̆, uòi sū-mū sî-hē chū-gi̿ng nì bŭ-gṳĕ, chṳ̿-diău, ca̿ kă, mău í-ciông cē̤ng, iŭ bāng, cō da̿u lâu-di̿, ēng-năing lâ̤ te̿-hē nì?
- 45 Uăng-di̿ ciū ŏ̤ a̿ing gṳ̀ uā, Uòi ì-cài iáu nì uā, Iŏ̤ng d1 nì tê-chîng ēng-năing da̿u uòi cì-ciă dĕng siău hiáng-dī gâ̤ séng-di̿ ca̿-gua̿, ciū-sī ēng-năing ca̿ da̿u uòi séng-di̿.
- 46 Iŏ̤ng duói nêng ŏ̤ ko̤̿siū ĕ̤ng-ṳ̆ing gâ̤ hĕng-huă: ŭ ngī-nêng ŏ̤ dă̤-diō̤ ĕ̤ng-ṳ̆ing gâ̤ sáng-miāng.
- Di̿ 26 Cióng
- 1 Iă-Sú iŏ̤ng duói dī uā làu, ciu iáu hă-sáing ua,
- 2 Nì dă̤-dí gua̿ liòng góng ciū-sī gua̿-mô̤ng-tê gâ̤ căi-ki̿, nêng gâ̤ Gṳ̆ing ci ŏ̤ nă nêng gáu ko̤̿ da̿ing-sĭ da̿u sí-cī-ga̿.
- 3 Iŏ̤ng-gă̤-sĭ, duōi ci̿-sí, nāng-sṳ́ nêng, iáu bă-sia̿ng dĭ-bíng gâ̤ chîng-bo̿, dú cṳ̀ da̿u dĕng duōi ci̿-sí, Gái-ngā-huă gâ̤ ngâ-mô̤ng-di̿.
- 4 Câi-câi sióng-liông să̤ sū-mū gi̿-chă̤ nà-diū Iă-Sú, huōi-sĭ gṳ̀.
- 5 Hē-mṳĕ ĭ gō̤-uā, Gua̿-căi gâ̤ sî-hē ēng gŏ̤ng nà gṳ̀, giáng-pa̿ bă-sia̿ng ŏ̤ cŏ̤ huăing.
- 6 Iă-Sú ka̿ing-ka̿ing da̿u Bă-duōi0nĭ, bāng-tuŏi Sái-mô̤ng chio̤̿-di̿ cō dŏ̤,
- 7 Iŭ cì-ciă á-niông-nêng dé-siū ngṳ̀-hō̤-ciĕ, dó̤ng-diū dĕng dì-cîng gâ̤ hióng iû, giăng-ce̿ng lâ̤ nà hióng iû dău hā Iă-Sú gâ̤ tê-di̿.
