This page has not been proofread.
30
Mǎ-tuo̿i, 11.
- 19 Nêng gâ̤ Gṳ̌ing lâ̤, iǎ iè, iǎ chṳě, nêng ǐ uā, Gṳ̀ sī táng-iè, sū-hāu ciǔ gâ̤ nêng, sī siú-sṳe̿ iáu cò-nêng gâ̤ bǎing-iǔ-huǎ. Cǒng-lâ̤ ǔ í-diū chóng-měng gâ̤ lǐ ca̿ chṳ̌ lâ̤ gâ̤ dī, ŏ̤ biǎu-měng iǒ̤ng lǐ mǎu cho̤̿.
- 20 Iǎ-Sú tê-chîng da̿u gǐ-ciǎ sêng ca̿-gua̿ gṳ̀ cì duōi bu̿ing cǒ-nǎing gâ̤ dī, éng-ṳē ǔ-di̿ gâ̤ nêng ēng gǎi-ŏ̤ cě̤ng-sīng, Iǎ-Sú iǒ̤ng-cì-sî ciū uā gṳ̀.
- 21 Uā, Gó̤-là-sēng, nì iǔ huā da̿u! Bǎ-so̿-duōi, nì iá iǔ huā da̿u! éng-ṳē uòi da̿u nì liòng-ciǎ sêng-dǐ ca̿ gṳ̀a̿ cǒ-nǎing gâ̤ dī, lâ̤-sī ca̿ da̿u Tó-lô̤ iáu Sái-dō̤ng, ǔ-di̿ gâ̤ nêng láu-cǎu ciū cē̤ng muôi-í, tê-di̿ é̤ng hó gǎi-ŏ̤ cě̤ng-sīng làu.
- 22 Uòi iáu nì uā, Da̿u lò̤ sěng si̿-gáing nêng gâ̤ nì-ciě, Tó-lô̤ iáu Sái-dō̤ng siū ga hěng-huǎ, piāng nì siū gâ̤ hěng-huǎ gu̿ kiáng.
- 23 Gá-bǎ-nǒng à, ŏ̤ nà nì gáu-séng da̿u tíng ciōng-di̿ à? nì ŏ̤ lò̤ da̿u éng-gáing-di̿: éng-ṳē da̿u nì sêng-dǐ ca̿-gua̿ cǒ-nǎing gâ̤ dī, lâ̤-sī ca̿ da̿u Sǔ-dó̤-mǎ, ǔ ciǎ sêng da̿u giâ-gíng gu̿ ŏ̤ dō̤-di̿.
- 24 Uòi iáu nì uā, da̿u sěng si̿-gáing nêng gâ̤ nì-ciě, Sǔ-dó̤-mǎ siū gâ̤ hěng-huǎ piāng nì siū gâ̤ hěng-huǎ gu̿ kiáng.
- 25 Iŏ̤ng-cì-sî, Iǎ-Sú uā, Dá à, tíng dī gâ̤ Cṳ̌, uòi cu̿ing-mǐ nì, éng-ṳē nì nà iǒ̤ng dàu-lǐ ko̤̿ng-diū ēng nǎ chóng-měng tóng-lǒng gâ̤ nêng dǎ̤-dí, da̿u hīng chṳ̌ lâ̤ háu gṳ̌ing-ciě dǎ̤-dí.
- 26 Dá à, ì-cài niōng iǒ̤ng-gǎ̤-sǐ, éng-ṳē nì cèng de̤̿ng-i̿ iǒ̤ng-gǎ̤-sǐ.
- 27 Lǒng-cǒng gâ̤ dī uòi Dá dú gáu nǎ uòi làu: ēng-sī Dá, mǎu nêng dǎ̤-dí Gṳ̌ing; ēng-sī Gṳ̌ing, iáu Gṳ̌ing gó̤ng-ngṳ̄ing háu dǎ̤-dí Dá gâ̤ nêng, iǎ-mǎu nêng dǎ̤-dí Dá.
- 28 Nì dǐ-bíng mǎu-lō̤ng sū nêng séng-kǔ, dàng dōng dáng gâ̤, dú niōng hā uòi-di̿ lâ̤, uòi ciū ŏ̤ nà Lěng-úing nǎ nì.
- 29 Uòi séng-dǐ uǎ-ki̿ kéng-hṳ́, nì niōng guòi uòi gâ̤ ǎ, ò̤ uòi gâ̤ gǎ̤-sǐ, nì séng-dǐ ciū ŏ̤ dǎ̤-diō̤ běng-úing.
- 30 Éng-ṳē uòi gâ̤ ǎ-sī hǎu guòi gâ̤, uòi gâ̤ dáng sī kiáng gâ̤.
