This page has not been proofread.
ជំពូកទី ១៖ បទប្បញ្ញត្តិទូទៅ
មាត្រា ១.- ច្បាប់នេះមានគោលដៅកំណត់ពីបែបបទនិងល័ក្ខខ័ណ្ឌនៃការរំលូតកូន។
មាត្រា ២.- ការរំលូតកូនគឺជាការបញ្ចប់គភ៌តាមវិធីវេជ្ជសាស្ត្រឬតាមវិធីណាមួយ។
មាត្រា ៣.- ស្ត្រីមានគភ៌ទាំងឡាយអាចសុំឱ្យ គ្រូពេទ្យធ្វើការរំលូតកូនបាន ក្រោយពីបានបំពេញល័ក្ខខ័ណ្ឌដូចមានចែងក្នុងមាត្រា ៨ នៃច្បាប់នេះ។
មាត្រា ៤.- ក្នុងករណីណាក៏ដោយ ការរំលូតកូនត្រូវតែមានសំណូមពរនិងបានទទួលការយល់ព្រមពីស្ត្រីដែលមានគភ៌។
មាត្រា ៥.- មានតែវេជ្ជបណ្ឌិតឬគ្រូពេទ្យមធ្យម ឬឆ្មបមធ្យមដែលបានទទួលការអនុញ្ញាតពីក្រសួងសុខាភិបាល ទើបអាចធ្វើការរំលូតកូនបាន។
1668