This page has not been proofread.
សទ្ទានុក្រម LEXIQUE
ក.ខ.គ
| ពាក្យ | ភាសាបារាំង | ពន្យល់សេចក្ដី |
|---|---|---|
| កម្មសិទ្ធិ | propriete | សិទ្ធិពេញលេញជាម្ចាស់លើទ្រព្យ។សិទ្ធិនេះរួមបញ្ចូលទាំងសិទ្ធិប្រើប្រាស់ សិទ្ធិអាស្រ័យផល និង សិទ្ធិចាត់ចែងលើទ្រព្យ។ |
| កម្មសិទ្ធិករ | Proprietaire | ម្ចាស់កម្មសិទ្ធិលើទ្រព្យ និង មានសិទ្ធិប្រើប្រាស់សិទ្ធិអាស្រ័យផលនិងសិទ្ធិចាត់ចែងលើទ្រព្យដែលជារបស់ខ្លួន។ |
| កតិកាភេទ | Rescision | កិរិយាបដិសេធកិច្ចសន្យាណាមួយដោយមកពីកិច្ចសន្យានោះមានវិការៈដល់ឫសគល់នៃការព្រមព្រៀងគ្នា។ ក្នុងទីនោះកតិកាភេទ បានន័យថាបដិសេធកិច្ចសន្យាលក់ចោល ដោយមកពីលក់អចលនវត្ថុមានវិការៈអាថ៌កំបាំង។ |
| កាតព្វកិច្ច | Obligation | ចំណងនៃសិទ្ធិដែលបង្ខំជនម្នាក់ឱ្យផ្ទេរកម្មសិទ្ធិ ឬសិទ្ធិណាមួយឱ្យបំពេញនូវកិច្ចការណាមួយ ឬឱ្យឈប់បំពេញនូវកិច្ចការណាមួយដល់ជនម្នាក់ទៀត។ |
| ការជំរះមរតក | Reglement des successions | កិរិយាធ្វើបញ្ជីទ្រព្យសម្បត្តិរបស់ខ្មោច អោយដឹងថានៅសល់ប៉ុន្មាន បាត់ប៉ុន្មាន ដើម្បីនឹងចែកគ្នារវាងទាយាទ និងទាយាទ។ |
| ការ្យ | Ouvrage | ផលអ្វីទាំងពួងដែលកើតមកពីស្នាដៃជាងឬស្នាដៃសិល្បករ។ ឧទា: តុ ទូ ជាការ្យរបស់ជាង ឯប្រលោមលោកជាការ្យរបស់អ្នកនិពន្ធ។ |
| កើយ | Balcon | រានហាលតូចគ្មានសរសរទ្រពីក្រោមទេតែមានបង្កាន់ដៃព័ទ្ធជុំវិញ។ |
| កូនបំណុល | Debiteur | ជនជំពាក់ប្រាក់ ឬជំពាក់កាតព្វកិច្ចគេ។ |
| កំពែង | Cloture | ស្នាមភ្លោះ របង ភ្លឺ។ |
ច.ឆ.ជ
| ពាក្យ | ភាសាបារាំង | ពន្យល់សេចក្ដី |
|---|---|---|
| ចរន្តការ | Mise a jour | ការកត់ត្រាទុកជាប្រចាំក្នុងឯកសារសុរិយោដីនូវរាល់ការប្រែប្រួល ឬការផ្លាស់ប្ដូរដោយយោងតាមឯកសារគតិយុត្ដ។ |
1477
