ಕವಿಯಾದ್, ಕಲಾವಿದೆಯಾದ್ ಮಲ್ಲ ಸಾದನೆ ಮಲ್ತಿನ, ವ್ಯಕ್ತಿಯಾದ್‌ ಆತೇ ಎತ್ತರೊಗು ಏರ್ದಿನ, ವಿಶೇಷ ಯೋಗ್ಯತೆದ ಒಂಜಿ ವ್ಯಕ್ತಿತ್ವ, ಮದಪ್ಪಂದಿ ನೆನಪಾದ್ ಚರಿತ್ರೆಗ್ ಸೇರ್ಂಡ್. ಆಸ್ಪತ್ರೆಗ್ ಪೋವೆರೆ ದುಂಬು, ತನ್ನ ಉತ್ತರಕ್ರಿಯೆನ್ ಎಂಚ ಮಲ್ಪೊಡುಂದು ಆರ್ ಬರೆದಿತ್ತಿನ ಕಾಕಜಿ, ಆರೆನ ಮೇಜಿದ ಮಿತ್ತ್ ಇತ್ತ್ಂಡ್! ಉಡ್ಪಿಡ್, ಕುಡ್ಲಡ್ ಬೊಕ್ಕ ಬೇತೆ ಬೇತೆ ಕಡೆಟ್ ಶ್ರದ್ಧಾಂಜಲಿ ಸಭೆಕ್ಕುಲು ನಡತ್ತ್ಂಡ್. ಮಾರ್ಚ್ ತಾರೀಕ್ ಇರ್ವತ್ತೆಣ್ಮತಾನಿ, ತುಳು ಅಕಾಡಮಿದ ವಾರ್ಷಿಕ ಸಮಾರಂಬೊಡು ಆರೆನ 'ಬೀರದ ಬೊಲ್ಪು' ಬುಡುಗಡೆ ಆಂಡ್. ಈ ವರ್ಸೊದ ಅನುವಾದ ವಿಭಾಗದ ಬಹುಮಾನ, ದುಂಬೇ ಆರೆನ 'ಮಾಯದ ಸೂರ್ಪನಕಿ-ಭರತನ ಮೋಕೆ'ಗ್ ಘೋಷಣೆ ಆದಿತ್ತ್ ನವು. ಅವುಲಾ ಆನಿಯೇ ಸಂದ್ಂಡ್. ಇಂಚ ತುಳು ಅಕಾಡಮಿ ಮಹಾಕವಿ ಮಂದಾರೆರೆಗ್, ತುಳುವೆರೆ ಪರವಾದ ಮಲ್ಲ ಗೌರವ ಸಂದಾಂಡ್.
ಒಡನಾಟ - ಸಂಪರ್ಕೋದ ಕ್ಷೇತ್ರ
ಮಂದಾರೆರೆನ ಕಾರ್ಯ ಕ್ಷೇತ್ರೋಲು ಮಾಸ್ಟಾದಿಕೆ, ಯಕ್ಷಗಾನ, ಸಾಹಿತ್ಯ ಬೊಕ್ಕ ಕೌಟುಂಬಿಕ,
ಬಂದು ವರ್ಗೊ ದೋಸ್ತಿಲು, ಸಾರ್ವಜನಿಕ ಸಂಸ್ಕೃತಿದ ಕ್ಷೇತ್ರೋಡು ಒಡೆಯರ್..ಬಳಗ, ಕುಡ್ಡದ
ಕನ್ನಡ ಸಂಘ, ಪೊಳಲಿ ಶಾಸ್ತ್ರಿ ಸ್ಮಾರಕ ಸಮಿತಿ, ವಾಮಂಜೂರು ಯಕ್ಷಗಾನ ಸಂಘ, ತುಳು
ಸಂಘಟನೆಲು, ತುಳು ಅಕಾಡಮಿ, ಉಡುಪಿದ ಗೋವಿಂದ ಪೈ ಸಂಶೋಧನ ಕೇಂದ್ರ ಈ ಸಂಸ್ಥೆಲು.
ಅಂಚನೇ ತಾನ್ ಯಕ್ಷಗಾನ ಅರ್ತೊ, ಭಾಗವತಿಕೆ ಪಂಡ್‌ದ್ ಕೊರೊಂದಿತ್ತಿನ ಕೆಲವು ಸಂಘೋಲೆಡ್
ಆರೆಗ್ ಸಂಬಂಧ, ಕುಡುಪು, ಕೊಂಚಾಡಿ, ಕೂಳೂರು, ವಾಮಂಜೂರು, ಕುಡ ಉಂದು ಆರೆನ
ಕಾಯಮುದ ಸಂಚಾರ ಕ್ಷೇತ್ರ, ಮುಲ್ಕಿಡ್ ಕುಡಲ ಮುಟ್ಟಿ, ಮೂಡಾಯಿಗ್ ಮೂಡಬಿದ್ರಿ ಪರಿಸರ,
ಕುಡ್ಲ, ಬಂಟ್ವಾಳ ತಾಲೂಕುಲು ಆರೆನ ಮುಖ್ಯ ಕಾರ್ಯಕ್ಷೇತ್ರ. ಅಂಚನೇ ಸಾಂದರ್ಭಿಕವಾದ್
ಜಿಲ್ಲೆದ ಉಳಯಿ, ಪಿದಾಯಿ ಬೇತೆ ಬೇತೆ ಊರುಲೆಗ್ ಸಂಚಾರೋ.
ದಿನಚರಿ - ತಿರುಗಾಟೊ
ಮಾಸ್ಟ್ರಾಪಿನೆಟ್ಟ ಇಲ್ಲದ ಕೆಲಸೊಗು, ಹೆಚ್ಚ ಗಮನ ಕೊರೊಂದಿತ್ತಿನ ಕೇಶವ ಬಟ್
ಅಯ್ತ ನಡುಟುಲ ಯಕ್ಷಗಾನ, ಸಂಗೀತ, ಸಾಹಿತೈಲೆನ್ ಸ್ವಂತ ಅಭ್ಯಾಸ ಮಲ್ಲೊಂದಿತ್ತೆರ್
ಏತೋ ಆಟ, ತಾಳಮದ್ದಲೆಗ್ ಪೋವೊಂದು ಬರೊಂದಿತ್ತ, ಕೊಂಚಾಡಿದ ಸಂಪರ್ಕ,
ವಿಶೇಷವಾದ್ ಅಚ್ಯುತ ಬಟ್ರೆನ ಒಡನಾಟಲಾ ಹೆಚ್ಚ ಇತ್ತ್ಂಡ್, ಅದಗನೇ ಆರೆಗ್ ಓದುನ
ಮರ್ಲ್ ವಿಶೇಷ. ತೂಯಿನೈನ್, ಓದಿನೈನ್ ಅಂಚನೇ ಬುಡಂದೆ, ಆಯಿಡ್ಸ್ ಪೆಜೊಂದು ಆ
ವಿದ್ವತ್‌ಡ್ ಗಟ್ಟಿ ಆವೊಂದು ಪೋಯರ್, ವಿದ್ವಾನ್ ಪಾಸಾದ್, ಮಾಸ್ಟಾವೊಡ್ಡನೇ ಆರ್
ನಿಜವಾಯಿ ಅರೊಡು ವಿದ್ವಾಂಸೆ ಆದಿತ್ತೆರ್.
ಕೂಳೂರುಡು ಮಾಸ್ಟ್ರಾದ್ ಸೇರಿ ಬೊಕ್ಕ ಪುಲ್ಟನ ಮಂದಾರೊಡ್, ಬೊಂದೆಲ್ - ಕಾವೂರು
ದೆಪ್ಪುಣಿ ಸಾದಿಡ್ ಕೂಳೂರುಗ್ ನಡೊತ್ತೊಂದು ಪೋದು, ಬಯ್ಯಡ್ ಬಸ್ಸಿಡ್ ಕುಡ್ಲ ಗಾದ್
10
