ದೊಂಡೆದ ಕ್ಯಾನ್ಸರ್ಂದ್ ಗೊತ್ತಾಂಡ್. ಆರೆನ ಚಿಕಿತ್ಸೆಗ್, ಪೊಳಲಿ ಬಾಲಕೃಷ್ಣ ಶೆಟ್ ವಿಶೇಷವಾದ್ ಬಂಜ ದೆತೊಂದು ವ್ಯವಸ್ಥೆ ಮಲ್ಲೆರ್, ಮಣಿಪಾಲ ಆಸ್ಪತ್ರೆದ ಡಾ| ಭಾಸ್ಕರಾನಂದ ಕುಮಾರರ, ಬೊಕ್ಕ ಬೇತೆ ಡಾಡ್ಜ್ನನ ಅಭಿಮಾನ, ಪ್ರೀತಿಡ್ಜ್ ಆರೆಗ್ ಕ್ರಮವಾದ್ ಚಿಕಿತ್ಸೆ, ಸರಿಯಾಯಿನ ವ್ಯವಸ್ಥೆ, ಉಚಿತವಾದ್ ತಿಳ್ಕೊಂಡ್, ದೊಂಡೆದ ಸ್ವರ ಪೆಟ್ಟಿಗೆನ್ ಆಪರೇಷನ್ ಮಲ್ತ್ದ್ ದೆಪ್ರೊಡಾಂಡ್. ಒಂತೆ ಸಮಯೊಡು, ಅಯ್ಯೋ ಬೋಡಾಯಿನ ಉಪಕರಣೋಲೆನ್ ದೀದ್, ಒಂತೆ ಮಟ್ಸ್ಡ್ ಪಾತೆರುಲೆಕ್ಕ ಮಲೆರ್. ಭಾಗವತಿಕೆ, ಅರ್ಥ, ಭಾಷಣ, ಪಾತೆರ ಕತೆಟ್ಸ್ ಇತ್ತಿನ ಒರಿ ಕಲಾವಿದೆ, ಸಾಹಿತಿಗ್ ಸ್ವರನೇ ಇಜ್ಜಂಡ ಎಂಚ ಆವು! ಆಂಡಲಾ ಕೇಶವ ಬಟ್ ಯತ ಮಲ್ತ್ಜೆರ್, ಜಗ್ ಜೆ, ಸಭೆ ಸಮಾರಂಬೊಳೆಗ್, ಮಿತ್ರ ಕೂಟೊಲೆಗ್ ಬರೊಂದು ಇತ್ತೆರ್, ಬರೆಪುನ ಕೆಲಸಲ ಮುಂದರಿಸಾಯೆರ್. ಮಂದಾರ ರಾಮಾಯಣದ ಕನ್ನಡ ಅನುವಾದ, 'ಬೀರದ ಬೊಲ್ಲು' ಕಾವ್ಯ, ಉನ್ಮತ್ತ ರಾಘವ ಅನುವಾದ, ತುಳು ಯಕ್ಷಗಾನ ಪ್ರಸಂಗೊಲು - ಉಂದು ಮಾತ ಈ ಐನಾಜಿ ವರ್ಸೊಡು ಬರೆತಿನವು. ಕಡತ ದಿನಕುಲು 1996ದ ಒಕ್ಟೋಬರ್ಡ್ ಬೊಕ್ಕ ಆರೊಗೊಡು ಒಂತೆ ಪಿರ ಬೂರೈರ ಸುರು ಆಯ. ದಿನೊಲ ಕುಡುಪು ಪೇಂಟೆಂಗ್ ಬತ್ತ್ ಪೋಪಿನವು ಆರೆನ ಕಾಯಮುದ ಒಂಜಿ ಕ್ರಮ. ಈ ಸರಿ ನಾಲ್ ತಿಂಗೊಳು ಆ ಇಲ್ಲಡ್ ಪೇಂಟೆಗ್ ಜತ್ತ್ಜೆ, ಆರೇ ಪಂಡಿಲೆಕ್ಕೊ ಅವೊಂಜಿ ದಾಖಲೆ. ನಿತ್ರಾಣ ಬತ್ತ್ಂಡ್. ವಾಮಂಜೂರುದ ಸುಬ್ರಾಯ ಪಂಡಿತ, ಕುಡ್ಲದ ಚರ್ಮರೋಗ ವೈದ್ಯೆ ಡಾ| ಜಿ.ಎನ್. ಶೆಟ್ ಚಿಕಿತ್ಸೆ ಮಲ್ತ್ದ್ ಒಂತೆ ಉಷಾರಾಯೆರ್. ಈ ನಡುಟ್ಟು, ಆರೆನ 'ಬೀರದ ಬೊಲ್ಲು' ಮುದ್ರಣ ಆವೊಂದಿತ್ತ್ದ್, ತುಳು ಅಕಾಡೆಮಿ ಅವನ ಪ್ರಕಾಶನದ ಅಟ್ಟಣೆಡ್ ಇತ್ತ್ಂಡ್. 1997 ಮಾರ್ಚ್ ರಡ್ಡನೇ ತಾರೀಕಿದಾನಿ ಡಾ| ವಿವೇಕ ರೈ, ಅಮೃತ ಸೋಮೇಶ್ವರ, ಪಾಲ್ತಾಡಿ ರಾಮಕೃಷ್ಣ ಆಚಾರ್ ಬೊಕ್ಕ ಈ ಲೇಖಕೆ ಆರೆನ ಇಲ್ಲಗ್ ಪೋದು, ಬೂಕು ಬುಡುಗಡೆ ಸಮಾರಂಬೊದ ವಿವರ ಪಾತೆರೊ. (ಮಾರ್ಚ್ ಪದಿನಾಜೆಕ್ಟ್ ಸಮಾರಂಬಂದ್ ದಿನ ನಿಗಂಟಾದಿತ್ತ್ಂಡ್) ಆನಿದವೇ ಎಂಕೆನ ಕಡೇ ಭೇಟಿ ಆವುಂದ್ ಎಂಕು ಏರ್ಲಾ ಎಣ್ಣಿದಿಜೊ ತಾನ್ ಒರ ಮಣಿಪಾಲೊಗು ಪೋದ್, ದೊಂಡೆದ ಚಿಕಿತ್ಸೆ ಮಲ್ಪಾವೊಂದು, ಒಂತೆ ಉಷಾರಾದ್, ಸಮಾರಂಬೊದಾನಿ ರಸ್ಟ್ ಪಾತೆರ ಪಾತೆರುನಾತ್ ತಯಾರಾದ್ ಬರೆಂದ್ ಪಂಡ್ದಿತ್ತೆರ್. ಅಂಚನೇ ಐನನೇ ತಾರೀಕ್ಗ್ ಮಣಿಪಾಲೊಗು ಪೋದು ಆಸ್ಪತ್ರೆಗ್ ದಾಖಲಾಯೆರ್. ಪದಿರಾಡನೆ ತಾರೀಕ್ ಮದನಮ್, ಮಣಿಪಾಲೊಡ್ಡು ಸುದ್ದಿ ಬತ್ತ್ಂಡ್ - ಮಂದಾರ ಕೇಶವ ಬಟ್ ಪರಲೋಕೊಗು ಸಂದಿಯಂದ್. ಆರೆನ ಆಪ್ತಷ್ಟೆರಾಯಿನ ಎಂಕಲೆಗ್ ಮಾತ ಉಂದೊಂಜಿ ಮಲ್ಲ ದುಃಖದ ದಿನವಾದೇ ಒರಿವುಂಡು, ಬಯ್ಯಡ್, ಆರೆನ ಇಲ್ಲದ ಕೈತ್ತಳೇ ಅಂತ್ಯ ಸಂಸ್ಕಾರ ನಡತ್ಂಡ್. ಬಂದುಲು, ಮಿತ್ರೆ, ಅಭಿಮಾನಿಲು ಮಲ್ಲ ಸಂಖ್ಯೆಡ್ ಸೇರಿತ್ತೆರ್. 9