ತಿಕ್ಕುನೆಡ್ದ್ ಜನೊಕ್ಕುಲು ಅವೆನೇ ಆಯ್ಕೆ ಮಲ್ಪುವೆರ್. ಬ್ಯಾಂಕ್‌ಡ್ ಬಂಗಾರ್ ಅಡವು ದೀವೊಡಾಂಡ ಅವು ಬಂಗಾರ್ ಪಂಡ್ ದ್ ತೂವರೇ ಬಂಗಾರ್ದ್ ಆಚಾರ್ಲೆಗೇ ಲೆಪ್ಪು ಬರೊಂದಿತ್ತ್ಂಡ್. ಆಂಡ ಇತ್ತೆ ಕ್ಯಾರೆಟ್ ಏತ್ ಪಂಡ್ ತೂಪಿನ, ಏತ್ ಪಿತ್ತಲೆ ಮಿಕ್ಸ್ ಉಂಡು ತೂಪಿನ ಮಿಶನ್‌ಲಾ ಬೈದ್‌ಂಡ್. ಆಂಡಲಾ ಪದ್ದೆಯಿ ಬಂಗಾರ್ ಮಲ್ಪುನಕುಲು ಇಜ್ಜೆರ್ ಪಂಡ್ದ್ ಇಜ್ಜಿ. ಅಲ್ಪಲ್ಪ ಉಲ್ಲೆರ್. ವಂಶ ಪಾರಂಪರ್ಯವಾದ್ ಮಲ್ತೊಂದಿತ್ತಿನಕುಲು ಈ ಉದ್ಯೋಗೊಡು ಕೆಲೆವೆ‌ರ್ ಅಲ್ಪಲ್ಪ ಉಪ್ಪುನೆನ್ ನಮ ತೂವೊಲಿ.
ಕುರ್ಚಿ, ಮೇಜ್, ಮಂಚ, ಬೆಂಚಿ, ಮಣೆ, ಸ್ಕೂಲ್, ಮುಟ್ಟದನೆ, ಪೆರದನೆ, ಲೆಂಚಿ, ಓಡ ಮರಯಿ, ಸಂಬರ ಮರಯಿ, ಕಂಡಿ ಬಾಕಿಲ್, ಪಕ್ಕಾಸ್ ರೀಪು, ದೂರಲಾ ಮರತ್ತನೇ ಆವೊಡು. ಅವೆನ್ ಮಲ್ಪುನಕುಲೇ ಇತ್ತೆರ್. ಕಡ್ಡಿಲ್ ಕೆತ್ತನೆಲು, ದೇವಸ್ಥಾನೊಲೆಡ್ ಮರತ್ತ ಕೆತ್ತನೆಲು ನಮೂನೆ ನಮೂನೆದ ಬೇಲೆ ಮಲ್ಪುನಕುಲು ನಮ್ಮ ಊರುಡಿತ್ತೆರ್.
ಇತ್ತೆ ಇಲ್ಲಗ್ ಬೋಡಿ ಮಾತಾ ವಸ್ತುಲು ಪ್ಲಾಸ್ಟಿಕ್‌ಡ್ ಇಜ್ಜಾಂಡ, ಕರ್ಬದ, ಸ್ಟೀಲ್‌ ಬರೊಂದುಂಡು. ಇಲ್ಲದ ಮಾಡ್‌ಗೆ ಕರ್ಬದ ರೀಪು ಪಕ್ಕಾಸ್ ಪಾಡ್ಯೆರೆ ಸುರು ಆತ್‌ಂಡ್. ಕೈಟ್ ಮಲ್ಲ್ತೊಂದಿತ್ತಿ ಬೇಲೆ ಇತ್ತೆ ಪೂರಾ ಮಿಶನ್‌ಡ್ ಆಪುಂಡು ವಾ ಕಡ್ಛಿ ಲ್‌ದ ಡಿಸೈನ್‌ ಬೋಡು ಮಾತಲಾ ಮಿಶನ್‌ಡೇ ಆಪುಂಡು. ತಾರಾಯಿ ಪಿರೆಯೆರೆ ಇತ್ತೆ ಪೆರದನೆ ಬೊಡ್ಚಿ ಮಿಶಿನ್ ಬೈದ್‌ಂಡ್. ಮೀನ್ ಮಲ್ಲರೆ ಇತ್ತೆ ಕತ್ತೆರಿ ಇಯಾವು, ಕಡ್ಪೆರೆ, ಬುಡ್ಪಾರೆ ನಂಕ್ ಬೆನ್ನಿ ಸಾಗೋಳಿ ಕಮ್ಮಿ ಅಂಚ ಮಾತಲಾ ಬಳಕೆ ಕಮ್ಮಿ ಆವೊಂದುಂಡು. ಟ್ಯಾರಿಸ್‌ ದ ಇಲ್ಲುಲು ದಿಂಜ್‌ದ್ ಪೋಂಡಲಾ ಕಟ್ಟುನ ಓಡುದ ಇಲ್ಲುಲು ಕಟ್ಟೋಣೆಲು ಕರ್ಬದ ಪಕ್ಕಾಸ್ ರೀಪು ಪಾಡ್ಯರೆ ಸುರು ಆತ್‌ಂಡ್. ಮರತ್ತ ಅಡ್ಡೆನು ತಿಗಿಪುನ, ರಡ್ಡ್ ರಡ್ದ್ ಜನ ಸೇರ್ದ್ ಕಿಸುಳಿ ಪಾಡುನ ಬಂಗ ಇಜ್ಜಿ. ಇತ್ತೆ ಓಡಲಾ ಮರತ್ತ ಆವೊಡಿಂದಿಜ್ಜಿ ಪೈಬರ್‌ದ ತಯಾರಾಪುಂಡು. ಪೊಸ ಇಲ್ಲ್ ಕಟ್ಟ್ ನಗ ಮರತ್ತ ಬೇಲೆ ಮಲ್ಪುನಗ ಕುತ್ತಿ ಪೂಜೆ ಮಲ್ಪುನ ಕ್ರಮ ಇತ್ತ್ಂಡ್. ಇತ್ತೆ ಅವು ಎಂಚಿನ ಪಂಡ್ ದ್ ಎರೆಗ್ಲಾ ಗೊತ್ತಿಜ್ಜಿ ದಾಯೆಪಂಡ ಎದುರುದ ಬಾಕಿಲ್ ಒಂಜಿ ಮರತ್ತ ಬುಡುಂಡ ಬೊಕ್ಕ ಮಾತಾ ಸಿಮೆಂಟ್‌ದ ದಾರಂದ ಫೈಬರ್‌ದ ಬಾಕಿಲ್, ಕುರ್ಚಿ, ಮೇಜಿ ಮಂಚವು ಸೋಫ ಮಲ್ಪಾವುನ ಬುಡುಂಡ ಹೆಚ್ಚಿನ ಮರತ್ತ ಬೇಲೆ ಮಲ್ಪಾವುನ ಇತ್ತೆ ಬಾರಿ ಕಡಮೆ ಆವೊಂದುಂಡು. ಅಂಚಾದ್ ಹೆಚ್ಚದ ಮರತ್ತ ಬೇಲೆಗ್ ಏರ್ಲ ದುಂಬು ಬರ್ಪುಜೆರ್, ಇಂಚಾದ್ ಮರತ್ತ ಬೇಲೆಲು ಕಮ್ಮಿ ಆವೊಂದುಂಡು.
200
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...
