ಹಾಳ್ ಪಂಡ್ ಗೊತ್ತಿತ್ತ್ಂಡಲಾ ನಂಕ್ ಅವೇ ಬೋಡು. ಕಡ್ಯ ದರಿಯುಂಡು ಪಂಡ್ದ್ ಪೋಡಿಗೆಲಾ ಇಜ್ಜಿ. ಇತ್ತೆ ನೀರ್ ಒಯ್ಪೆರೆಲಾ ಇಜ್ಜಿ. ನೀರ್ ದೆಪ್ಪೆರೆ ಮಿಷನ್ ಬೈದ್ಂಡ್, ಮಿಶನ್ ಇಜ್ಜಾಂಡ ಅಲಿಮಿನಿದ, ಪ್ಲಾಸ್ಟಿಕ್‌ ದ, ಕೊಡಪಾನ ಬೈದ್ಂಡ್. ಕಲಿ ಕೊನವೆರೆ ಪ್ಲಾಸ್ಟಿಕ್‌ ಕ್ಯಾನ್ ಸುಲಭ ಆತ್‌ಂಡ್.
ಹಳ್ಳಿಲೆಡ್ ದಿಕ್ಕೆಲ್‌ಡ್ ಅಟಿಲ್ ಮಲ್ಪುನಕುಲು ಇತ್ತೆಲಾ ಮಣ್ಣ್ ದ ಬಾಜನ
ಉಪಯೋಗ ಮಲ್ಪುವೆರ್ ಅತ್ತಂದೆ. ಪೇಂಟೆದಕಲೆಗ್ ಉಂದು ಒವ್ವುಲಾ ಬೊಡ್ಚಿ
ದಾಯೆ ಪಂಡ ಮಣ್ಣಿದ ಓಡುದ ಕಪ್ಪರೊಟ್ಟಿ, ಬಿಸಲೆಡ್ ಮಲ್ತಿನ ಮೀನ್‌ ಕಜಿಪುದ
ರುಚಿ ಅಕಲೆಗ್ ತೂದೇ ಗೊತ್ತಿಜ್ಜಿ. ಅಂಚಾದ್ ಮಣ್ಣ್ ದ ಬಾಜನ ಗಳಸುನ ಕಮ್ಮಿ
ಅತ್‌ಂಡ್. ಬೇಡಿಕೆ ಇತ್ತ್ಂಡಲಾ ಕರ ಮಲ್ಪೆರೆ ಎಡ್ಡೆ ಮಣ್ಣ್ ತಿಕ್ಕೊಂದುಲಾ ಇಜ್ಜಿ.
ತಿಕ್ಕುಂಡಲಾ ಮಲ್ಪುನಕುಲು ತೆರಿದಿನಕುಲು ಕಮ್ಮಿ ಆವೊಂದುಲ್ಲೆರ್. ಅಲ್ಪಲ್ಪ ಬಾಜನ
ಮಲ್ಪು ಕುಟುಂಬೊಲು ಇತ್ತೆಲಾ ಬಂಗ ಆಂಡಲಾ ಗಳಸುನಕಲೆಗ್ ಕುಟುಂಬದಕುಲೇ
ಬೇಲೆ ಮಲ್ತೊಂದು ಇಲ್ಲಿಲ್ಲಗ್, ಜಾತ್ರೆದಲ್ಪ, ಸಂತೆದಲ್ಪ ಮಾರುನೆನ್ ಅಲ್ಪಲ್ಪ
ತೂವೊಂದುಲ್ಲ. ಒಡೆ ಮುಟ್ಟ ಪಂಡ ಚೌತಿಗೆ ಮಣ್‌ಡೇ ಗಣಪತಿ ಮೂರ್ತಿ
ಆವೊಡು ಪನೊಂದಿತ್ತಿ ನಮ್ಮ ಇತ್ತೆ ಪ್ಲಾಸ್ಟರ್ ಆಫ್ ಪ್ಯಾರಿಸ್‌ಲಾ ಆವು ಪನ್ಪಿ
ಕನ್ಸೆಷನ್‌ಗ್ ನಮ ಬೈದ.
ಕೆಬಿ ಕುತ್ತೆರೆ, ಮೂಕುತಿ ದೀಪಾರೆ ಬಂಗಾರ ಆಚಾರ್ಲು ಓಲು ಇತ್ತ್ಂಡಲಾ ನಾಡೊಂದು ಪೋಪಿನ ಕಾಲ ಒಂಜಿ ಇತ್ತ್ಂಡ್. ತನ್ಕುಲೆಗ್ ಬೋಡಿತ್ತಿ, ಕೊತ್ತಂಬರಿ ಸರ, ಪಟ್ಟಿಸರ, ಕನಕ ಸರ, ಲಕ್ಷ್ಮಿ ಸರ, ಮಲ್ಲಿಗೆ ಸರ, ಮುತ್ತುದ ಸರ, ಪಕಲದ ಸರ, ಕಾಜಿ, ಕರಿಮಣಿ, ಇಂಚಿತ್ತಿ ಪದ್ದೆಯಿ ಬಂಗಾರ್‌ಲೆನ್ ಮಲ್ಪಾವೊಂದಿತ್ತೆರ್.
ಇತ್ತೆ ಕೆಬಿ ಕುತ್ತೆರೆ ಅಕುಲೇ ಬೋಡಿಂದಿಜ್ಜಿ. ಬಂಗಾರ್‌ದ ಅಂಗಡಿದಕುಲೇ ಒಂಜಿ ಪೆನ್‌ದಂಚಿ ವಸ್ತುಡು ಕೆಬಿ ಕುತ್ತಾವುನ ಕ್ರಮ ಬೈದ್ಂಡ್. ಅತ್ತಂದೆ ಇತ್ತೆ ಮಲ್ಲ ಮಲ್ಲ ಬಂಗಾರ ಅಂಗಡಿಲೆಡ್ ರೆಡಿಮೆಡ್ ಆದ್ ಡಿಸ್ಕೊ ಚೈನ್, ಟೆಂಪಲ್ ಜುವೆಲ್ಲರಿ, ಸ್ನೇಕ್ ಚೈನ್, ರೋಪ್ ಚೈನ್, ಸಿಂಗಾಪುರ್ ಚೈನ್, ಬೀಟ್ ಚೈನ್, ಬಾಕ್ಸ್ ಚೈನ್, ಕಟ್‌ ಚೈನ್, ಬ್ರೇಸ್‌ಲೆಟ್ ಇಂಚಿತ್ತಿ ವಿಚಿತ್ರ ಪುದರ್ ದ ಬೇತೆ ಬೇತೆ ನಮೂನೆದ ಪದ್ದೆಯಿಲು ತಿಕ್ಕುಂಡು.
ಬಂಗಾರ ಬೇಲೆ ಕಲ್ತಿನಕುಲು ಕಮ್ಮಿ, ಕಲ್ಪುನಕುಲುಲಾ ಕಮ್ಮಿ ಆವೊಂದುಲ್ಲೆರ್. ಬಂಗದ ಬೇಲೆ ಪಂಡ್ ದ್ ಕಲ್ಪರೆ ದುಂಬು ಬರ್ಪುಜ್ಯೆರ್.ಹಳ್ಳಿದ ಬಂಗಾರ್‌ದ ಅಂಗಡಿನ್ ಬುಡ್ಡು ಪೇಂಟೆದ ಅಂಗಡಿಲೆಡ್ ತಿಕ್ಕುನ ಹೊಸ ಹೊಸ ಡಿಸೈನ್‌ಲು ರೆಡಿಮೆಡ್
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...
199
