ಇಂಚಿತ್ತಿ ಮಸ್ತ್ ಗಣೇ ಭಾಗವಹಿಸಿ ದಿತ್ತೆರ್. ಹರಿಜನೊದ್ದಾರ, ಖಾದಿ ಗ್ರಾಮೋದ್ಯೋಗ, ಹಿಂದೀ ಪ್ರಚಾರ, ಪತ್ರಿಕಾ ಬರವಣಿಕೆ ಇಂಚ ಬಗೆ ಬಗೆಟ್ ಜನಜಾಗೃತಿ ಮತ್ತೊಂದಿತ್ತೆರ್. ಗಂಗಸರ ವಿರುದ್ಧ ನಡತಿ ಚಳವಳಿದಪಗ ಪರಡೆ ಕಲಿ ಗಂಗಸರೊ ಪತ್ನಿ ತುಳು ಪದ ಓಣಿ ಬರ್ಕುಲೆಡ್ ಕೇನೊಂದಿತ್ತ್ಂಡ್‌ಗೆ. ಉಂದು ತುಳುನಾಡ್‌ಡ್ ನಡತಿ ಸ್ವಾತಂತ್ರ್ಯ ಚಳವಳಿದ ಚಿತ್ರಣ. ಸತ್ಯಮಿತ್ರ ಬಂಗೇರು, ಕ್ರೈಸ್ತರಾದ್, ಕ್ರೈಸ್ತ ಸಂಸ್ಥೆಡ್ ಬೇಲೆ ಮತ್ತೊಂದು ಉಪ್ಪುನಗ ತಾನ್ ತನ್ನ ನಾಡ್‌ಗಾದ್ ಸೇವೆ ಮಲ್ಲೊಡು ಪಂಡ್ಸ್ ಈ ಕ್ಷೇತೊಗು ಜತ್ತ ತಾನ್ ಸೈಪಿನೆಟ್ಟ ಇತ್ತ ಮದಪೆರಾವಂದಿ ತುಳುವೆರಾಯ. ಆರ್ ತನ್ನ ಕೃತಿ ಅಳಿಯ ಸಂತಾನ ಕಟ್ಟದ ಗುಟ್ಟುನು ಮಿಶನ್ ಪ್ರೆಸ್‌ಡ್ ಅಚ್ಚಿ ಮಳ್ಳಾವಂದೆ ಉಡುಪಿಡ್ ಅಚ್ಚಿ ಮಳದುಷ್ಯರೆ ತನ್ನ ದೇಶಾಭಿಮಾನವೇ ಕಾರಣ ಆದಿದ್ದೊಡು. ಆರ್ ಮಿಶನರಿಳೆನ್ ದೂರಂದೆ ಅಗಲ್ನ ಸೇವೆನ್ ಮಗರೆ ಪನ್ನಿನೆಕ್ಕ ಅರ್ ಬರೆತಿ 'ಮಿಶನರಿಳುಲಾ ತುಳು ಬಾಸೆಲಾ' ಪನ್ನಿ ಲೇಖನ ಸಾಕ್ಷಿ ಆದುಂಡು. ಬಂಗೇರೆನ ಜತೆತ್ತ ಆದಿತ್ತಿ ಪಡಿಯಾಡಿಯೆ‌ಲಾ ಪರಂಗಿದಕುಲು ಮೂಲು ಬತ್ತದ್ ತುಳುಟ್ಟು ಬೆನ್ನಿ ಬೆಂದರ್‌ಗೆ ನಂಕ್ ದಾಯೆ ಆಪುಜಿ ಪನ್ಸಿ ಆರ್ ಅಗುಲೇ ಎಂಕ್ ಗುರು ಪಂಡ್ ಪಂಡ ತಪ್ಪಾವಂದ್ ಪಂಡ್ ಪರ್, ಕ್ರೈಸ್ತೆರೆಡ್ ದಕ್ಷಿಣ ಕನ್ನಡ ಜಿಲ್ಲೆಡ್ ಸ್ವಾತಂತ್ರ್ಯ ಚಳವಳಿ ಭಾಗವಹಿಸ್‌ದಿನ ಬಂಗೇರು ಅತ್ತಂದೆ ಬೇತೆ ಬೇತೆ ಚಳವಳಿ ಭಾಗವಹಿಸಿದಿನ ಉಚ್ಚಿಲದ ಟಿ. ಎಮ್, ಸೋನ್ಸ್, ಬೆದ್ರದ ಆರ್ಲ್ಬಡ್ ಸೋನ್ಸ್, ಬೊಲ್ಯದ ಅಬ್ರಹಾಮ್ ಅಮ್ಮನ್ನ, ಕುಡ್ಲದ ಎಬ್ರೇಜರ್ ಸೋನ್ಸ್, ಶದ್ರಾಕ್ ಸೋನ್ಸ್ ಸಿಂಸನ್ ಸೋನ್ಸ್ ಇಂಚಿತ್ತಿನಗಲ್ನ ಪುದರುಳುಲಾ ಕೇನ್ಸ್ ಬರ್ಪುಂಡು. ಡಾ. ಪೀಟರ್ ಪ್ರಭಾಕರ್ ಬರೆತಿ ಸತ್ಯಮಿತ್ರ ಬಂಗೇರೆನ ಬದ್‌ಕ್ ಬರವು ಪನ್ನಿ ಕೃತಿಟ್ಟೆ ನೆತ್ತ ಬಗ್ಗೆ ಒಂತೆ ವಿಟಾರೊಲು ತೋಜಿದ್ ಬಂಡ ನೆತ್ತ ಬಗ್ಗೆ ವಾ ಸಂಶೋಧನೆಲ್ಲಾ ಈತ್‌ನೆಟ್ಟ ನಡತ್‌ಜಿ. ಸ್ವಾತಂತ್ರ್ಯ ಸಂಗ್ರಾಮೊಡು ಮೂಡ್ಡು ಬತ್ತಿನ ಐಕ್ಯ, ಜಾಗೃತಿ, ದೇಶಾಭಿಮಾನ ಅಂಚೆನೇ ಸಾಮಾಜಿಕ ಬೇಲೆ ಬುಳೆಯಿ ರೀತಿಳೆನ್ ಪ್ರತ್ಯೇಕವಾದ ಅಧ್ಯಯನ ನಡಪೊಡು. ಇಂಚಿತ್ತಿಗೇನ ನಂಕ್ ಮಾತೆರೆಗ್ ಉದ್ದೊಡು ಅಂಚಾಂಡ ಮಾತ್ರ ತುಳು ಸಾಹಿತ್ಯೋಡು, ಸ್ವಾತಂತ್ರ್ಯ ಸಂಗ್ರಾಮೊಡು ನಮ್ಮ ಜಿಲ್ಲೆದ ಜನೊಕ್ಲು ಬೆಂದಿನೆನ್ ನೆಂಪು ಮಲ್ಗೊಂಡಿಲೆಕ್ಕ ಆವು ಪನವೇ ಎನ್ನ ಆಶಯ. ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು... 125
