| № 39 | ЯКСТЕРЕ ТЕШТЕ. | 3 |
____ызь эрьзякс. Те отчетось миненек пек чарькудевсь сонзэ эйстэ минь неимик веси губернянь тевтнень и робутаньть, конань икеле аздылинек цюткак. Те отчетоньть печатамга самарской ялгатненень минь евтатан покш пасиба и желаятан тенст, чтобы сынь икелевгак мезе можна, печатавольть тенек эрьзякс.
| Месть сёрмодыть Красной Армиясто. |
Чечо мон Ростовсто краснойармеецень пельде получинь серма, конайсэ сынь сермадыть: „Газетась — Якстере Теште — тенек пачкуди, месть эйсэнзэ сермадыть чаркудиви рузонь газетадо парсте. Паро бу улевель кучовледеяк тенек эрзянь кельцэ сермадозь политической грамота лиясто бу тень кувалт ловновлеть кодамояк кинишка, саят кедезэть рузонь — берянстэ чаркудить рузонь сермас, эрзянь кинишкат кедьмаласо арасть, чарат велят ловномс амезе. Кучодо тенек эрзянь кинишкат“.
Д.
| Авань тевть. |
| Салава чачтый ава. |
| (Сам. губ., Бугур. у.). |
Вишка Толкайсэ ули ве ава, лемезэ Седой Уля. Сон ульнесь дова. Муйсь эстензэ эйкакш но чачтамонзо виськс марявсь тензэ. Сон эйкакшоньть таргавтызе кемень целковойде. Таргавтомадо мейле цидярсь анцяк вейксэ чить и кулось. Те аваньть кадовсть вете эйкашонзо сиротат. Те превтеме авась рамась эстензэ кемень целковойде кулома.
В. Г. Старков.
| Волостной авань промкс (с‘езд). |
| (Сарат. г., Петров. у.). |
Декабрянь 2-чистэ Вязимской волостьсэ ульнесь авань промкс. Весемезэ аватнеде ульнесть 60 ломань сюро видицят. Весе сынст кортамост кулцонизь парсте. Неяви, что аватне кундасть дружнасто роботамо общественной тевсэ,
Базаев.
| Эйкакшонь каявтний Булдань Проска. |
Бугурусланской уездсэ ули ава Булдань Праска и те авась пек куя. Сталмозо сисемь пондот. Сон аватнень эйстэ яла каявтни эйкакшт. Сон уш асодыяк знаро эйкакшонь эрямот сайсь. Эйкакшонь каявтумань кис саи зяро оймезэнзэ кельги, веши и сень эйсэ тензэ максыть превтеме дурак аватне.
В. Г. Старков.
Редакциянь пельде. Те Булдань Проскантень эряволь нефтемс Уголовной Кодексэнь статьянть, конань кувалт кавто колмо иес пекстыть тюрьмас се ломатнень, конат врачебной удостоверениявтомо ертовтнить эйкакшт ды куловтнить аватнень.
| КОМСОМОЛ. |
| РЛКСМ-инь ячейка. |
Сухой велень волостьсэ ули РЛКСМ-инь ячейка. Ячейканть ламо членэнзэ, ламо юткстост тонафтнить педтехникумсо. Не члентнэ мерить сюро видицянь од народонтень, што тынк а тарканк техникумсонть. Минь арситянок: мекс а тарканок? Коли минь хотим тонафтнеме. Аздан мекс сынь тонафтнить, а минь раЗи а маштанок тонафтнеме истя, кода cынь?
Вейке сынст ютксто студент Кизилбашев ялгась мери; эрьва кие может тонафтнеме техникумсо и эрьва кинень эряви тонафтнемс.
Минь, сюро видицянь од народось арситянок, што Борнар ялгась аволь парсте теи. Минь церанек тейтерьнек бажатанок кода бу вейсэ эрямс (колективсэ) а сон теи аволь истя.
Кизилбашев ялгась минек койсэ теи ды корты истя, кода кортась В. И. Ленин, што весеменень эряви тонафтнемс.
Комс. кор. Гивас.
| Ячейкань тевтнень кувалт. |
| (Кочкор веле, Ард. у., Ульянов. губ.). |
Минек велесэ улить кавто ячейкат: Р. К. П. (б). и Р. Л. К. С. М. Ячейкатнэнь тевест кизэнь тев ланга работаст аламос лоткакшнось. Ней, когда кизэнь тевтнень урядызь, ячейкатне таго кармасть роботамо пек вадрясто. Кона шкане лоткакшнось роботась се шканть тевенть теизь кавто месецте Октябрясто и Ноябрясто потомучто каждной неделяне безмалова тейнить „спектакельт“ косо эри публика пек ламо и самай главнойсь се, каждной неделяне кавксть эрить собраният, косо разбирают „Азбука Коммунизма" и „Политграмота Коваленко“. Члентне и кандидатнэ пек стараить тонафтомс од ялгатнень „Комсомолецэнь, чтобу кажной комсомолец маштоволь, содаволь невтеме или панжомо чопуда ломанень сельть и ды эрьва комсомолецэсь маштозо мереме что илядо кулцоно мезде морыть кувака черьтне ды келей ожатне.
Самаркин.
| ТАНДАВКС. |
| (Иваньбие веле Лукояновск. у., Нижегородской губ.). |
Ве. Якшамо сексинь ве. Вармась так и пуви, как буто такинь превензэ сасы. Чопуда, сельмс нерькстак мезеяк а неяви.
Плотина ланга, рудаз потмова капшазь промкс кудосто юты Иван. Сон мольсь и арсесь (думаясь), вдруг плотина удалдо мезеяк, лиси, ков сон сестэ моли, мезе теи?
Сон пек пельсь.
Коськ лопатнэ каштордыть кода вармась пек пуви и Иванонь седейзэ стразу соракады.
„Эй кундасамизь“!...
Арсезеви Иван, и чуть атуи чиезь да пели пры рудаз поц. — пек плотинась берянь.
Ведь валтнэ эшксевсть плотинань овайтнене, и Иван думаясь, что ки бути моли мельганзо, а сонсь удалов варштамо пели.
О—о-о-х!...
Вдруг марявсь плотина удалдо. Иванонь пря кеднэ кармась кутявтмо.
И-и-и-х... А-о-о-о-х!...
Седеяк пек марявсь плотина удалдо.
Иван прась колинка лангс. Щупадизе прязо, шапказо уш арасель.
„Жива помощи... вышнего!...
Кармась Иван пижнеме—служамо мезе моцьсэ, а пилензэ потлинзе сурсонзо:
О-о-х... в-о-х...
Марявсь плотина удалдо.
Иван колинка лангсо ды кевердязь кармась шаштомо седе васов, а соньсь мезе моцьсэ пижнесь молитват.
Кой кода ютызе плотинаньть и кармась пувтнеме народоньть.
Пуромсь народ.
— Андо! Айдо!... Мезе тосо... Айдо!...
Кармась шумамо народось.
Мольсть плотина лангс.
— Караул... Караул...
Кармасть пижнеме. Плотина удало.
Ай!.. Ай!.. — Кармась пижнеме народось и тусть опеть чиезь велес.
Кинь бути кундызь!.. Такинь кундызь!..
Кармасть лисеме седе апелицят ломать.
Айдо! мезде пельмекс!... Зняронек уш асэвсамизь!... Айдо!...
Несколько ломать тусть. А остаткатне тандавтнезь реве лацо ащесть улиця кунчкасо и пельсть мик лексеме.... Плотина удало се пижнесь:
„Караул!... брацы спасите!...
Икелен конат тусть ломатне вдруг кармасть ракамо. Пелицятне седе смелгадсть и тусть мельгаст.
Пачкодсть икельсетнень вакс.
„Икельсетне“ ащесть и ракасть. Икелест рудаз поцо, кепе, одижавтомо, иредезь валяясь велень кооперативень председательеь С. Фомин и пижнесь караул.
Сон прась иредезь и матедевсь, а та кодамо паро ломань, чтобу седе курок иредьксэзэ явоволь юкснизе и одижанзо кайсинзе и кисоды ков саинзе.
Фомин ялгась кельмесь ды иредмензэ пачк кармась пижнеме караул.
Фомин ялгай! Тоньть а плотина удало таркат! Тон лучи кооперативень роботаньть седе парсте тейк, ато тоньть кочкидизь тевень тееме, бедной ломанне пособлямо, аволь самагондо симме ды ломанень тандавтнеме.
„А“.
| Сибирь. |
| Кода ютавтынек Октябрьской револю-циянть сисемеце годовщинанть. |
| (Киня веле,, Калачовской с/с. Прокаевской район. Томск. губ). |
Вете сядт вальгей пе Томскойстэ, колоньгемень — Кузнецкойстэ и комсь кавтаво вальгей пе чугунка киланьгонь станциянть эйстэ эрить эрзят. Веленть, косо сынь эрить лемезэ эрзякс Киня, рузокс сермадыть веленть Ново—Рождественск.
Эрзятнэ те велентень састь весе Россиясто, 40—50 ие кода уж эрить тесэ, састь тей Пакся и Вирь ало Тавласто, Пензенской губернясто. Од ломатне Тавланть уж аздасызь, сынь чачсть Сибирцэ, сынь Сибирень эрзянь чолдонт. Якить а рузокс а эрзякс, но главной эрзянь келенть эзизь стувт, кортыть весе эрзякс. Киня велесь революционной, Колчаконь пингстэ ульнесть даже вете подпольной коммунист, конат ветясть революционной робута сюро видицятнэть ютксо, Колчаконь пингстэ, атятнэ яла эсть макст Колчакнэнь салдат, эсть лезда тензэ. Тень кисэ ламо эйстэст варчнесть нагайкат, каталашкат ды ащесть острогсо. Острогсо пекстазетьне улевельть-бу леднезь, кода Красной армиясь аволь пачкодь седе куроксто. Колчаконь кискатнэ киненьдяк авольть педя и аволизь озавт острогс подпольной коммунистнэнь, если бу авольть уль велесэнть козя (сюпав) ломать — кулакт, конатнэ Колчаконь марто морасть ве дудкасо. Истямо атя годявсь Тишойкин Григорий. Сон сестэ Колчаконь чиновннкненень евтнинзе коммунистнэнь фамилияст и сынст арестовизь, саизь мартост, озавтызь Кузнецкойсэ острогс и норовакшность сынст леднеме, но Красной армиясь кенерсь и сынь менсть живойстэ.
Вана те велентень козой появакшныть эрьва кодат Сибиринь зверть, козой нейдяк косто-косто появакшныть вергист, мон пачкодинь ноябрянь ветеце чистэнь Октябрянь праздикень ютавтомо. Те велесэнть мон ульнинь весемезэ вете чить.
Ноябрянь ветеце чистэ ютавтынек революциянь сисемеце годовщинанть вадрясто. Праздникенть васенце чистэнть теиксэлинек веленть кругом демонстрация но пиземесь мешась тенек и демонстрациянть теемс эзь удала. Октябрянь праздникень первой чинть чоп ютавтынек собраниясо. Васня мон атятнэнень теинь эрзякс доклад: „Кодамо истямо Октябрянь революциянь праздникесь, мезе максь сон весе сюро видицятнэнень ды эрзятнэнень“.
Докладтонть мейле Кинянь коммунист Тогаев Гавриил и лият, евтнесть, кода Кинясь бороцясь Колчак марто, кода эсть макст Колчакнэнь салдатт и месть
| Эрзянь тонавтыцят! Илинкь стуфт эсинькь газетонк кир- диманзо. Сермадстодо тыньць „Якстере Тештес“, журядо сер- мадстомо велень эрзятнень. |
|
|
мартост Колчаконь чиновникне тейсть. Омбоце чинть тожо чинь-чоп ютавтынек собраниясо. Колмоце чистэнть, ноябрянь вейксэце числасто обедтэ мейле тейнинек авань промкс, косо ульнесть аватнэде омбоце пель сядошка, кемень иень тейтерьнеть, сизгемень иень бабинеть весе ульнесть промкссо. Теинь мон тенст доклад. „Кодат максь Советской властесь аватнэнень прават“. Тейнинь беседат: 1) орожиятнэдэ, 2) кельме вецэ жабань лемдимадо, кодамо сонзэ вредазо и лият беседат. Аватнэ кулцоность весе вадрясто, кевкснесть ули-ли оймеды тона чи, кевкснесть попонь тевтнень эйстэ и ламо лият месть. Аватнэнень ды цератнэнень весе докладтнэнь и лия беседатнэнь, мартост ветинь эрзянь кельсэ. Цератнэнень теинь эрзянь кельсэ сисемь докладт и беседат. Беседатнэсэ атятнэнь марто басинек, кода эряви сермадсотмс газета „Якстере Теште“ и лия кинига.
Кочкинек уполномочннойкс эрзятнэнь ютксто роботанть ветямо сыре коммунист Тагаев Гавриилэнь. Думан што те велесэнть школанть панжомодо мейле робутась туи вадрясто. Робутаст моли истяк а берянстэ, но берянстэ роботы кооперативест. Атят, тееде прикащикентень учет, кочкадо од — лия прикащик ды тевенк туи енсто.
И Поздяев.
| Церкуванть пароль-бу теемс школакс. |
| (с. Высокой, М. Бесчанск. вол.. Марьин. у., Томской губ.). |
Высокой велесь рузонь, аволь васоло эйстэнзэ ули эрзянь веле, лемезэ „Тавла“. Юткось веледе велес вейке вальгей пешка. Не кавто велетнень ули вейке церькуваст, конань сынь строизь германской войнастонть сынцист ярмаксо.
Церькуванть строизь, а школаст те порас тавласоньть арась. Те порас сынь кирсть поп, кода андонь туво. Ней попось оргоць, церькуваст ащи пекстазь. А теемс ли церькуванть школакс, больницяв эли ловнома кудокс?
Высокой велесэнть сон ащезэ ощо 100 ие, сонзэ мезекскак а тейсызь, а мейле наксады. Сынст ули и школаст и ловнома кудост, сыненст мезияк а эряви, а Тавла веленть мезесткак арась. Минь бедной эрзянь од цератне и сыре ломатьне а чекатанок пазнэ, а кемдянок попт. Улевель бу ловнома кудо, промовольнек тозой и ловновольнек бу газет, кинигат. Седияк паро бу улевель если теемс церькуванть школакс.
Кода бу те паро тевенть уставамс, кинень и кода сермадомс тень кувалт, штобо миненек а чекиця эрзятнэнень максовольть бу соглас яжамс церькуванть Высокойстэ и усксемс Тавлав эрзянь школакс.
Яковлев.
| Стувтозь веле. |
| (Ново Тырышкино, Сычевской район, Бийской у., Алт. губ.). |
Минек велесэнть кавксо сядт кевейкее кудо, ламо улить эрзят, не эрзятнэ а содасызь, улить ли эрзянь кельсэ сермадозь газетт, эрить пек чопудасто. Улить ламо истят эрзят, конат визьдить кортамо эсь кельсэнзэ, а сынць пекь берянстэ кортыть руз лацо.
Степан Ярославкин.
