| 2 | ЯКСТЕРЕ ТЕШТЕ. | № 39 |
седатель) прумксоньть ушодомсто кортась:
Правительствась те тевеньтень нолды ярмакт. Не ярмакнень эйсэ весе кредитной нужатне авельтявить. Эряви сокицятненень—гак эсь пряст кувалт арсемс ды заботямс. Эряви паньжомс эрьва таркава сельско-хозяйственной кооперативт. Теде башка эряви кредитась дешовалгафтомс.
Сестэ аньцяк, знярдо тевеньтень кундыть сыньць сокицятне — тевесь лац туи!
| Сюронь ачачома таркатнень. |
Сюрань ачачома таркатнень эзга кармасть максомо правительственной ссудат скотинань трямс.
Саратавской губернясь Центрасто получасть 1 мил. 450 тысьця целковойть. Ярмакнень явизь уездга. Сельскохозяйственной кооперацияньте максовт приказ седе курок пачтямс не таркатнень эзга скотинань трямо кором.
Пензань губернясь веши центрасто кредит, штобу ванстомс сокицянь скотинматнень алка питнесэ миемадо.
Премият максыть. Государственной плановой комиссиясь тейсь постановления берянь модань витимань кис максомс премият.
Центр. Издат. Народов. СССР. теи конкурс: ки седе вадрясто сермадсазо Букварьде мейле омбоце ловнума киниганть.
1) Киниганть эряви сермадомс ГУС‘онь програманзо кувалт. 2) Сермадомс 10-12 печатной листсэ. 3) Рукописень кучомс 1925 иень апрелень васенце чиньтень. Рукописенть кучомс тешкстазь. Фамилиянть тешкс марто кучомс лия канвертсэ. Весе кучозь рукописьнень карми ваномо конкурсонь комиссия. Кинь кинигазо улеме карми сермадозь сех вадрясто, сенень максыть прямия 250 целковой ды гнорар 65 целковойть эрьва печатной листэнь кис Кннь кинигазо комиссия примасазо, улеме карми сермадозь газетсэ Маень васеньце читнестэ. Рукописенть эряви кучомс истямо адресэнь кувалт: г. Москва, Никольская 10, Центральное Издательство Народов СССР, отдел учебников, конкурсная комиссия. |
| Кортатанок эсинек келень газетанть ланга. |
Ней эрзятнэнень-гак максь Советской властесь прават. Эрьва кодамо школас можна понгомс тонафтнеме, кона школатнэва икеле тонафтнесть анцяк сюпавонь ды кувака прачерень церат, а минек ялгатнэнь а налдылизь тозой. Анцяк Советынь властенть нингстэ бедной сокицянь ды робочеень цератнэнь панжизь школань кенкшнень. Кармасть тонафтнеме эрзятнэ-як.
Ульяновскойсэ весе школатнэва вессмезэ эрзянь тонафтницятнэ сядошка ломань. Берень се, што кон-а-як а варчты эрзянь келинь газетанть лангс. Силой эрзянь секциятнэ нерькснесть эйсэст эрьва кодамо школатнэва, штобо теемс эрзятнэстэ роботникть. Чопода уголтнэва мейле кучомс и ломатненень кортамс, кода кармамс ней эрямо и кодат тевть теить лия масторга.
Но ней минь, кода понгинек школас и мезияк а арситянок чопода ломатнень ланга и а сермадстанок минцинек кельсэ газета.
Ялгат, а эряви стувтомс эрзянь келенть, эряви лездамс чопуда велетненень. карматанок сермадстомо и сермадомо эрзянь газетантень. Пора уж сыргоземс эрзят, ата виськс лия келень ломатнеде, кода чувашт, татарт, конат дружнасто роботыть эсист народонь ютксо, ливтить эйсэст чопуда чистэ.
Волгушкин.
| Коммунист ялгат илядо удо. |
Лукояновской уездсэ эрить эрзят 54 тыщат. Кода сынь эрить, каждой соды. Ки седе чопудасто, ки седе берянстэ эрзядо башка эри? Кияк а эри. Сынь эрить покш велева Какино, Иванцево, Ичалки, Лобаски и лия таркава. Паксяст васоло. Сынь эщо пек молить попнэнь мельга, пек пелить адонь, а попнэ не тевтненень радувакшныть.
Весе покш эрзя велетнень эснэ улить коммунистэнь ячейкат. Амезе сынь тейнить? Кода сынь стараить таргамо те чопуда чиде эрзятнень? Кияк даже а думи. Эрзянь комунистнэ кекшизь пряст, сынь стараить теймекс эсь пряст рузокс.
Истя теить аволь анцяк рядовой коммунистнэ, конатнэ эрить велесэ, истя кирдить пряст сетнеяк, конатне роботыть уездсэ.
Сынь весе нефтить эсь пряст рузокс, эрзякс а кортыть. Кода кармат кортамо истямо чопуда кельсэ и лемесь „эрзя“ истямо а мазы?!
Эрзянь коммунист ялгат! арседе мезе тынь тейтядо?
Кундатанок тевс. Карматанок лездэме эсинек чопуда вишкине народонтень.
Козаков.
| ТОНАВТНИМАНЬ ТЕВТЬ. |
| Эрзянь курсантонь тевть. |
Казанской губсовпаттшколасо эрзянь курсантнэде комсь сисемге ломань. Сынст ютксо улить кавто тейтерть.
Весе курсантнэ пек охотасо роботыть эрзянь тевсэнть. Сынст ютксо ульнесть анцяк 4—5 ломать комсамолецт, а ней вейке як безпартийной арась, весе сермадстызь пряст ячейкас РЛКСМ. Роботась ютксост моли истямо: Групповой кружок, косо руководителесь эрзянь курсант, кона тонавтни колмоце ие уж. Кружоксонть тонафтнить, кода эряви теемс, штбо ливтемс велетнень чопуда чистэнть.
Ули эрзянь ред-коллегия, кона нолдась колмо номерт стенань газета. Лемезэ газетанть „Од эрямонте“. Лиснить эрзянь прянь невтеме интернационалом чокшнева.
Ютксост колмо ломать сермадозь паро роботникекс (активный работникть).
Кавтотнэнь кочкизь членэкс РЛКСМ-инь ячейкань бюрос.
Сельмест панжовсть эрзянь пакшатнэнь, курок молить чопуда велева валдо чинь невтеме.
Гаврилов.
| Кода ютась минек учителень с‘ездонок. |
| (с. М. Толкай, Полудневской в., Бугурусл. у., Самарской губ.). |
Декабрянь котоце чистэ минь теинек учителень с‘езд, козой сакшность весе волостьенть учительтне и весемезэ пурнавкшность 25 учитель. Ульнесть с‘ездсонть ощо ламо ломать; тонафницятне педтехникумонь, разной учреждениянь представителть члент профсоюза робпроса ды истяк ламо сакшность кулцономо. Весемезэ ульнесь сядошка ломань. С‘ездсонть кортасть 6 вопросонь кувалт.
Кочкасть уездной е‘ездэв колмо делегат; Скобелевонь, Поповонь и Пивкинэнь.
Кортынек кода бу теимс смычка велинь учительтненень эрьзянь педтехнумонть марто. Ламо ульнесть кортамот те с‘ездсэнть. Учительтне ульнесть с‘ездсэнть 10 эрьзят, 1 малорос, остаткатне руст, аватнеде ульнесть 7. С‘ездэсь ютась пек парсте и учительтне дружнасто морызь Интернационалонть. Прядомодо мейле ульнесь спектакаль, косо учительтнень пек мелезэст тусь пьескатне икеле жизнянь коряс. Учительтне мейле мерьсть, что седе дружнасто эряви кармамс роботамо велева культурно-просветительной тевсэ. Учитель ялгат седе енсто роботадо велева и сестэ тыненк минь евтатано покш пасиба.
„Сонць ульнесь“.
| Арась школанок. |
| (М. Песчанс. вол., Мариинск. у., Томск, г.) |
Тавла велесэ улить 130 кардаз, эрить 800 ломань эрзя. Те веленть эйсэ нилеце ие уш арась школа. Кона иетне ульнесть стакат кортамс аместь.
Те иестэнть школась тожо а ули сетц эзь понг. Тень кувалт эрзят пек недовольнойть, седи пек недовольнойть беднякнэ ды середнякнэ.
Сюпав может ускомонзо эйкакшонзо ковгак тонафтнеме, а беднякнэнь а мезе лангс тонавтумс квартира кирдемс ды орчамс. Советской властесь сермады, штобо весе улест тонавтозь, а тевсэ школа-як велесэнть а путыть, тонафтыця а кучить. Истя басить беднякт. Ки чумо тесэ? У. О. Н. О. эли кияк лия — аздатанок.
Максодо вал Московонь эрзя ялгат „Якстере Тештентень“ роботникть, васоло эриця эрзятнэнень.
Кореспондент № 1983.
| Эрьзя ялгат эряви ней тевс педямс. |
Ульяновской губ., Алатырского уездсэ ули покш веле Поваделе, Эрить эйсынзэ эрзят ниле тысчадо ламо. Школаст арась. Ютась тельня ульнесь председателесь вадря ломань — коммунист. Сон силой, силой атятьнень кортакшнынзе и сайсь пиче вирь сядо чувто. Истя жо койкак усковтокшнызе виренть велес. Но секе иестэньть школась стака марявсь строямс веленьтень. Ней уж омбоце ие, кода вирьсь наксады, а школась арась. Од председателентень наверна прязонзояк, а сакшны те тевесь. Велесэньть панить самагонка, ютавтыть сюрост козой а эряви. Иезэнзэ (годозонзо) велеванть ниле вете раз юты поп и теке вере паз юты. эрзятне курксо сускомостак максовлизь тензэ. Эрьва кудосто каить тензэ и сюро и кодст, аньсяк мезест ули сень максыть тензэ. Те сюроньть ланкс школась умок строяволь. Ней не берянь тевтнень эряволь уш кадомс ды кармамс, аламо, аламо школань строямо педямо. Эрявить ловнома кудот теемс ды кудоньтень кавто колмо газет сермадстомс. Стяко кувака вень печьтемадо се кудоньтень пурнавшкновледе и ливноледе тосо газет. Кодат тевтне молить миньцинек мастороньть ланга и лия мастортнева.
Кода кармамс сокамо изамо седе вадрясто и ламо сюронь саеме моданьть пельде.
| Эрямонок. |
Губсовпартшколань эрямось пек мелезэнек тусь, Ярсатанок парстэ, удума тарканок парт, учебникень кувалт нужа а нейдянок. Анцяк лангс орчамонок аволь пек парт, но арситянок, што те тевеськак паркстуми. Эрятанок лия нациятнэнь марто дружнасто.
Гаврилов.
| Мезе хочет од народось. |
| (Алова веле Пензенской гуяерниясо). |
Минек велесэ ули кружок „Ликвидация неграмотности“ кружоксонть весемезэ 25 ломань, 7 цёрат и 18 тейтерть. Васня пек силой пансть эйсэст тонафтнеме кода-як эсть мольть. Мейле аламонь, аламо кармасть пурнавомо, кундасть те тевентей пек енсто. Тонафтыцясь Тарасова Клавдия, ломанесь толковиця и сон сынест максы покш лезэ.
Ней арсить тейме сынць спектаколь и невтемс остаткатненень, што сермас содамось пек ламо лезэ теи эрзя народонть ютксо.
Спектаколеньте бойкасто пурныть—сэрнеть. Сборонть арсить максомо чавозь пастухунь хозяйканте Спирянь настанень.
Вана мезе арсить анцяк кавто недлень тонавтозь од ломатьне Алова велесэ.
В. Ежов.
| Петровскоень педтехникумдо. |
Ноябрянь 27 чистэ 1924 иестэ ульнесь педтехникумонь Советонь заседания. Се заседаниясонть ульнесть весе педтехникумонь учительтне и ощо кото представительть тонафтницятнень ютксто. Заседаниясонть кортасть педтехникумонь опщежитиянть кувалт, ощо кортасть зняро и кодат ломать эряви примамс общежитиянте. Примасть весемезэ общежитиянте 75 ломань, Кочкизь весемеде бедной тонафтницятнень. Декабрянь ковсто не ломатьне совить тозой эрямо.
И. Басов.
| Ликбезонь школа. |
| (Сам. губ., Бугурус. у.). |
Вишка-толкайсэ ули училища конань эйсэ тонавтнить сермас амаштыця церат и теитерть. Весе тонавтницятне уш аволь одт. Сынь хоть а маштыть ловномо но содасызь, что апак тонавтне берянь эрямо мастор лангсо и пек мелест ули тееме В. И. Ленинэнь валтнэнь коряс. Весе максть вал что Ликбезонь училищанть прядсызь и кармить ощо тонавтнеме.
В. Г. Старков.
| Советэнь перевыборт |
| (Алова веле Пензенской губернясо). |
Ноябрянь 5 чистэ минек велесэ ульнесть перевыборт. Од народось пурнавомодо икеле арсесь кочкамо советс эсист ютксто, конат ащить бедной народонь кис. Се порастонть эсть удо и кулактнэ—мироедтнэ. Сынь аравсть эсист ютксто: Данилов Мишань, Ежов Сейкань, и самагононь симицянь Кажаев Гаврилкань.
Белякин ялгась уездной камисарьсь, кона ветясь собранияньть эйсэ, пек кулцонось анцяк бедной ломанинь картамост эйсэ, а кулактнэнь потавтынзе удалов пулакшонь езазь.
Советс кочкасть ломать, конат ащить трудиця бедной народонь кис: Незванкин, Дырков, Тешаев, Кузнецов, Тарасов (учитель) Салтыковонь, В. П. кочкизь председателекс К. К. О. Взаимопомощи. Аловань бедной трудиця народось кучи Белякин ялганте, кона аравтынзэ веринь потицятнэнь бокав, покш пасиба и чумбра чи.
Нипочоткин.
| Пасиба Самаронь ялгатненень. |
| (Н. Борискино, Секр. в., Бугурусл. у., Самарской губ.). |
Кода минек велесэ ульнесь сельсоветэнь кочкамо, то губернянь Исполнительный Комитетонь отчетоньть миненек
