| 2 | ЯКСТЕРЕ ТЕШТЕ. | № 36 |
| Советень мосторга. |
| Видметь анокстыть. |
Правительствась нолдась 26 миллиот ярвой видмень анокстамс.
Не ярмакнень ютавцызь истя:
19 миллиот нолдыть видьмень рамамс Р. С. Ф. С. Р.-онь сюровидицятненень 4 миллиот нолдыть Украинас, кадовекснэ туить видьмень пачтямо ды лия расходонь вельтямо.
Ярмакнень нолдасызь аволь вешкане.
Октябрь месецстэ нолдастать 1.800 целковой ноябрястэ нолдыть 1,109 целковойть, декабрястэ 2.386 целковой, январьстэ 9.000.000 целковой и февральстэ 1.856 целковой.
| Скотинань орматнень марто бароцямо. |
Октябрень ковсто Бурятской Республикасо паявокшнось педиця скал орма, Тосто те ормась ёрдовкшнось Забайкальской губерняв. Кармасть мартонзо бороцямо: тейнить прививкат, а нолдыть сэредиця скотинат лия таркава, козой ормась ощо эзь пачкоть.
Курской губернясо появакшнось чума (скотинань орма), ней сонзо маштызь.
Бузулукской уездсо Самарской губ. ды Сызранской уездсэ Ульяновской губерн. кармасть скалтне легкоень ормасо сэредеме.
Не уезднэнень кучсть ветеринарной (скотинань лечиця) докторт.
| Эсинекь мастаронь заводсо тракторт теить. |
Брянской заводось карми тракторонь тееме. Правительствась нолдась тензэ 700 тысьця целковойть. Не ярмакнень ланкс заводось тейсь Англиясэ ды Германиясэ заказ станоконь теемс.
Трактортнень кармить нолдамост сы сёксень оземь видима лангоньти.
| Мекс эрзянь велева берянстэ моли работась. |
Минек союзонть эзга ламо эрзянь велеть. Советской роботась моли эйсэст аволь парсте. Кода рузонь веле, тосо седи ули робота. Монь ули мелемь кой месть тень кувалт кортамс. Минек секс берянстэ молить тевтне, арась учот минек партийной роботникнень. Минек эйстэ ламо коммунист, ащить рузонь велева, или покш оштнэва, конат аламо ульникшнесть эрьзя велева.
Омбоце тевесь. Ястере армиясо ламо паро работникть коммунист, а косояк арась эсинек секциянок. Весе вишка народтнэнь улить эрьва покш ошсо секцияст. Эрьва тевень кувалт кортнеть: кода моли тевесь сынст велесэнть, кода нолдамс седе парсте тевесь. Минек косояк истят секцият арасть. Мон невтян тенькь Ташкент лангс. Тосо улить эрьва мезень ломать. Ламо армиясь ащи тона ено и тосо улить ламо эрзянь роботникть. Кода молят кевкстеме, мекс арась истямо секциянк, миненек мерить: „Косто тынь прыде? Нать верьде“. Минек секциясь центральной комитетсэ тень кувалт нать эзь арсе Эряви кортамс тень кувалт Пурсо (политуправ. РВССССР) максомс тосто приказ, штобу теевельть покш оштнэва якстере армиясо, эрзянь секцият, конат роботавольть эрзянь красноармеецтнень юткова ды саевельть шефства эрзянь велетьнень ланга.
Кучовольть кинишкат, декрет. Эрьва эрзянь велева улить комсомолт, сетненень улевель бу седе чождыне роботамс. Паро улевель вадря роботникнень седе сеедстэ ошсто кучнемс велева. Истя-жо ен улевель, кучневелизь деря паро тонафтницятнэнь эрзятнэнь велева.
Куликень цера.
| Эрзянь мокшонь аэроплан. |
Весе СССР-онь трудицятнэ, весе вишка народтнэ: латышт, эстонецт, белоруст и лият тейсть эсь лемсэст самолет (аэроплант); максыть, казить эйсэст Совецкой правительствантень.
Мон арсян, миньгак эрзятнэ-мокшотнэ можем тейме кампания весе эрзянь-мокшонь народэнть юткова. Пурнамс пожертвованият и неть ярмакнэ лангс теемс минцтенек народонь лемсэ самолет.
Весемезэ эрзятнэде мокшотнеде СССР-ынь келес 2 миллиондо ламо. Пурнавлинекдеряй эвьва ломаненть пельде 10 трешнекть, минь пурнавлинек бу 200,000 целковой, но монь койсэ улеме кармить истят ломать, нонат кармить каямо седе ламо.
10 трешникне — 5—10 фунт почт эли розть, сынцт эрзянь мокшонь трудицятнэ макссызь чождынестэ.
Кундыньдерятан дружнасто тевентень, самолетонть тейсынек. 1925-годонть перть сон улевель анок.
Ядо ялгат, а кадовдан сех удалов лия вишка народтнэнь эйстэ! Мердянок тенст: ялгат! миньгак тыньк марто, а капиталистнэнень рангстатанок:
Минь тожо тынк карчо строятанок самолет!!!
А стувцэнек, эрзят-мокшот, Троцкой ялганть валонзо, конатнэнь сон меринзе 1920 иестэ: Фронтнэ арасть, — минек карчо молицятнэ ощо эсть машт.
Арседеяк, ялгат, те тевенть кувалт!
И. Поздяев.
| Эрзянь мокшонь тевть. |
Центр. Издат. Народов. СССР. теи конкурс ки седе вадрясто сермадсазо Букварьде мейле омбоце ловнума киниганть.
1) Киниганть эряви сермадомс ГУС‘онь програманзо кувалт. 2) Сермадомс 10-12 печатной листсэ. 3) Рукописень кучомс 1925 иень апрелень васенце чиньтень. Рукописенть кучомс тешкстазь. Фамилиянть тешкс марто кучомс лия канвертсэ. Весе кучозь рукописьнень карми ваномо конкурсонь комиссия. Кинь кинигазо улеме карми сермадозь сех вадрясто, сенень максыть прямия 250 целковой ды гнорар 65 целковойть эрьва печатной листэнь кис Кннь кинигазо комиссия примасазо, улеме карми сермадозь газетсэ Маень васеньце читнестэ. Рукописенть эряви кучомс истямо адресэнь кувалт: г. Москва, Никольская 10, Центральное Издательство Народов СССР, отдел учебников, конкурсная комиссия. |
| Авань эрямо. |
Даря уш омбоце чи эсси ней Куля-бабань. Кавто чить, секс сон Даря истя и катцы пецька икеле тевензэ прядомо.
Куля баба — весе велинь кулятнень содасынзе: кинь саразозо атякшокс морась, кие комуниякс, косымолиякс сермаць, кинь кудо прясо атякш морась, кинь турбава ведун лиси—суви, кие рога маро и понав пакша шачтас, мекс попось роботникензо панизе и ламо истятт, весе а евтневитькак.
Тече валцке, мекс бути сон, Куля баба, рана маро сась и а баси. А кода сон первой совамсто а баси, то истят кулят соды, конань можна евтнемс анцяк содавикс и аволь зрячий ломань ютксо.
Даря тевензэ машнезе и озась Куля баба вакс.
Куля баба истя лицянзо теизе, будо Англия маро торговой договор карми подписывать. Укстась кувакасто, прэньть кунцылыцяньть енов венцтезе, кургоньть автизе — удумась эзь ява, истя рана капшесь, кургоньть крестызе и кармась кортамо: „Ох, Дарякай, мень кулят маринь... Ды мон а кемангак, штобо те антихристонь тевеньтей кияк маняволь. Ази вана кортак, од ломаньть, эрямс бу тест эрямс... Арась бесовской тевс кундыть. Ох, осподи, те уш остатка чить“.
Кудось кармась пешкедеме тейтерьдо-авадо. Весе кургост автезь ваныть Куля баба ланкс.
Неть весе сувицятне ульнесть паро ломаньть — Куля таго баси: „Маряка, Даря", Шестайкинань паксясо ули сокур чуваж орожыиця. Куть мезе соды, коли кулат, кода эрямо кармат.
Вана монь шабрасо алашат юмаст и содыньзе косот. Зярдояк мон молян моньць, можо евтасы, мекс урьвинем тусь“.
Кудоньте сувась авине, кецэнэ пакша — аварди. „Асодан месть тейнимс маморонзо“ — мери пакшань авась: „Сельмезэ сорявсь истяки аварди и аварди“.
„Тон вана мезе тиринем, вешнекь гуень кедь и сельменте крошкине нолдак, кецэ сайсы, таргасы сороньть“.
„Ды акосто саемс“.
„Азе Макар атянень, сонзэ ули, содасак чей косо эри? Сон вал а евты. Сыре ней сон 89 це иензо, китай маро турсь, ды кодамо ойнасо только арасиль, ве раз мере пулясь вицтэ прям вакска ютась цють эзинь понго, ды пас кулуманьть а сезэй путызе. Сон максы, можоть.
Тейтирть, ават кевкснить косто орыжияньть, муеманзо. Куля баба евли. „А кода сон арожыи?" — кевксни вейке ава. „Ярмак ланкс мереть ваны, азидо тириним, пек уш соды“.
Сокорось содасызь кода ваны, но кевксниме больше эсть карма. Кода кортат Куля бабань карчо, коли сон веси велесэ паро ломань. Вечерняв, обидняв эрьва чине яки.
Чи кавтонь трокс Куля баба тейтир пакша маро якась чуважнынь. Тейтиртни пеедить мейле салавине — „Парсте Куля бабань чапавтызе: тонсь мери паникь урьват“.
Недля чистэ Куля баба мольць Дарянень и евли: „Ойна, Англия адсто мень буди тарста таргась и минек эйсэ карми куловтомо“. Сон марясь советсэ адской ракетадо кортаст.
„Истя, Дарякай — ойна, косымолияньть икелей сайсызь. Ды мези ней учат, кодамо бути велесэ поп прянзо повась, арази сон пародо“!
Даря кевксни чуваждо. „А, маньчи только! ней чуваж ютксто муят паро ломан? Сокоран, мери, кенгели — неи!“
И вот, эрьва чине истя — Даря Оханень, оха Кулянень, Куля Дарянень — каннить кулят.
И косто сынь весе марить?!
Истя ютавты шканзо Эрзянь Брусланть ава. А зяро эщо истят Бруслант Куля и Даря баба марто!
Ломатне а чумондовить как. Сокари, сокари пецькасо, ащи, ащи кудосо и местькак думави ломанесь.
И думат улевель читальня, библиотека, яла кона кона молевель, кона машты ловномо.
Эли сынь авульть чарькуть газета—эрзянь?! Эли авульть чаркудь кортамо.
И лець мелезом ве эрзянь веле, косо ве раз Желтов ялгась тейнись доклад авань собраниясо. Клубось пешксе авадо, ютковаст якит пакшат. Кона авась машты ловнумо, ловны. Амаштыцяс — кулцуны.
Докладто мейле вопрост: те мекс истя, те авуль истя. Тесэ кода улемс.
И неяви — охута тест содаме, кода эрить ломатни веси республикасо. Мекс икеле ульнес разверстка, а ней налог.
Ава налогто корты, ава советто корты, и косо? Велесэ!
Те покш тев, козонь ламо путозь робута, ламо вий. И мезеяк ули — аваньт кармаст путомо цера маро ве ки ланкс. Те вельсэньть омбоцесэ, марят тейнить аван собраният и авань спектакльть, тесэ аваньть таргить омутсто, козонь козонь ердызе сонэ, икелень наксадо строесь
Вана кавто эрзянь велеть.
Вейкесэ ава кулядо башка мезияк а мари, а омбоцесэ — ава государственной тевде корты.
Юткось экшост покш.
17-й иеде мейле ютасть сисем иеть, моли кавксоце, а ламо эщо эрзянь велеть ащить апак токше.
Покш бораздат тува эрявить ютавтомс, ламо вий эряви путомс, штобо сынст кепедьмест пильге ланкс кармавтомс молеме икелев,
Ильич весе виензэ путызе, штобо шакш велявтниця улизе советсо, сон те тевеньть нолдызе икелев, а миненек эряве прядомс. Сыньць тейтертне — аватне кундаст те тевньте.
Улить минек оштнэва Сов. парт. школат, косо улить нацменень отделеният, косо тонавтнить и эрзят.
Сынь весе туить эрзя ютксо робутамо. Но ава ютксо робутаньть может парсте ветямонзо ава.
Ава аванен седе курок евтасы горяндо, седе курок марондо карми кортамо эсь эрямодо.
И тень коряс эряви стараямс, штобо не школатненень понгост ламине тейтирь—ава.
Истя, эрзянь тейтирть—ават, моледе тонавтнеме, кепедеде эсь сазоронк, аванк, патянк пильге ланкс!
Саинкь кедезэнк тевеньть, конань Ильич заводизе.
Моледе икелев, тонавтнеде, тонавтодо и ветядо мельганк од эрямос кадовикс аватнень, ата эщо ламо велева Кулят, Дарят пещить аван пря потмотьнень а эрявикс сардо.
Тейтирть! ават икелев!
„Стива„.
| Октябрянь праздник. |
| Октябрянь праздникень чистэ панч жинек сюровидицянь кудо. |
Брусланонь ошсо стречинек праздникенть истя: чекшне ульнесть колмошка ниле таркава собраният, комсомольской, профсоюзонь, косо кортасть: ки косо се поранте ульнесь, кода ертызь буржуинь правительстванть 1917 иестэ, месть тейнись и мезе нейсь се порасто. Текежо чокшнестэнть театрасо ульнесь спектаколь и киносо картинат.
Октябрянь праздникень первой чистэ теиксэлинек демонстрация, но чись угудявсь берянь, ульнесь пиземе, рудаз,
