|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К. П. (б.) |
|
| ||||||||||||||||||||||||||||
| № 36. | 30 ноября 1924 г. | № 36. |
| Нефтинkь kода велесэнk роботы kоммунистэнь ячейкась. |
Коммунистэнь партиянь кемколмовоце с‘ездэсь нефтизе кодамо покш тев партиянь икеле ащи велень роботасо. Те шканть ютамс вэлева улить ламо ячейкат, конатнэ роботыть беряньстэ. Велень тевть ютыть ваксканзо. Беспартийной сокицянь ютксо робота ветить чуроста. Покш тев ащи велень ячейкатнэнь икеле. Седе як покш тев ячейкатнэнь вишка народтнэнь велетнева. Саемс эрзятнэнь. Эрзят русстнэде кадовсть пекь удалов, чопудат, пазоньть лангс ощо пекь кемить, сокарить модасост ташто сокасо. Эрзянь аватнэде кортамсак а месть. Ютксост анцяк кавто процент муят сермас маштыцят. Эрзянь аватнэнь ютксо, вицтэ кортазь, тевесь ощо апак ушод. Секс эрзянь велева ячейкатнэнень ощо ламо вий эряви путомс, чтобу седе вадрясто сорновтомс эрзятнэнь лангсто рудазов пуленть, кона лангсост кадовсь инязоронь ташто койтынестэ. Секс партиянь XIII промксось мерсь, вишка народтнэнь ютксо, особенна истят нациятнэнь юткова, конатнэнь арась эсист автономияст, (эрзят-мокшоть, еврейть, полякт) весе вийсэ эряви вадрясто путомс партиянь роботанть.
Не читнестэ ды декабрь месецень перть моли смотр-ванума — кода косо роботыть велень ячейкатнэ.
Весе Союзной Республикань келес эрьва таркасто, сермадыть „Правдас“, „Беднотас“, „Крестьянской газетас“ велень ячейкатнэнь роботамонь кувалт.
Сермадыть кода ве таркасо ячейкась роботы вадрясто, омбоце велесэ ячейка мезеяк а теи, коммунистнэ эсь пряст кирдить беряньстэ. Весе тевтнеде сермадыть. Ячейкатнэнь вануманть кувалт Коммунистэнь Партиянь Центральной Комитетэсь тейсь комиссия. Комиссиянть председателекс аравтозь Калинин ялгась.
Ячейкатнэнь ванума тевенть эйстэ а эряви кадовомс эрзятнэнень. Эрьва эрзянь велестэ, косо ули ячейка, сермадост „Правдас“, „Беднотас“ или „Крестьянской газетас“ кода роботы ком‘ячейкаст чопуда эрзянь сокицятнень юткова.
Сермадодо, кода эри ячейканк. Якить ли ячейкань собранияс беспартийной ломатне.
Кода роботы ячейкась кооперациянь тевсэ. Лезды ли (помоги ли) ячейка вадрясто путомо взаимопомощэнь комитетэнь тевенть. Евтни ли сокицятнэнень кодамо покш лезэ максыть бедной сокицятнэнень взаимопомощэнь комитетнэ. Кода ячейкась пани эрзянь велетнень эйстэ чопуда чинть. Тейни ли лекцият, ловнума кудот. Терьди ли велень интелигенциянть (учительтнень, агрономтнэнь) просветстельной тевень тееме. Сермадодо кода ячейкась роботы велень хозяйствань тевсэ.
Пособли или арась тееме сокицятнэнь ютксо товариществат плугонь, видимкань, сортировкань и лия машинань рамамонь кувалт.
Сермадодо кода роботы комсомолось эрзянь од ломатнень ютксо. Терди ли эйсэст тонафтнэме ды велень общественной тевень тееме. Пшкади ли комсомол бедной, сюпавонь кецэ роботыця од ломатнень (батрактнэнь) кис.
Те смотрась, ячейкатнэнь ванумась теезь аволь сень гис, чтобу кинь дяк селномс или киньдяк шнамс.
Ячейкатнэнь вануманть Партиянь Центральной Комитетэсь теи, чтобу неемс кода роботыть ячейкатне велесэ. Кода сынь панить велестэ чопуда чинть, кода лездыть велень хозяйствань кепедима тевсэ.
Нефтинк кода эрзятнэнь ютксо роботы ячейканк.
| Эряви те тевенть теемс. |
Эрьва сюровидиця эсь сельмсэнзэ неи, что апак тонафтне велень видима тефне пильге ланкс астяфтувить.
Коли истя, сестэ эряви тонафнемс. Эряви истят школат, куракшт (кружокт) теемс. РЛКСМ ды Наркомпросось тень кувалт арци тееме истя: одс кармамс тонафтомо II ступенень ды сисем иень школатнева, косо бу кармавольть тонафтомо 3 иеть сюровидицянь эйкакшт (пакшат). Истят школатнеде башка вадринестэ (парстинестэ) тевень теемс велесэ видима тевень кувалт эряви кармамс куракшнэнень ощо. Миненек эряви теемс истя, чтобу не школатнэ, куракшне нолдавольть тонафтозь сюровидицят эсист тевень содыцят.
Истямо тевентень эряви кундамс комсомолонтень, коммунистической ячейкатнэнень, аграномнэнь ды учительтненень.
Содамс эряви вана мезе тень кувалт: 1) коли арцят бажат (стараят) сюровидицянень парсте сюровидеме, ламо сюро пурнамо, сестэ апак нузялт тевсэнть тейть ды лия ломать лездамо терть, 2) Велесэ сюпавт появасть сынст маро эряви борцямс. Сынь чавовить сестэ анця, кода минь арась (бедной) ломать вейсэ тевенек карматано тееме, кооперативень, артелень, комитэнь взаимопомщень лац (парст) тейсынек. 3) Минь эрятано миньцинек советской сторонасо, азоротанок минць, коли истя, сестэ эряви вадрясто содамс миньцинек советской, коммун. партиянь политаказо. Кувать ощо сави тенек туремс капиталонть маро. Маштсынек минь сонзэ сестэ, кода карматано содамо минцинек задачанок. 4) Школась улезэ арась ломань сюровидицянь кеццэ. Сюпав ломанень, торговицянь, тевень авечкицянь — пакшат (эйкакшт) анолдамс. 5) Школас примамс 14—17 иень од ломать. Школанть эряви сюлмамс сюровидиця маро вадринистэ. Кармамс тонафтомо истя, кода виест саты.
Школатнэнь эряви теемс аволь ве школа ланкс ванозь, а кода таркатнева маштови истя эряви и теемс.
6) Школатнэ истя тев теест, чтобу кооперативдэ, ячейкадо, ловнума—кудодо иляст сезевть. Сыненст эряви тев теемс вейсэ.
Коли минь те тевенть тейсынек, сестэ минь листяно кабаласто ды седи курок пачкотяно паро эрямо читнене, козой ветясь эснэнек Ленин ялганок. Комсомолонтень эряви пек ваномс, ды теемс те од покш тевсэнть. Те тевенть теезь минь комсомолецт невсынек сыре ломатненень миньцинек тевенек и сынь сестэ анця чаркодить, что комсомол теевель и теи весе арась ломатненень нужавтомо эрямо чи.
Е. Губанов.
| Ц. К. Р. К. П. (б) ответствен-роботникть якасть эрзянь-мокшонь велетнева. |
Коммунистической Партиянь Центральный Комитетэнь ответственной инструктор Ибрагимов ялгась и эрзянь-мокшонь секциянь секретарь Дорофеев ялгась ульнесть цела месець командировкасо Пензенской губернясо. Не читнестэ сынь састь Московов. Пензенской губернияс ульнесть сынь кучозь Центральной Комитетсэ сень кувалт чтобу неемс, кода эрить мокшотне эрзятне ды кода ютковаст моли партиянь, советской и лия роботась.
| Лия масторга. |
| франциясь kармась лия морот морцеме. |
Франциянь правительствась ней думась максомаст теник морской суднатнень, конатнень максокшныньзе тензэ Врангелесь. Не суднатнень кувалт ламоксть минек правительствась кепсесь кортнемат, ламоксть вешць нолдамост Россияв. Франциянь правительстваньть се шкане пилензэ ульнесть потомдафт. Аньцяк ней сынцт паньжиньзе.
| Чехо-Словаkиясь СССР-онь лангс ванноманть полавтызе. |
Чехо-Словакиянь правительствась кармась маласонзо эриця союзной наротнень тердимаст ловомс минень масторонь правительстваньть законной властекс. Коволдо те вармась пувась? Мезень кувалт истя кармась Чехо-Словакиянь правительствась вечкеманок? Сюро видицятне ды робочейтне лепштить лангозонзо.
| Англиясь kармась потамо. |
Англиянь эчке пекень од правительствась отказась договороньть эйстэ, конатань англиянь икелень правительствась мартонок теекшнызе. Аньцяк стяко юми пстиимазо минекь сюроводицянь ды робочеень властесь тензэ а тандафтови. Трудицятнень обежамс сон а максцыньзе. Уступкат Советэнь властенть пельде знярдояк сынест а учовить.
| Эстониянь правительствась kежензэ панды. |
А умок Эстониясо правительствась маштызе (ледневтезе) Эстониянь пролетариянь прявтост-ветицяст Ян Томпань.
Сонзо верьде эсть пешкеть, судясть 149 комунист. Прокуророньти натай савсь кортамс, што чумондоматне, конатнень эйсэ комунистнынь чумондыть пекь лавчот ды наксадот. Тень ланкс алка ванозь судизь сынст вечной каторгас. Судямоньть судизь, — аньцяк иляст манявт! Эстониянь трудицятне кувац а кармить эсь котмерсост кантлимаст ды эсь верьцост трямост — андомаст, — сорновцызь.
