| 4 | ЯКСТЕРЕ ТЕШТЕ. | № 28 |
кучувлизе Ванень учильняв, а мейле сермадувлизе комсомолокс. Сась Ваня кудув авардизь.
Миник, эрзень велива, ламо истят Банятне авуль анцяк церынеть вейксэ иесэ — улить женихть, конат вана истя жо, Ванень лацо, моливелть тонавтниме, а тетяст онкстить эйсыст.
Весе од ломатне вануду Ванень лангс и кидияк апак пелть вешниде „од кинть“
Ежовонь Вася.
| Учильнень тевтне молить икилив. |
| )Багана веле, Чистопольского кантона). |
Ютась тельня местькак эсть тейник миник учильненть эйсэ. Эйкакшнэнь тонавсть састо, спектаклят арасилть, кружковой беседат тожо. Лекцият эсть ловно, библиотека арасиль, а кинижкат, а газетат.
Ней учительтне якасть Казанив кавто месецень курсос. Тосто састь буто лият ломать. Тов тукшнусть — вейкись попонь цера, омбоцись фельшарунь тейтирь, а тосто састь простой ломать.
Ней кортыть од эрямодо, тевень теймадо. Минь, коля, карматам аволь анцяк эйкакшунь тонавтуму, минь карматам совецеяк роботамо, культпросветительной тевеньгак ветямо. Пек паро уливиль истяня. Сестэ конат конат эрзетне сельмист панчувлизь.
Ванан, учителесь газет уж сермацтувсь, школанть кругом яки, хлопочи витиминдэ. Контроль сакшнусь, весе ванынде.
Карматам надиямо, что весе тейсызь валост коряс.
А. Ч.
| Педтехникумонть тевензэ тусть лац. |
Вишка Толкаинь педтехникумонть содавтызе Желтов ялгась. Сондо самодо икеле весе учиник — педтехнимусь калады. Скобелев ялгась совсем хотел туиме, Калюжинде истя жо кортасть.
Если эрзень учительтне туивилть, то эрзень педтехникумонть анцяк лемизэ кадувуль. Ней жо, кода сакшнось Желтов ялгась, маряви веси моли ровнасто. Таго веси преподавательтне дружнасто роботыть.
Те тевинь витиманть кис Желтов ялгантень эрзень студентнэ кучить пасиба. Охота, штобу Московонь ялгатни седе сеетстэ сакшнувулть педтехникумунть содавтуму.
Рога.
| Подготовительной курсат. |
Казанской партшколасо панчсть подготовительной курсат вишка наротнэнь кис. Тосо тонавтнить чувашт, эрзят, татарт и эрьва кить. Пурназь веси самай чопода таркава.
Эрзятне тосо кемень ломать. Васня, кода састь, озность пазнэ, а комсомолонь лангс эсть ванткак. Кода кармасть тонавтниме, кода кармасть книгань ловномо — сельмест панчовсть. Ертнезь крестнэнь кирьгастост и пряст сермадызь комсомолокс. Эрьва чистэ кургонь автезь кунцулыть лекцият.
Эрзянь секция! Стараяк, чтобу школань кенгшнень седе келистэ панчувлизь эрзятненень. Сынь ведь весемеде удалов кадувсть, эряволть бу икилев тулкадемс.
Эрзянь курсант Гаврилов.
| Комсомол. |
| Сорновтодо, ялгат! |
| (Ключевка веле, Ср.-Аверкинск. вол., Бугурусл. у., Самар, губ.). |
Миник велескак пачкоць куля, што сентябрь ковонь васинци недлячись теезь од ломанень праздникекс. И вот минек од ломатне, конат серматстозь комсомолцо, ощо недлядо икеле кармасть арциме и анокстамо, кода седе парсте ютавтомс се чись. Кармасть анокстамо пьеса спектакольц и арцесть: кода-а-кода, нолдамс стенас педявтомка газет, конанинь лемгак уш путсть „Смычка“. Теде башка, арцисть ютамо се чистэ покш ульцятне эзга якстере флаг маро, революционной моронь моразь. Сась субута 6 сентября. Парцисть банясо сыре ломатне и отны. Конат озныцят — якастьвечерняв и уш маднисть. Веси велисонть прок истяжо, кода и икилинь субутатнинь. Но если угодяволь бу тенк ютамс комсомолонь клубоньть вакска, то сразу чаркодивлиди, што тосо мень бути беспокойства. Кавунист вальматне эзга неявить толт прок баягат, а сулийтни эвтизь-эвтить и тей и тов. Се чокшнынть молимстэ ощо мон чарькудинь, што ялгатне роботыть. Совинь клубс, ванан ащить и озадо и стядо кавто столинь кругом, пряст вейс токавтозь. Ве таркасонть лексить газетанть велькссэ: кона сермады, кона тензэ ловны, а кона-кона ваксост ащи, кургонь автизь вансты, штобо иляст маняв. Омбоце таркасонть анокстыть порядок дня, ловныть газетт, кинигат и сермадыть заявленият союзов членкс. Друк газетанть вельксэтне бизмулгацть: „Эй! Садо тей! Кодамо-бу парыне лозунг тезэй сермадомс?“ — Знярцыя яла спорясть. Те берянь, тона берянь. „Те мень лозунг, эряви истямо, штобо сорновтозо, сокордазь сокордазо“. Но вот весиминь мельц тусь вейке и покш буквасо сонзэ сермадызь: „Молодежь! Перед тобой задача — завершение идей Ильича“. Кувать, пелеведе мейлес, яла роботасть.
Сокордадо! Сорновтодо, ялгат! Айгедо Ленин ялганть тевензэ икелей!
Н. О—ов.
| Комсомолонь воскресник. |
| (Вишка Толкай, Самарск. губ.). |
Комсомолонь ячейкась те иестэ путнизь катфат. Комсомолецне вейсэ уходизь пиренть. Тейсть воскресник, сайсть кедезэст мотыгат, весе пиренть кочкизь и катфа нетькснэнь вальцизь.
Вана истя роботазь, комсомолтнэ а марить берень вал ды и ломатне, лангузост ванозь, чарькудить, что комсомолтнэ авуль анцяк валцо, но тевсэ, невтить паро пример. А кода карми эрявмо, винтовкаяк саить кедезэст арыть карадо карчо буржуйтнень марто и истяжо дружнасто, кода роботасть воскресникстэ, кармить защищать советэнь праватнень.
Комсомолец Костин.
| Арасилть комсомолецт. |
Ташто Захаркинань волостьсэ до 1924 года арасиль вейкияк комсомолонь ячейка. Декабрь месецтэ Борискин ялга организовал ячейка (колмо члент). Не ялгатне кармасть роботамо культурно-просветительной тевсэ, особенна Ташто Дема велисэ, косо те порас арасиль дух культурно-просветительной робота.
Борискин ялгась сонцинзэ ярмак лангс сразу рамась ласт и теивсь декорация. Ней те ячейкасонть уж авуль колмо члент, а 17 член и ламу еще улить, конанень охота понгомс комсомолов.
Улить ячейкат Усть-Мурзасояк, Безводнойсэяк, конататнень эйсэ те базисной ячейкась и руководит. Ней Ташто Захаркинань волостьсэ те тельня роботась уж лия улиме карми мелень коряс.
| Молодецт комсомолтне. |
8 Августа „Якстере Тештень“ корреспондент Кочетов Мурза велисэ сермаць подписчикть эрзень газет лангс „Якстере Теште“, „Якстере Сокиця“ и „Од веле“. Якстере Тештентень сермацть 52 ломать, Якстере Сокицентень — 31, Од велентень — 39.
Кочетов ялгантень пособлесть кавто комсомолт Сарайкин ды Чолоров. Сынь сынць колмонест газетнэнь сермадуфсть. Молодецт истят комсомолтне!
Якиця.
| ВЕЛЕНЬ СЁРМАТ. |
| Саиде пример пастухсто. |
Ташто Захар велинь кооператив сайсь сынцист велисэ вединь мельниця, конань кирць эчке пеке Здобнов. Кооперативенть ярмакузо эзь саток — беда. Се бедантень Здобнов радувась — сонзо ярмакузо ламо, хлопочи, чтобу мельниценть сонензэ кадувлизь.
Мейле кооперативс мольсть пастухт, конат жалованьяст 40 пондо розь максызь мельниценть идимс.
Сокицят! Велинь атят! Саиде пример не пастухнень эйстэ.
П. Кочетов.
| Эх, чопода эрзят! |
| (Багана веле Чистопольск. кантона). |
Баганасо улить седекилинь калхт. Таркаськак уж аздави — веси ровнявсь. Чекушкин ялганень охоталь чувомс неть калхнень, охоталь ванумс, месть поцост улить. Мольць председателень кевкстиме. Председателесь максь разрешения.
Чекушкин ялгась сивинь ломань и тусть чувму. Чувсть нилень таркасто. Мусть ломанень ловажат, суркст, керькст, сюлгамут и эрьва месть. Весе кандызь музейс. Тосо мерсть сыненст покш спасиба.
Седе мейле арасиль пизими. Эрзетне лажакацть. Чекушкинынь хотели чавмунду, ды мекс бути кадызь. Сыритне кармасть ононь нейме, буто секс пизимесь арась, что родителень ловажаст токизь. Ней кисыст эряви озномс, ловажетни оймить сестэ пизимияк можна ули учимкс.
Пурумить сыре бабатне веть се пандонть пряс, курвастить штатол, молитват моравтыть, пизими вешить кецтэст, сокорицетнинь сюдыть. Попонть тердикшнызь, ды сон васня эзь мольть, ваны — читне манийть, пизиме а косто учимкс. Мейле сургасть варминеть, кармасть пельть якамо. Попось ваны, что, пожалуй, пизимияк пурги — давай пурнаму-сэрнеме молебенц. Эрзетне тевист как кадызь, якасть озномо.
Седиист петивсь — седе мейле пургась пизими.
Эрзя
| Светпредставления. |
| (Од Федор веле, Башреспублика). |
Федорка атень урьвазо чии Цинай Мишканень мирдинзэ мельга.
— Степа! Адя седе курок кудов! Те вестэнь ковось еми — мейли светпредставлениесь сы. Будаинь Андрей совась кладовойс, прянзо понгавтызе петляс, чтобу страстись а неемс.
Проскань Федя, комсомолец, лиссь улицяв и ушуць моро, а бабазо давай авардиме, авазо кирвайсь лампадка и остатка семеенть марто кармась озномо колинка лангсо. Но учисть, учисть — светпредставлениесь арасиль, ульнись анцяк ковонь затмения — седе мейле пизиме.
Велень учитель Андрей Миронович пурнызе народонть и евтнизе тенст, кода и мезде эрить затменият, мекс ливтнить кометат. Ламо мезде кортась сестэ сон и народось чаркуць, что ульнись те авуль светпредставления.
Егор Земсков.
| Ломать манчи — марятадо. |
| (Бег — Абук. Волком взаимопомощи
Стерлитамакской кантонсо Б. С. С. Р.). |
Июль ковсто Вахитов серман тевень теиця волкомвзаимопомощисэ артлесь велетнень ланга ды ефтлесь питневтеме вирень лисимадо алашафтомо эритьненэнь. Питьнефтеме вирьсэть нолдыть но сон вешсь целковой каждой кудосто ярмак. Велесэ ярмак арась. Са вс туемс ярмактомо. Недля кавто ютазь таго велева ярмак пурнась, ну ней 50 коп. анця ков пурнась ярмакнэсэ, коли вирьс нолдазь ярмактомо? Маньчеме ломатнесэ амаштови. Тень кис Вахитов ялганть эряви кучомс решеткасо пирязь вальмава ваномо.
Сед—Ди.
| Од народной кудо. |
Июлень Басинь читнень эйстэ Ташто Дема велисэ кармасть строямо од народной кудо 8 арш. келизэ, 24 арш. кувалмузо. Ней анцяк кадувсь вачкамс каштумт (пецькат).
Курук теить праздник народной кудонть открытиянзо кувалма.
| Сермань парго. |
Юрченковнень С. Тонь стихотворениятнень а печатасынек. Сермат те тевинть эйстэ статья.
Радаевнень К. Сермат общественной тевде авуль моросо — статьясо.
Кручинкин Гришанень. Тонь сермась пек кувать сась — поздаесь, секс сондо эзиник нолдак газец. Кучт лият.
Богданов Васенень. Пензасо ламо тонавтнить эрзят-мокшот. Тосо улить и рабфак, и совпартшкола. Тонеть эряволь мольмекс эли кучмокс конев эрзянь-мокшонь секцияв Пензань Губкомов РКП.
Гаврилов курсантнэнь. Цератне, мерят, сермацтуволть газет, ды аздыть кинень шкадемс тень кувалт — береть цератне. Тон вана муить тарка, ков кучмокс статьенть, сезэ самай сермадост сыньгак.
Беловнень. (Ташто Борис веле). „Якстере Тештесэ“ 17 номерце ули се руководствась, кона тонеть эряви. Сермат весиде, мези неят паро и берень.
Издатель: Центр. Издат. Народов СССР. |
|
| Главлит № 21.697. Москва. | 1-я типография Центр. Изд-ва Народов Союза ССР. Никольская, 10. | Тираж 1000. |
