|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К П. (б.) |
|
| ||||||||||||||||||||||||||||
| № 24. | 14 августа 1924 г. | № 24. |
| Эрзянь учителень промkсонтень. |
Сентябрь ковон 7-це чистэ Московс пурнави эрзянь учителень промкс. Те промксонть умок учость эрзянь учителть, ды аволь анцяк учителть — сонзэ учость весе, кить роботыть эрзя ютксо. Мекс истя сонзэ эйсэ учость? Кодамо лезэ учить сонзэ пельде? Эрзянь роботникне учить покш лезэ промксонть пельде — сон невцы кинть, кува эряви ветямс тонавтума тевесь эрзя ютксо.
Те шкас эрзянь учителтьне ньютксо* арасель ве лад те тевсэнть. Аздан муят ли минек ютксо кавто эрзят, конат бу велацо арсильть эрзянь тонавтума тевденть. Улить минек ютксо истятт, конат мереть аэряви кодамояк эрзянь робута, седе паро ули буди минь карматанок эрзятьнень рузонь кельцэ тонавтомаст, седе курок стувцызь эрзянь келенть и седе курок сынь теевить культурной ломанькс. Эрзянь робутанть сынь ловсызь аразень тевкс. Сынст койсо эрзянь робутась аволь культурантень вети эрзятьнень, а уски эйсэст мекев культурастонть.
Но улить истяткак, конат арсить тееме кодамо бути сынцист эрзянь культура, конат мереть, эрзянень эрзянь эрямодо, ды эрзянь кельде башка мезеяк аэряви содамс.
Кода жо робутамс эрзя ютксо? Кода ветямс тонавтума тевесь? Эрявить ли эрзянь кельцэ тонавтомс эйкакшне учильнясо, эле рузонь кельмцэ? Буди эрзянь кельцэ, сестэ знярц те кельцэнть эрявить тонавтомс и кода кармамс рузонь кельц тонавтомо? Вана не тевтьне эрявить весе решамс промксонтень, чтобу мейле весеменень робутамс велацо, а аволь истя, кода роботынек те шкас.
Промксонть икеле ащить покш задачат. Ялгатьненень, конат сыть промксов, эряви содамс, что промксось пурнави аволь сень кис, чтобу вейке-вейкенек нурнемс ды чумондомс мекс беряньстэ неть эле нонат робутасть; аволь сень кис, чтобу вешнемс кие парсте робутась, акие беряньстэ — сон пурнави сень кис, чтобу муемс и невтемс эрзя ютксо робутыцятьненень виде ки, кода седе курок эрзятнэнь теемс культурнойкс.
| Чопудань панеме велестэ. |
| Вейцэ эряви теемс тевтнесэ. |
Российской коммунистической партесь сонцинзе каждой чинь тевсензе, правдасонзо невти, что сондензе башка арась кодамояк лия партия, конабу ащевель рабочей ды крестьянонь кис. РКП(б.) кона веди рабочейтнесе, сюровидицятнесе, кармась примамо эсь юткозонзо и учительтнесе, конат эсть тевсест невтизь, что сынь ащить советской властень кис. Аместь сепомс минцинек эйсте ютазь тевтнестэ. Ульнесь шка 1917 иесте, кода ламо учительтнесте ащесть эсэрэнь кис. Стака гражданской войнань иетне, ды бедной чинек минек ведякшнимизь эстямо тевс, что учителенек ащесть вачо, жалования тенст мезеньдяк арасель. Анця ней минь кодак виеминек, карминек седи пек ванамо учителень эрямо чиизе ланкс. Кемголмовеце Россиянь ком. партиень промксось мерсь — кастамс учителень жаловниенть, максомс тензе паро эрямо чи, сесте сон карми седе персте тевень тееме. Таркат, таркат кармасть уж кастамо учителень жалованиясонть. Школаньтень Советской сторонасо эряви максомс первой тарка. Учитель нейуж эсь сельмсензе неи, что только сов. власесть, коммунистне ведить трудицятнесе школань трокс валдо эрямос. РКП (б.) ули помощникизэ РЛКСМ. РЛКСМ. од ломанень организация мерезь, школань, учителень бокава кода як аютави. Те организацияньтень эряви роботамс учительтне маро вейце.
| „Саиньк тонафтынк, ливтиньк свет ланкс пакшанок“. |
Минек комсомолоньтень, учительтненень весе СССР—лангонь трудицятне максыть эсь пакшасост миненек ды мерить: „саиньк пакшанок тонафтынк, ливтиньк свет ланкс“. Комсомол, учительть отказамо трудиця ломанень а карми. Сынст ланкс пры покш тев. Пакшатнень сави тонавтомс. Тонавтомс сынст сави аволь анця сермадомо, ды ловномо, но сынст эйстэ эряви теемс алкуксонь революционерт-коммунист. Комсомолонтень и учительтнень истямо тевсть эряви теемс. Кода теемс? Вейсе работазь. Комсомол, учитель коли вейсе кармить те тевсенть тееме, сесте сынь тейсызь тевенть. Учитель карми тонафтомо ловномо, сермадомо эснест, а комсомолецне кармить евтнеме тенст революциянь историядо, икелень эрямо чиде, РЛКСМ. историядо.
Школава эряви теемс ячейкат РЛКСМ, пионерень отряд, тевенть ветемонть эряви максомс комсомолоньтень. Те шкамс комсомолось учительтне маро яла эсть ладя. Саты прядомс эряви те пакшань налксиманть. Эряви кундамс тевс. Трудицятне учить эсненек. Комсомолецненень учительтнень маро эряви пеклатс эрямс. Сынст аволь анця школасо вейсэ тевест.
| Ощо вейцень тевест — Велева ловномо кудова, лекцият. |
Улить минек ловномо кудот. Тосо кинень эряви роботамс? Комсомолоньтень ды учительтнень. Те шкамс минь кодаяк астявсыне пильге ланкс тосо тевенть. Улить газетат, арасть ловныцят, улить ловныцят арасть газет. Те тевенть можна пильге ланкс стяфтомс. Коли улить газет — учитель комсомолец — ловнозо амаштыця сюровидицянень. Коли арасть газет, божак тееме серматстомо тев. Минек велева ламо-бу серматстовольть ды арасть истят ломать конат бу те тевсеньть кандовольть. Те тевстень гак эряви вейсе педямс комсомолоньтень учитель маро.
Лекцият эряви ловнокшномс. Учитель, комсомолстень тевстень опеть сави миненек кундамс. Ки миньденек башка те тевстень кунды, коли велесе учитель анця тонафтозь ломань. Эряви комсомол маро вейсе арнемс кодамо-бу лекция ловномс. Вейсе арцесь, теезь яла тев лиси. Спектакль путомо опеть вейсень тев. Мезес иля кунда, скамонт акундант, яла ялга вешнат. Велесе тев ламо сюровидицянь тонафтумань кувалт. Тевс кундамсто аместь кувать ялгат вешнеме, коли комсомол, учительть улить. Сынь ялгат, анця кундамс ды теемс. Велень учительть комсомолецт катсыне лац амалима тевенеть. Кундадо кеть-кеть, ды вейсы чопуда эрямонть панеме сюровидицянь ютксто. Сюровидиця радувазь примасамизь паро тевень тееме эсь юткозост. Комсомолось, учительтне, сюровидицятне весе вейце панеме чопуданть велесте. Вейсе паро тевень теезь седи корок сатано весе мастор лонгонь коммунистической революциянтень.
Е. Губанов.
| Эрзянь мокшонь прумкс. |
Наркомпросонь эрьзянь-макшонь Бюрось сентябрень 7-це чистэ пурны Московсо тонафтума тевень прумкс (с‘езд)
Те прумксонти прумить эрьзян-мокшонь тонафтыцят ды тонафтома тевень роботыцят. Весемезэ Бюрось пурны 60 ломать.
Губернява не кодгемень ломатне вара кода явовить:
1. Саратовонь губернясто 10 ломать.
2. Самаронь губернясто 11 ломань.
3. Пензань губернясто 11 ломань.
4. Ульяновской (Симбирской) губернясто 9 ломать.
5. Нижегородской губернясто 7 ломать.
6. Татреспубликасто 6 ломать.
7. Башреспубликасто 6 ломать.
Наркомпросось прумксонть молемань перть максы эрьзянь-мокшонь делегатнынинь (истя мерить эрьва мезень прумксос кучозь ломатнень эйстэ) фатер марто ярцамкс. Московов ды кудов молемань росхотнэн пандсыньзе губонось.
Прумксонь повестканть кевкснмитне ульме кармить вана кодат:
1. Лия масторонь ды миньцинекь тевтнень кувалт.
2. Тонафтома тевень кувалт центрань эрьзянь-мокшонь Бюронть отчетозо.
3. Када седе вадрясто нолдамс тонафтома тевесь миньцинек школатнень эзга.
4. Миньценекь Педтехникумтнэнь кувалт.
5. Школасо апак тонафтозь тонафтомань кувалт.
6. Эрьзянь-мокшонь газетонь ды эрьва мезень кинигань печатамонь кувалт.
7. Кодамо кортамосо эрьяви миненекь сёрмодомс газетсэ ды печатамс кинигатнесе.
8. Кинигань нолдамо тевде.
Весе не кевксниматне минек тевсенть пек покшт и сынст кувалт эряви арсимс ды арсимс. Ве ломаньнень эли кафто-колмо ломаннень сынь а решавить. Истямо прумксось тень кувалт ёфтасы валонзо.
Центронь Бюрось кеми, што те прумксось весе не кевксниматнень ваносынзе весеме енда и ёфты кувалмаст эсь валонзо.
| Наркомпросонь эрзянь
мокшонь бюронь ме- тодист М. Кручинин. |
| Лия масторга. |
| Англия маро тевенеk. |
С.С.С.Р. согласясь пандомо часть икелень инязоронь долгтнесте. Пандомо карматано сесте, кода сынь миненек максыть заем.
Миненек эряви пандомс тенст вете иес 100 миллион целковой, сыньжо максыть миненек 300 миллион целковой заем. Ве частезе заемонть туи долгонь пандомс обмоце частезе хозяйстванок витеме: машинат рамамс фабрикас, заводс, велень хозяйствас машинань рамамо ланкс.
| Япония манявлемезь. |
Сахалинсе (кона минек) ули нефт. Япония вельпек бажи саемс кецтенек невтень таркатнень.
Сон арци невтенть ланксо роботома вейсе минек маро, ну менек арасть ярмаконок тосо роботанть ланкс. Минек Сахалинсть сон саизе 1918 иесте ощо
