| 3 | ЯКСТЕРЕ ТЕШТЕ. | 3 |
| Эрзякс овсе а корты — рускс кортамо а машты. |
| (Коробочка мотивень лангс). |
Грозной иетне ютасть, |
Рузт, эрзят, церат, ават, | ||
Сардо. | |||
| Дурачек Киря. |
Ульнись минек велисэ дурачек — Киря лемизэ. Шаты веленть эзга: ве кудосто лисе, омбоцес сови, пурны милостина, ки мезе максы. Лиясто истят валт ёвты — превийненьгак а евтавить. Церьковас моли — ары сех икиле, богородицанть карчо, а богородицанть пелев велявсы удалксунзо. Истя обиднень перть. Озныцетне мереть тензэ:
— Киря, велявтык чамат пазавантень.
— А велявса, тече пазонть лангс кеждень...
Попось лиясто обиднядо мейле венстясы тензэ крестэнть и мере:
— Палык, Киря.
— Мейс? Дуракан что-ли мон, карман тонь ваций пижень крестот нолциме?
Весть попось саизе Кирень эстензэ алтарьц.
— Арак ваксузон — мерць попось — кармат монень кадилань максниме. Тонавтник.
Вечернясто истя тевесь ульнись. Вечернень перть Киря стараесь, парсте макснизе кадиланть. Валцке молць обидняв таго кадилань максниме. Но обиднень перть парсте кадилась уж эзь макснивть. Саизе пещезе табакту, курвастизе ды максызе херувимскоинь моравтумсто. Xватесть сестэ, кода уж церькованть пещезь табак качамодо.
— И пейдима мартунзо и грех — кортыть атетни — ульнись дурак, дуракокс кадувияк.
Бабинетне светойкс ловныть сонзо, кетнень тензэ палцить, благославения вешить.
Весть мере попось приходонтень.
— Православные! Икона мне в лесу явилась чудотворная, венок на ней сияет золотом. Соберемся недостойные и с крестным ходом пойдем к сему святому месту.
Велинек сыргасть вирив пазава марто. Пачкоцть, ваныть — пазава, позолотась цильдирди лангсунзо. Те шкане Киря кода рангсты покш вальгийсэ:
— Манчи попось! Исяк минь неинек, кода сон урядась эйсынзэ, а попадиесь алцу ваднизе, чтобу цильдирдизэ. Минь Сека патень марто неинек.
Тоск вирцэ кармасть атетне лажномо, попонть ругаямо, что сон ярмакунь кис манчи сынст.
Вана ванадо, Киря дурак правда корты, а попось прев марто манчи ломатнень.
Истят тевть ульнисть Ульяновской губернясо.
Эрзень студент Симдянкин.
| ВЕЛЕНЬ СЁРМАТ. |
| Арась пизиме, коськить сюрутне. |
| (Ст.-Захаркинской вол., Петровск. уез., Сарат. губ.). |
Кода еще васинь тунда ульнисть пизиметь, а ней моли анцяк чемень. Ютась тундунть коряс учинек паро урожай, а ней едва-ли ули, будимкс а туе неть читнень эйстэ пизиме.
Роснень сэрист арчин и омбоце пельарчин, а пиниметнень анцяк 3 верчокт. Катфатне еще мода поцтояк эсть листь. Модась коське.
Те бедась захвати авуль анцяк Захар велень волостенть, весе Петровской уездэнть ды ваксунзо уездэнтькак. Тевись авуль пек вадря. Ломатне кармасть пек мелявтумо — арась пизиме, коськить сюрутне.
Кочетов.
| Теиде ячейкат М. О. П. Р. |
Ташто Захаркинань волостьсэ тейсть колмо ячейкат М. О. П. Р. (Международное Общество Помощи Революционерам). Вейкись Захаркинасо, омбоцесь Ст. Демкинасо, а колмоцесь Ст. Назимкинасо.
Ст. Демкинасо ламо ломать одс максыть заявленият, мелест улимс членом те обществасонть. Сыненст пек охота мейсэяк лездымс сетненень, конат ащить тюрьмасо лия масторонь буржуинь кецэ рабоче-крестьянской властенть кис.
Мон тердян веси эрзень велитнень и весе эрзень совработникнень улимс членом М. О. П. Р.
Кочетов.
Ведь, если навозось кадове моданть лангс, те весе питательной веществатне эйстэнзэ лифтить варма мельга. И сюровидицянть роботазо еми истяк.
Если жо навозонть парсте вальцисак, то сон розь видемантень парсте наксады и питательной веществатне понгить модантень. Если питательной веществатне кадовить модантень, то модась максы кавксть седе покш урожай и моданть эряве удобрямскак седе чуросто.
Вана месть корты ве сюровидиця ломань, кона моданзо эйсэ удобре истя, кода мон тенк сёрмадынь:
— Икелей шабратне лангозон вансть сельмень сявадозь и кортыть:
— Мезень те дива! Кодат парт сонзо сюронзо. Буто сонензэ пособле лия паз.
А мейле аламонь-аламонь — кортэ сон — кармасть шабрам сынць истя тееме и пек тусь мелезэст.
Вана мекс, сюровидиця ялгат, навозонть аэряве емафнемс истяк.
Ванстодо навозонть эйсэ!
Эрзя.
| Илядо юмафтне kуловонть. |
Минек скотинань арась чинть марто ламо навоз а таштат. А сеть губернетнень эзга, кува арась вирь, навоз моле навозонь пенгекс (кизякокс). Модань удобрямс а кадове мензяк. А модань апак удобряк сюро эйстэнзэ а саят.
Навоздо башка уле еще удобрения, конань нолтникшеасызь варма мельга. Те удобрениесь — кулов. Ве казенной десятинантень куловось эряви комсь пондо. Картуханть эряве путомс ве казенной десятинантень кемветие пондо.
Удобрямс моданть эряви истя:
Картухань путомсто эрьва картуха коренэнтень эряви почодомс ве коморо кулов. Путомс эряви бороздань ютазь. Сокамс парной цабансо. Юткне корендэ коренс улест 10 верш. Картухатнень лисимадо мейле эряви сынст сокамс ве алашень цабансо.
Куловсо удобрезь модась максы урожай 3100 понт картуха десятинастонть. А куловонть тельня можна таштамс зяроята. Если ровнясынек навозонь марто, то куловсо удобрезь модась максы урожай 380 пондодо седе ламо десятинанть лангсто ды картухатнеяк колияк а кармить сэредеме наксадо ормасо.
Сюровидиця ялгат! Илинк нолда куловонть варма мельга. Сонзо лезызэ пек покш.
Сюровидиця.
| Илядо явше лугатнень сеетстэ. |
Эрьва кизна лугань явшимась ковгак а маштови. Сон пачтинзе сюровидицятнень тов, что сынь кадовсть тикшевтеме.
Минь содатам, что тикшевтеме ламо скотина а трят, значит, хозяйстваткак а кепицак. Минь тонадынек эрьва кизна лугань явшиме, но лугатнень мельга якамонть а вечксэнек. Варштыньдерят лугатнень лангс — несак, мезикс сынь велявсть. Велявсть сынь сильдей пулокс. Сынст лангсо неят эрьва мезе: и коткудавонь пизэть, сильдейть, кустарникть, ды эрьва мезе, анцяк тикше колияк а неят.
А кодат бу уливелть лугатне, если сынст явшивлизь кемешка иес весть. Мон думан — сынь уливелть бу парт. И вана мекс.
Кемень иес ломанесь луганзо мельга якаволь бу лиякс. Сон кармаволь эйсыст удобрямо, ровнявлинзе сильдейтнень ды коткудавонь пизэтнень, тарксивлинзе кустарникнень, изавлизе нупоненть, кона а нолды свежа варманть коретнэнень — и лугатне кавто-колмо иес авулть карма содавомояк. Ведь мужик содавуль бу, что тестэ сон карми ледеме тикше 10 иень перть.
Кодаяк а кашт молезеват (а чатьмунят) германской крестьянунь кувалт. Сынь лугатнень явшить 30 эли седе ламо иес анцяк весть. Эрьвейке луганзо вансты сонцинзэ сельмензэ лацо. Сексня ускси навоз, навоз ведь, картуха нетькст. Секс сынст кардазост пешксеть скотинадо. А миник ве скалусь а мейсэ трямс.
„Земельной Кодекссэяк“ евтазь, что лугатнень явшимс модатнень марто ве шкане, но авуль эрьва кизна но сюровидицятне те лангс а ваныть, сынь стараить, кода бу седе курок емафтомс лугатнень.
Если ськамонзо ломанентень стака ули луганть удобрямонзо, сестэ можна пурнавомс 4—5 кудунень вейс. Земельной Кодексэсь тедеяк корты, что могут вейс пурнавомо даже разной обществань ломать.
Истяжо XIII (кемколмооце) с‘ездэсь кортась, стараямс ламине пурнамо крестьяннэнь вейсэ роботамо.
Миненик жо те постановлениесь эряви тевс ветямс.
Шишкин.
