| 2 | ЯКСТЕРЕ ТЕШТЕ. | № 18 |
| Те иестэ налогонть кармить примамо Волисполкомсо.
Налогось можна кучумс вицтэ Волисполкомов почта вельде, будимкс пандыцесь се шкане тусь ве пелев. Красноармеецэнь семиянень, штобо получамс льгота налогонь пандомсто, эряви сермадомс волисполкомов заявления. Заявлениетнень кармить примамо колмо недлень перть поселенной спискатнень сермодомодо мейле. Заявлениенть марто улезэ удостоверения сельсоветэнь пельде, зняро семиенть модазо ды скотиназо и удостоверения красноармеецэнь службасто. Курсантонь семиятне путост удостоверения сонзо училищень пельде, а инвалидэнь семиятне аеаст удостоверения уездной отделстэ социального обеспечения. |
| Кодат сюрутне Советской масторга. |
Ставропольской, Царицынской, Самарской губернява [ало пеле] сюрутне пек береть. Тосо озимтнень эйстэ кадувсь андяк нилице частист, а остаткатне весе юмасть.
Пек пси шка ащи Тамбовской, Пензенской, Нижегородской губернява.
Украинасо тожо шкась ульнись пек пси, а ней ютасть покшт пизиметь. Венильксысь седе экшенць, сюрутне вельмисть и кармасть виемме.
Сибирстэ сермадыть, что тосо сюрутне парт.
| Од аэроплан. |
Вейке ученой ломань, инженер Андерс, тейсь истямо аэроплан, кона может ливтиме 1000 (тыща) вальгий петь апак лотксек и ускомо 120 ломать.
| Республикань ванстума. |
Трудиця ломатненень эряви содамс, месть тейнить капиталистнэ, кода анукстыть пряст войнанень. Миненик эрьва шкане эряви ульмикс анок, чтобу апак хватяк миник аулимизь старт.
Английской ученой ломань Грендель-Мэтьюз тейсь аппарат, конань эйстэ лиси истямо вий, кона кулувты, кирвасти, лоткавты ливтиця аэроплант, кирвасти порох васулу таркасу. Те виесь, кона лиси эйстынзэ, а неяви. Англиясо мереть эйстензэ «кулувтыця вий».
Те аппаратунть можна теимс седеяк виев, чтобу сон чавнуволь седеяк васулу таркасу.
Аппаратунть теицязо думи Английской столицанть ванстумонзо, чтобу кодамояк враг авуль сак малав. Английской правительства думи рамамонзо те аппаратунть, а газетнэ сермадыть, что сон буту миизе уж Франциенень.
Миниккак тейнить истят опытт, миньгак удалув а кадувкшнутам эйстыст. Икилив миненикак ламо лезэ теить миник ученойтне.
| Кооперациень тевть. |
| Сининька веле, Петровск. уез. Сарат. губ. |
Апрелень 25 чистэ Сининькасояк тейсть кооператив. Мон мерян Сининькасояк секс, что лия велитнень эзга умок уж кооперативтне роботыть, а Сининькась анцяк ней фатесь, что сонзо тевтеме пек берень. Эрьва мезинь кис базарув а артниват, ды еще артнимскак а мейсэ, коли пеле велинь алашасткак арасть.
Кооперациятнень сюпавтнеяк тейнисть, анцяк сюпавтне думить, кода бу седе пек сюпалгадомс ды седе ламине барыш саимс. А барыженть таго яла беднойде башка а косто саимс. Сюпавонть ули и алашазо, конань лангсо моли эрьва мезинь рамсиме, и скалузо ули и ревензэ. Сон а рамси а ойть а сывилть, сонзо эрьва тарказо ули сонцинзэ, а бедноинть те арась, тона арась, а орчамс карциме истяжо эряви. Вот бедноись и канцы остатка трешникинзэ сюпавнень, а сюпавось моли церковав, путы штатол «от своих трудов праведных,» озны, конянзояк масторов токавтнисы сень кис, что пазусь допустил, а кода сюпавось мере, даже помог бедноинть кецтэ трешникинть саиме. Мон уж думан авуль анцяк допустил ды помог, а пазусь самай горячий участник ульнись бедноинть грабамсто.
Беднойтне кооперациянь строямсто а думить сюпалгадомо, сынь думить анцяк кода бу помогамс кооперациясонть школантень, чтобу седе парсте тонавтуволть пакшанзо, чтобу рамамс газет ды эстензэяк чоподасто лисемс, лездымс советской властентень сюпавтнень карчо.
Вана те самай беднотась Сининькасо и тейсть кооператив. Пуромсть сынь 35 ломань. Кажноинь пельде сайсть 1 р. 40 коп., ярмакнень пурнасть весимезэ 49 руб. Течень чис совасть еще 27 ломать. Сюпавтне кармасть путомо вкладт, кона сюросо, кона ярмаксо. Процент нетнень кис кооператив а панды.
Торговлядо башка, кооперациесь кирди кузниця, косо крестьятнэ витить-пятить кой месть хозяйствастуст. Аламушка кадуви польза кооперациентеньгак. Кузнецэсь роботы омбоце частинь кис, а кузнецканть ды струментэнть максызе тензэ комитет взаимопомощи питневтеме.
Арендови вейке сюрунь пенгедема дранка, конань кис панды 100 пондо сюро иезынзэ, а зняро нажувить роботамонь кис, хозеинэнть марто чачк явсызь. Алашат якить дранкасунть ды вейке роботник сетнень хозеинэсь путни, ремонт тожо хозеинэнть пельде, а промысловой налогонть кооперациень пельде, но сон по декрету тень кис а панды.
Сексня, улиньдерей паро ие, саить еще ве дранка ды мельниця (ветрянка), чтобу седе дешувасто яжамс беднотантень.
Кооперативной правлениясо колмо ломать — беднякт. Вейкись коммунист — председатель правления, омбоцесь беспартийной, но надежной ломанесь (прикащик), а колмоцись бывший левый эс-эр эли еще мезе бути, но авуль пек паро ломань (заведующий). Кажнойнень пандыть 10 целковойть месеценть.
Можна меремс, что кооперативенть тевизэ туи, арась анцяк счетоводост, мезиньгак пе а муят торговлясост, но накладной росходост 10 трешникте ламо а эри целковоинть лангс.
Ней уж беднотась судонзо чапизе кооперациянтень и, кода корты, кооперациявтомо эрямо а карми.
Шабанов.
| ВЕЛЕНЬ ХОЗЯЙСТВА. |
| Видеде вика тикше удобрениякс. |
Викась эрьци яровой, конань видникшнесызь тунда и озимой, конань видникшнесызь розь марто човор сексня. Озимой викантень мерить мохнатой.
Озимой виканть видникшнесызь яровой сюротнень урядамодо мейле. А маинь остатка читнень эйстэ, кода розесь карми прянь коямо, розь марто човор виканть можна аламонь-аламонь леднемс и пижестэ кайсемс скотинанень. Алашатне, скалтнэ, ревенте авулть ней бу ве вачо чи-як; сынь ярцаволть бу паро коромдо кода ярцыть лия масторонь паро породань скотинатне.
Черноземной губернятнень эзга, косо эри аламо тикше, викась можна ледемс и пурнамс тикшекс. Те самай модась, кона кизэнь перть аштикшнэ лезэфтеме парина ало, викань видезь канды покш лезэ.
Но те еще аламо. Виканть уле и лия лезызэ. Скотинанок минек авуль овсе пек ламо. Навозонть саемс а косто. Ды зняро уле навозось, се-як ушневи иень перть навозонь пенгекс. А моданть удобрямс а мейсэ. Модань апак удобря сюро а саят.
Так вот викась и маштови удобрениякс.
Вана месть корты те тевенть кувалт ве сюровидиця:
Ульнись монь 4 десятинат парина модам. Думинь тееме истямо опыт: кафто пель марто десятинатнень паринь (сокинь) рана кизна, а омбоце пель марто десятинантень тунда видинь вика, чтобы се виканть мейле сокамс пиже удобрениякс. Куть пиже удобрениякс можна видемс и лия тикше, но мон видинь вика.
Ломатне кармасть пейдеме лангогозон:
— Месть думить: виканть навозокс тееманзо. Сон сюрокс маштови.
— Ладна, — думан, — пейдиде, мейле, нейсынек, ки карми пейдикшнеме.
Моданть сокия рана тунда, виканть видия маинь 10-це чистэ.
Омбоце пель марто десятинас видинь 9 понт вика.
Сюровидицятне паринаст парямо эсть думсе-як, монь викась кармась касомо, пижелгадомо, тустомомо.
Ве ковдо мейле сон кармась тветямо. Се шканть сон пек касы и эрьци эйсынзэ пек ламо сок. Мон се шкасто сонзо и сокия. Аштек моданть поцо, удобряк эйсонзо.
Кавтошка недлядо мейле, кода лиятне кармасть паринань парямо, мон эсь паринам двоия. Двоия истяжо и омбоце пель марто десятинантькак, косо ульнесь видезь викась. Сон весе наксаць. Сокось кадовсь модантень.
Кодамо саинь лезэ?
А вана кодамо.
Розесь вика модасонть ульнесь пельаршиншкадо сэрей, лия розенть коряс.
Се иенть сюровидицятне сайсть десятинастонть 36 понт розь. Мон саинь рана парезь модастонть 70 пондо десятинастонть. Косо ульнесь видезь, вика, десятинась максь 144 пондо розь.
Вана тенк пиже удобрения!
Сюровидиця ялгат! видеде вика удобрениякс. Если мийтядо 2 понт розь, то сеть ярмакнень ланкс тынь раматадо вика видмекс цела десятинас.
В. Ш.
| Ванстодо навозонть. |
Минек сюровидицятне еще а маштыть навойсэ модань удобрямо, секс и навойсэ удобрезь модась а максне покш урожай.
Моданть удобрямс эряве тожо маштозь. Икелейгак, парина моданть эряве сокамс май ковсто и изамс колмошка недлядо мейле. Навозонть эряве усксемс моданть лангс июнь ковсто. Срафнемадонзо икеле, моданть эряве еще весть изамс. Навозонть, усксемадонзо мейле, эряве сескжо срафнемс ровнасто. Срафнемадонзо мейле зряве сонзо парстине вальцемс (сокамс), чтобы ве навоз клокке авуль кадов моданть ланк. А тень можна, тееме истя:
Кодак ютат ве борозда, то навозонть эряве граблясо пурнмас бороздантень. Омбоцеде ютамсто уш весе навозось кармо улеме бороздасонть и парсте сон валяве. Омбоцеде ютамодо мейле, навозонть тожо эряве яхоемс бороздантень. Истя теезь, навозонть пек парсте можна валямс.
Те роботась куть пек стака, но сень кие пек покш урожай саят. Можна семием грабля марто те тевентень кундамс.
