| № 17 | ЯКСТЕРЕ ТЕШТЕ. | 3 |
| ТОНАФНИМАНЬ ТЕФТЬ. |
| Петровской Педтехникум нолды учительть. |
Тече Петровской Педтехникум тейсь васенце выпуск. Сень кувалт ульнесь теезь торжественной заседания, косо ульнесть: вейке Уисполкомонь представитель, колмо Укомонь Р. П. К. (б) и колмо Уононь ды кото Педтехникумонь учительть. Учость эрзень гость Московсто и Саратовсто, но сынь мекс бути эсть сак.
Заседаниянть ушудызе Балакин ялгась 12 часто и сонць первой сайсь вал. Сонзэ мейле кортасть кото араторт. Весе сынь максть од учительтьненень паро наказ — тонавтомс пакшатнень и народонть истя, кода мери коммунистынь партия и кода тонавсь весимедо пек покш и превей ломань — В. И. Ленин.
Остаткань пелев Прокаев ялгась весе педтехникумонь учительтнень пельде макссь педтехникумнень знамя. Евтась сон истят валт:
— Ялгат, од учительть! Течень чись покш чи Педтехникумнень. Кото иень эрямодо мейле сон течи теи васеньце выпуск. Тынь, ялгат, теке васенце чачовт пакшат минек эрзень Техникумонть. Те чинть тынь знярдо-як илинк стувт. Кадык те Якстере знамясь карми тыненк ледснеме чиденть. Саинк сонзэ монь кецтэ и сонзэ марто путынк тыньценк пряс и седейс сонзэ валонзо. А знаменть лангсо вана кадат валт сермадозь: „Путсынек прянок коммунистической валдо чинь кисэ“. Неть валтнэ покшт и вадрят. Знярдо-як сынст илинк стуфт. Минь, ташто учительть остатка иетне эйстэ карминек тонавтомо истя, кода мери Р. К. П. (б). Знамень кандыцетни тыненк мерить тонавтомс сынст лацо.
Аштеде бедной ломань кис, рабочей и сокицень кис; тюриде капиталонь карчо маштомозонзо весе масторонь лангсо.
Тынсь, ялгат, истя думадо и теиде и пакшатьненьгак истямокс тонавтынк.
Улиде виде кинь нефтицят весе трудиця народнэнь.
Нефтинк сокур эрзенень коммунистической валдо чинть. Лездыде сонензэ ертомс прястост пазонь содамо чинть. Арадо народ юткс истя, чтобу народось тыненк молевель сякой превень кис.
Нефтинк паро робутанк, кодамо робота учи тынк пельде Р. К. П. (б) и советской властесь. Нолдынк паро славанзо эрзень педтехникумонть!
Чумбра чи, паро превть и ламо вий тыненк, эрзень якстере учительть!
Чумбрасто эрязо Р. К. П. (б).
Чумбрасто эрязо Советской властесь, кона вийсэ минек Педтехникумось стясь пильге лангс, эри ды карми эрямо.
Вейке од учитель саизе знаменть, ды отвечась:
— Кенярдозь примасынек те знаменть и весиминь ялгатне эйсто максан покш алстамо — астувсынек знярдояк знамень валонзо, путсынек прянок коммунистической валдо чинь кисэ.
Кортасть оратортнэ и русскс и эрзякс. Пек паро вал евтась эрзякс Егоров ялгась (Уком Р. К. П. Эрзень секция) Седе мейле Балакин ялгась об‘явил, кинь нолдызь учителькс и кинь кадызь омбоце иес.
Весимезэ нолдазь 39 од учительть, конатне эйстэ 13 эрзят,
Собраниенть прядызь Интернационалсо.
| Кодат тевть молить Петровскоень Педтехникумсо. |
Маень 21 числасто Педтехникумсо вейке учитель ловнось доклад. Докладонть темазо ульнес: „Национальный вопрос“. Те тевесь тонавтницятнень пек мельс тусь, секс сынь и пурнавсть почти весе. Ученикнеде башка ульнесть эрзянь ответственной работникть и Укомонь Р. К. С. М. члент. Докладонть кулцунызь парсте; мейле кармасть макснеме вопрост. Вопроснеде мейле примасть истямо резолюция: „Р. К. П. (б) сонсь вансты минек вишка народонь тевензэ эйсэ, секс ней весе вишка народнэнь сась паро эрямо“.
Омбоце вопросось ульнесь — кандидатонь кочксима Укомолов. Укомонь Р. К. С. М. цератне ловнызь спискаст. Эрзянь комсомолецтнэ кулцунызь сонзэ и мереть: те спискасонть арась ве кандидаткак нацменонь эйстэ, а сынь уездсэнть колмоце часть.
Аравцть сынсест колмо кандидат и сувавтызь сынст спискас. Руснэ васня спорясть, а мейле максцть соглас.
Истя докладось и эрзянь ответственной роботниктне, конат ульнесть те собраниясонть (сынь члент Р. К. П.) посублясть Педтехникумонь комсомолецтнэнень пурнамс сынсест эрзянь члент.
Ив. Прокаев.
| Тонафтыть эрзяк сермадомо. |
Петровскоень эрзянь педтехникумсо лия предмет ютксо ученикне тонафнить эрзянь грамматика (эрзень кель), история (ташто пингень эрямо) и этнография (эрзень эрямо койть).
Остатка маень читнестэ ульнесь совет, косо кортасть, кинень кодамо робута максомс кизэ лангс. Эрьва учителесь макссь робута, кинень эрявсь максомс. Эрзянь келень учителесь думась «Од веле» редактор марто те тевенть кувалт и вейсэ истямо постановления тейсть: кармавтомс ученикнень сермадомс статият эрзянь газетас «Од Веле»,
Ив. Прокаев.
| Атят ды пакшат. | |||
Эрзят мокшот |
Пакшаст касыть |
||
| Тимо. | |||
| Теиде кооператив! |
 |
| Микшниця кавто-колмо пангсунзо марто яки эрзень аватнень мельга, невтне ды кшны сыненст товарунзо, чтобу сельмист сиядстомс ды манямс сынст. |
| Кооператив эряви. |
Эрьва микшниця эри се лангс, мези саи барышикс рамиценть пельде.
Мезинь кис тензэ пандома барыш?
Чтобо а пандомс микшницянень барыш, эряви эсь велисэ седе курок тейме кооператив (потребиловкань лавка).
Кооператив барыш а саи. Товарузо седе дешова ды паро. Превий ломать умок уж а рамсить микшницянть кедстэ. Беси, мези эряви, рамить потребиловкасто.
Рицягасо ды ружьясо сявурдивсть веси помещикне ды буржуйтне. Ней кадовсть анцяк вишкине частной микшницят, конат а сускить народонть, а салава потить эйсынзэ. Кооператив марто рицягавтомо не остатка пиявкатнеяк маштовить.
Беси дружнасто кундаду, вейсы—вий!
 |
| Тесэ рамицетне сынць молить эрьва мейс. Сынь содыть, что тесэ аманясызь а товарсо, а питнисэ. |
| Эрзень конференцият. |
Маень 25-це чистэ Ардатовской уездасо (Симб. губ.) нилень таркава ульнесть эрзень коммунистэнь конференцият, конатне эйсэ ялгатне думасть покш тевде, кода эрзетне ливтемс валдо чис. Неклюдовонь волостьсэ тейсть истямо постановления: Чалпоновской Школанть II ст. теемс эрзень школакс, козой тердемс колмо ниле учительть вадря образования марто. Эрзень школатнень эзга 1-ой ступеньсэ кармамс тонавтомо эрзякс ды учительтнеяк улест эрзят. Заботямс теемс эрзень велетнень эзга кооперативт. Кооперативс ды учильнява тердемс роботамо эрзень ават, конат кармить ава ютксо и велень тевсэ роботамо. Курок ули районной конференция, конань роботанзо кувалт надеятано тожо сермадыть.
М. Наумкин.
| Эсь тонафтомань куракш (кружок). |
Паронза велесэ (Ардатов уез, Симб. г.) тейсть эсь тонафтомань куракш. Эйзэнзэ совасть 17 члент. Роботась моли вадрясто. Колмо раст уш тейнесть спектаклят — весе эрзень кельсэ. Кавто раст путнизь пьесанть „Кавто киява“ ды весть «А мон кедензэ палцинь.» Сцена тейсть од учильщантень, косо ули помещения и келькстизь 200 ломань. Кажной спектаклясто театрась яла пешкеди. Ней куракшось сермадстовсть эстест крестьянской газета и курок кучи ярмак „Якстере Тештень“ кис.
Пароль бу если те куракшось кармаволь тейнеме беседат тонавтнима тевеенть ланга, кооперациень кувалт и лият тевь ланга.
Лия велень эрзя.
| Эрзень кооператив — теиде подписка эрзень газет лангс.
Газетась ведь тыненк лезды робо- тамо. |
