| 4 | ЯКСТЕРЕ ТЕШТЕ. | № 16 |
| Ловнома кудутниде. |
Эрзятниде седе ламо ловномо амаштыцят. Кода жо истямо ломатнинень ловномс газет ды книгат? Эряви теимс ловнома кудо. Те кудонтень эряви выписывать эрьва кодамо книгат ды газет. Праздникка тозонь карми пуромкшномо народ. Вейки кияк, кона машты парсте
 |
| Велинь ловнома кудо |
(енсто) ловномо — карми покш вальгийсы ловномо, а народось кунцолы. Коли тевись истя туи, — эрьва ки карми парсте содамо ломанинь эрямо чиденть.
Ловнома кудотнинень эряви ламине добовамс книгат ды газет.
 |
| Эрзят ловныть газет ды книгат ловнома кудосо. |
Эрзень аватнинень ды тейтиртнинень седеяк ламо максы лезэ ловнома кудось. Комсомол, ули велисынк ловнома кудо? Учитель, ловнокшнат газет эрзетнинень? Вейцы кундадо те тевинтень.
Т. Васильев.
| ВЕЛИНЬ СЁРМАТ |
| Минек велесэнот пек парсте симет. |
| (Ташто—Домосейкино С., Кормал. в., Бугурус. у., Самар. губ.,). |
Миинк велинь попось пек учусь иничинть эйсэ. Сетыки стяко иничизэ эзь юта. Аволь берянстэ жо ютавтызь иничинть учительтне Г. Аф. Куликов ды И. С. Пестряков. Иничинь омбоце чистэ сынь пурнавсть попонть, ды псоломщикенть марто, конат козяйкаст мартост туизь. Истя сынь ютавтызь веселасто инечинть, што насила кудов пачколесть. Паро пример невсть тонавтыцятне. Умок бу эрявольть сяводикска панимс истямо учительтнень школатне эйстэ. Сынь самогондо копорить ды пакшатне эйсэ тонавтыть озномо, ды попонь трямо.
Платонов.
| Од цёрат теить эсь лацост. |
| (Федор веле, Зильдяровск. вол. Белебеевск. кант. |
Иничистэ од цёратне путсть спектакль «Кавто киява».
Пуромсть кулакт Панякшин Никита тетязо ды роднянзо. Сынь норовасть а максомс школанть. Налксицетнинь цють эзизь чаво. Од цератни лангозост эсть ван, спектаклинть теизь. Истя, од церат, илядо вано кулактнинь лангс. Тулкадинк сынст ки лангсто, ведь сынст пингист ютась.
Мишин.
| Тихоновка веле. |
| (Вугульминс. кантон, Тат. респуб.) |
Тихоновка велесь покш ки ланксо, школаст арась. Ульнись меля-калаць, вальматнень салцизь, пецькаст амаштови. Эйкакшнэнень а косо тонафтнемс. Татартнэнь вана весе школаст роботыть. Эрзетне мерить вииник а саты школань витемс, а сынць попонть пек парсте андыть. Аватне якить попонтень супрядкас, атятне церкував озномо, кияк а мелявты школанть кис. Тынь наверна учотадо кода лия веле тынк школанк витсы. Эрзят, илядо учо. Тынк школантень эряви аламо. Илядо удо, илядо кунцуло попонь вечкицятнень. Тееде школантень ремонт, а государства кучи тенк учитель. Илинк катт пакшанк сокурсто.
Ютыця.
| Поптомо калмить. |
| (Ташто Дема, Петровского у. Сарат, губ.) |
Маинь сисемице чистэ кулось Василий Фирсанович Семайкин, — Ташто Дема велинь коммунист. Калмамонзо пуромсть: коммунистэнь ячейкась, комсомол, политпросвет, сельсовет. Тейсть сонензэ венок ды тумонь памятнник.
Калмамонзо сыргасть якстере ды равожо флаг марто. Кода Семайкинынь кандсть улицява, — пуромсь веси велись: од церат, тейтирть, атят, сыре бабат, эйкакшт, веси велись провожесь калмазырев. Кандсть моро марто, морасть „похоронный марш“ ды лия революциень морот.
Калмо лангсо кувать кортасть Семайкинынь паро тевинзэ кувалт.
Поптомо калмамось тусь эрзень мельц.
— Монгак истя бу калмавтулия эсь прям, — мерць ве атя, — ней уж ряц видна истя паро ломать калмить.
Калмамодо мейли пуромсть клубс и тосо тейсть поптомо поминкат покойной Семайкин ялгантинь.
П. Кочетов.
| Сёрмань парго |
А. В. Николаевнень (Симбирск, губоно). „Стака ки“ пьескась а туи. Пьесань сёрмадыцясь сермадомо машты, но те пьескась тензэ эзь сермадов. Русск тожо а пек парсте сёрмадозь. Улить истямо валт: „О, брат! О, мой отец!“
Ютась истя сёрмадома порась. Ней эряви сёрмадомс, штобо чарькодевель сермась народнэнь.
Седей мари. Охотат тонафнеме, а эзить сермат ков, бу молемс, мезекс охота тонавтнемс. Высшей школов наверна образованият а саты. Сермат.
Г. Фадеевниень (Васильевка веле). Сермат печатасынек.
Пьесат кучтам седе тов. Сермат сеетстэ тей.
И. Ереминнэнь (Кузоват веле) Школанк кувалт кортатам Наркомпроссо. Мезе тееви сермадынке газетасо.
| Издатель: Центр. Издательст. Народов СССР. |
| Ответственный редактор: |
| Т. Васильев. |
| Эрзят! |
Серматнинь газетас стараядо сермадомс ве бокасо ды покш буквасо. Серматнинь можна кучомс маркавтомо. Сермадодо истя, чтобо парстине можналь чарькодиме.
Ачарькодивикс серматнинь а печатасынек.
Редакция.
| ||||||||||||||||||
|
| Главлит № 20.011. Москва. | Типография «Красный Восток» Никольская, № 10. | Тираж 1000. |
