| 2 | ЯКСТЕРЕ ТЕШТЕ. | № 13 |
инть тенк, а теи, пустас минек ярмаконок юмить“. Превий эрзетни а кемить и сынц несызь, кода тевтне эрить-аштить и совить членокс, а конат пек мезияк а содыть, кавтов прясост чаравтыть и яла мези-буте учить.
Совадо Кредитной Товариществас членокс. Тосо таваронть максыть седе дешовасто ды вадря. Райселькредсоюзось эсиник тев, тозо робутыцетнеяк эсиник ялгат.
В. Платонов.
| ВЕЛЕНЬ СЁРМАТ. |
| Истят учительть миненек а эрявить. |
Мелят, июнь месецто Бугуруслансо учительтне эсист собраниясо тейсть постановления, штобо церькував а якамс ды пазнынь озныця учительть а кирьдимс школава.
Весе делегатнэ тусть эсист волостька ды евтнесть остаткатненень те с‘ездонь постановлениядо.
А ней нилици пелест весе учительтнень якить церкував озномо, а кой-конань учильняваст эще улить пазават.
Аразди не учительтне маштовить миненек тонавтыцякс, сынест эстест эрявить эще учительть, ды парт.
Иничистэ не учительтненень совсить моравтомо ды пазава марто попт, ды сынцькак якить пазава марто.
Кармаскалы велесэ учительницат Богданова У., Краснова Н. ды лият эсть лотксе обедняв якамо. Эрзетне бакасо кортыть. — „Аразди можна истямо учительницанень кучомс тонафнеме пакшат, сынст сынцист эрявить эще тонафтомс“. — А вейке эрзя мери: — „Кода эще советэнь масторцо истямо учительть кирьдить“. Анцяк сыгоднэ кучить тенек истят учитильть, сестэ минь школадоньть отказатам. Ней миненек эрявить истят учительть ды учительницат, конат тельня пакшат тонавтыть, а кизна — минек эйсэ кармить, кода седе парсте сюро видемс.
Кадык Бугурусланской Уоно варшты те тевенть ланкс, ата виськс.
В. А. П.
| Амаштовикс учительница. |
Вишка Толкайсэ ули эрзень Педтехникум. Педтехникумсонть ули практикум, косо учительницакс А. К. Атякшева. Те учительницанть фамилиязояк эрзень, кайсь как чапамо ловсо ланксо, но асодан мекс сон пек эрзетнень а вечксыньзе. Сон эсинзэ ученикненень путни прозвищат. Конанень мери „припадочной“, мекс сон пек тюжа, конанень „мочоная тюря“ ды ламо эще. А вейкенень, мекс пакшась амашты русскс парсте кортамо мери „Мордовка“. Сон соньцкак аволь умок эще нардызе чапамо ловцонть турвастонзо. Ды колмо недлят кода каиньзе эрзень карьтнень, а уш пейди эйкакшнэ ланксо. Ученикинзэ кода а сыть кудов яла жалувить: „Анцяк, мери, пейди ды пижни лангозонок ды сякойкс дразни“.
Те учитильницась остатка ие тонавты Толкайсэ, а мейле лияв кучсызь. Мон анцяк диван мейс кирьсть эйсэнзэ ды эще яла кирьдить. Умок сон эряволь кучомс ков эряви. Мон пачтян куля весе учреждениятненень штобо сонзэ козойгак авулизь прима.
Сон эрзень эйкакшнэнь аволь тонавты а пря потмост янге.
Рога.
| СЭДЬ. |
Кизэнь перть молць пизиме, нейгак ряц пелть якить. Менилесь равужо, буто кияк деготьсы ваднизе. Веси Тавлась ашти кудосо, роботамо а лисить. Модась пачк начксь пизимеденть.
Веленть ваксо Штыра эркэ. Паксесь Штырань томбале. Штыранть трокс апокшке слегань сэдь. Сэдись ташто, секень вант лондады. Зняру ланганзу алашень пильк синтристь, а киньгак мельц а леде, кода бу сэдись витимс, анцяк Ванджо тень кувалт пуромкссо споресь ды и то кода эльдезэ остатка пильгинзэ синдизе. Ванжо ней ялгу яки.
Пизимитнень эйстэ ведись прибававсь, эркесь пешксе ведти, ланганзо уить чочкт-илейть. Текень вант сэдинть ведись саласы. Велись хватесь, бузмулгаць,
— Паксяв курук а лисиват, сэдись каладындерей. — мере Ванжо.
— Од тейтям...
— Таштусь а витиви, а еще од...
Сэдинть вакс аламонь—аламонь пуромсь веси велись. Тесэ и пакшат, и тейтирть, атят, од церат, дажи сыре бабат. Ласти сась Кулага. Кулагань лемизэ Микол, а Кулагакс лемдизь секс, что сон руз велисэ кавто веть пецька лангсо удось, а тосо чакшсо ульнись кулага. Микол салтызэ кулаганть, кулагась менць ды пацькань келисэ тусь. Тень кис максть тензэ прозвища „Кулага“ Кани Микол те леминть уж комсишка ие ды, пожалуй, куломозонзо канисы. Атетне евтнить Кулагань эйстэ, что сон од пингева ульнись пек набой, тейтирнень ортат ваднись деготьсы, ирицты вальмат тапась, иничистэ церькова прясто чурась.
— Саласы ведись сэдиник — рангстась Кулага, сонць криндявць сэдь лангс.
— Кода а саласы, саласы — отвечить веси.
— Эряви сюлмамс, чтобу а туивель.
— Сюлмама, кода жо — отвечи велись.
— Пикс костояк саимс.
— Муималь бу пикс, сюлмамс эряви...
— Чииде кияк пикс мельга, узиреяк кандудо — мере Кулага.
— Онта, чик пикс мельга.
— Тонць чик.
— Кадык Турба Микол моли.
— Монь арась пиксым, — отвечи турба.
— А монень васуло молемс.
— Монь узирим паксяс кадувсь.
Истя вешнисть узири ды пикс. Вейкист-вейкист кучнить, кияк а моли. Ведись яла прибави, ве угулунть уж кепедизэ, слегатне вейте-вейте уить ведь мельга.
— Тусь сэдись — ранги апак повняк Кулага.
— Кода а туи, ведись оно зняро.
— Тесэ мельницеськак туи.
— Я! Ней пандя... Кода жо ней паксяв?...
Тимо.
| Тундo. |
Чись верев малавгады, |
| Морыця. |
| Учебникень таркас „Якстере Теште“ |
Жиздринский Отдел Народного Образования, Калужс. губ., учебникень таркас тедиде кучсь 40 школанень 321 газет „Крестьянской газета“. Школатнева сермацть: „Газетэнть кучтам нилице группанень ловнома кинигань таркась„
Рузонь ламо сякой кинигаст, а сетыки жиздринский УОНО муизе што гасетась книгадо седе вадря.
Эрзянь знярц лись анцяк букварь „Тундонь чи“, лият кинигат школава знярц арасть. Мон думан, эрзянь школатненень эрявуль бу саемс Жиздринской Уононь примеронзо ды икиле пелев вешемс ловнома кинигатнень таркас „Якстере Теште„.
Кода тынь, ялгат учителть, вантадо те тевенть лангс?
И. Прокаев.
Редакциянь пельде: Истя сермадыть ламо учителть. Стараядо теимс подписка „Якстере Теште“ лангс.
| Эрзень келесь седе чарькодиве. |
Омбоце месец моли, кода минек училищас кучнить газет „Якстере Теште“. Эйкакшнэ пек радувакшныть, кода сыть не газетнэ. Сынь анцяк ловныть газет эсист кельцэ, а рузонь газет сыненст а ловновить. Эйкакшнэ газетнэнь сайнисызь кудов, а тосо ловныть сынь покшнынень.
Минек Батуш велесэ ней весе содасызь „Якстере Тештенть“. Ламо улить ловныцят аволь анцяк цёрат, тейтертькак ловныть эйсынзэ. Аволь пек умок сакшность монень тейтерть и кевкснесть кецтэм „Якстере Теште“.
Вицтэ ёвтамс — улить истяткак эрзя ютксо, конат мереть: „Мон ловновлинь, ды пек стака ловномась“. Мон кевкснян яла, косто сон седе ламо чаркоди — эрзянь эли рузонь газетстэ. Весе мереть — эрзянь газетстэ. Кода тосо валтнэ иляст улть сермадозь, яла теке чаркодиветь. Рузонь газетсэ жо а валт нацяк, веси статьясь лиясто пачк а чаркодеви.
Содыця.
| Почтовый ящик. |
Жинианнынь (Иванбие веле („Эрямонь ошибка „газетас а туи, 1918 иестэ пек ламо ульнесть самосудт. Тень кувалт эрьва кие сады. „Эрзень келенть эйстэ„ статьят тожо а туи, тень кувалт ламо сермацть.
Прокаевнень (Петровс, Саратов) Гонорар тонеть выписали, курок кучсынек весе печатазь статьят кис. Числиникень таркас карматам кучнеме эрзень книжка.
Ф. Смольиннэнь ды Кажевнень и манынь максонь видьметьнень, Центральной Исползительной комитетонь постановлениянь каряс, пурнамо кармить аволь государствас, а синь цист местной нужас гу бернява ды уездга.
В. ды. Н. Кажаевнень виртнень, канат седикили ульнисть крестьянскойть ды конань арась летькень кирьдима эли эще кодамо лезэст, то сынст максцызь велес. Тунда эли кизна тыненкак кармить виринь максомо.
| Издатель: Центр. Восточное Издательство | |
| Ответственный редактор: Редакционная коллегия |
|
| Главлит № 20.010. Москва. | Типография «Красный Восток» Никольская, 10. | Тираж 1000. |
