|
Вейке номеронть питнезэ 4 к. (зол.) | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 13. | 11 мая 1924 г. | № 13. |
| Сермадыцетнинень. |
Тынь пек ламо сермадтадо попонь ды самогононь кувалт. Староядо сермадомо седе ламо зрзень коинь (обоцень) кувалт: кода эрзетни эрить семеясост, кода урьвакстыть, кода лемдить эйкакшост, кода калмить, кода поминыть, кода лездыть вейкист-вейкист туртув.
Васильев.
| Англия и минь. |
Англия пек сюпав государства, но и минь сюпавтам. Анцяк не сюпав читне аволь вейкеть. Англия сюпав эрьва кодамо машинасо, заводсо, фабрикасо. Минек сюпав чись аши модасо, вирьсэ, сюросо. Миненек эрявить машинат, Анлиянень эряви эрьва кодамо сырье. Теимс бу лад юткозонок, чтобу Англия кармаволь максниме тенек машинат, минь жо карчозуст кармавлинек макскиме сюро, вирь, лия сырье, кодамо эряви тензэ. Англиянень уливель бу паро, миненек истяжо.
Вана истямо лад тейме тусть Англияв миинк делегатнэ. Сынь тейсть тосо Англиянь делегатнэ марто кавто заседаният. Эсть кенирть кармамо тевень тейме, кода уж появасть ломать, конат кармасть мешамо тевентень. Не ломатне англиянь капиталист, конатнень ульнисть минек масторцо эрьва кодат заведенияст и конатнень минь саинек револыциянь шкасто. Сынь кучсть конев сынцист делегатнэнень, косо сермадыть пек парт валт. Сынь сермадыть, чтобу минь кармавлинек пандомо весе долкнень, конатнэнь теизь революциядо икеле инязоронь правительства, ды капиталистнэ. Сынь еще сермадыть, чтобу минь меревлинек Англиянь капиталистнэнень торговамо минек капиталист марто ды чтобу те тевентень илязо эци Советской власть. Сестэ анцяк кармить сынь лад тейме мартунок.
Кода тон думат, ловныця ялгай, яламо ведь сынест эряви? Да, аламо, анцяк кеветеешка (15) миллиард целковой золотой ярмак. Аздан анцяк, мейс сынь а кортыть, зяро сынстенст эряви пандомс миненек. Арази сынь стувтызь, что сынст вийсэ эрьва кодат Врангелть ды Колчакт калавтызь весе хозяйстванок. Сынь стувтызь, зяро тейсть калекат, сиротат ды вдоват минек мастор лангсо. Сынь стувтизь, зяро ломать сынст кис ульнисть мобилизованнойть войнав ды кода калаць сынст хозяйстваст. Сыненст эряви содамс, что и минек ули сермадозь, кодамо сынь тейсть миненек долг. Те долгось, пожалуй, седе покш.
Д. Желтов.
| Од веле. |
Петровскойсэ, Саратовской губ. кармась лисиме эрзянь газета „Од веле“. Те паро тев. Таго появась вейке тюриця эрзянь чопода чинть карчо. Весеменень эряви лездымс те газетэнтень, чтобу сон парынестэ ды бойкасто стязо пильгензэ лангс, чтобу эрзянь ташто велетнень, Петровской уездсэ, теевлинзе од велекс, косо бу илязо уль вейкеяк коневс а маштыця ломань, косо бу самогононь симимань таркас эрзятнэ ловноволть кинигат, косо бу церьковасонть теивелть библиотека, косо бу трехполкань таркас уливелть бу вете паксят, кува бу тазов алашень (лишмень) таркас якаволь трактор и косо бу.... даже превим велеськацть арцимстэ, кодамо должен улимс од велесь. Но ней знярц анцяк ули минек газетанок „Од веле“ конанень мои максан помога.
Од веле, ефтак инескеть, тон косо лисят? Ве таркасо анцяк сермадозь и то цють неяви, косо ефтазь редакциянть адресэзэ. Эряви парынестэ сермадомс, что тонь эйсэ сермадыть Петровскойсэ. Тонь эйсэ сермадозь, что тон орган подотдела нацмен Укома РКП(б). Монь лацо истя бу эряволь сермадомс: „Орган Мордовской Секции Петровского укома“, эли — Эрзянь газет Петровской укомсо.
Но те тевсь курок ладяви. А ладяви курок вана кодамо тев. Саия мон газетэнть „Од веле“ ды ловнан: „Анцяк советской властесь, кортась Ленин ялгась, — не тяйсь пек а мазы, а вадря, а ровнай эрямо чинтей, кона печкась аватнэнь прява“.
Чарькоть вана, мезе сермадозь? Аздан Советской властесь тейсь пек а вадря авань эрямонтень, аздан истя чарькодимс, что васня ульнесь пек а вадря авань эрямось и анцяк советской властесь пуць (тейс) пе те берянь эрямонтень. Газетсэ эряви сермадомс истя, чтобу весе чарькудест. Чарькодиме кармить анцяк сестэ, знярдо тон кармат сермадомо истя, кода кортат. Иля сермат истямо кельцэ, конань эйсэ сермадыть рузонь газет ды книгат. Рузунь келесь аволь эрзянь кондямо. Эрзянь келесь бедной. Вана кодамо максан совет те од газетантень.
Остатка советэм — парынестэ боруцяк трехполья марто, самогонка марто, взяточник, поп марто и сэстэ эрзят кармить пек тонь вечкеметь.
Эрзя.
| Лия масторга. |
| Германиянь полициясь азаргаць. |
Берлинсэ (Германиянь столица) полиция тейсь нападения минек торговой представителенек ланкс. Совасть представителень кудос, тейсть обыск, весе стольпотмотнень ды ящикнень, косо ульнесть эрьва кодат документ, — сокоризь. Кавксо ломать представительствасто арестовасть (пекстэзь тюрьмас). Минек представителенек, Крестинской ялгась, тейсь заявления Германиень правительствантинь. Германиень министр Штреземан мерць минек Крестинской ялгантень, что полицейскойтне совасть сынест секс, что сынь вешнисть германской коммунист, кона оргоць острогсто. (Несак ков мольсть вешниминзэ?) Вицты тусть Советэнь представительствас. Тосо сонзо эзизь мук ды сонзо торкас арестовасть рустнэнь. Крестинской ялгась мере, что Германской полициянень кияк истят прават эзь максне совсиме Советской представительствас, истя договорцояк сермадозь, а Штреземан карчузунзо мерць, что истят прават улить.
Штреземан алстась тейме расследования те тевинть кувалт, можот, мере, алкукс полиция мезияк тейсь незаконна.
Кавксутнень эйстэ колмо ломать нолдасть тюрьмасту.
Германской буржуйтне тандацть, сынь пелить барышнэнь юмавтумуст.
Буржуйтне тандацть сень эйстэ, что Крестовский ялгась пек кеждесь и что Советской торговой представительстванть пекстэзь. Газецэ сынь сермадыть, что полициянтень авуль эрявт бу истя теимс. Полициянть буржуйтне ней чумундынть сень кис, что сон ззь вант се ланкс, кодамо беда теивить сень эйстэ. А бедась теивсь истяму, что предстааительстванть вана пекстэзь и торговой тевтне лоткасть. Убыткатне ведь веси прыть буржуинь претнинь лангс.
Омбоце газецэ сермадузь, что правительства должен теимс истя, буто мезияк арасильгак и панжумс представительстванть.
Немецкой коммунистнэ тейсть нили собраният тень кувалт. Собраниень кудось пешксель. Мейлэ тейсть демонстрация — ютасть улицява и лоткасть Советской представительстванть карчо, но полиця сеск жо весинь панцинзе.
| Забастовkа Германиясо. |
Рурской областьсэ бастувить весе угулиень таргиця робочейтне. Азоротнэ хотят весинь сынст панимс роботасту. Неть робочейтнень марту кармить бастувамо веси Руронь (уголень таргамо тарка) робочейтне.
| Польшасу бунтовить. |
Польшень крестьянтнэ боярунь имениява бунтовить. Ве таркасу пурумсть 50 ломать: сынст ульнисть ружияст и алашаст. Совасть именияс и кармавтызь боярунть пандумс сыненст 600 целковой ярмак.
| Брусланонь райсельkредсоюз. |
Минек городсонок кармась роботамо сельск. хозяйст. кооперациясь, кавто колмо годчка тевиньть аравтызе парьсте. Бруслан городцонть ули вейке магазинаст, конань эйсо ламо товар. Уездганьть тейсь кемгавтово кредитной товариществат, конат тоже тевтнень лац ветить. Уездень кредитной товариществась знярц парсти роботы Стюхинскоесь, седе мейле как пудто лац робуты Саврушинской кредитной товариствась*.
Райселькредсоюзонь магазинстонть товаронть саить кредитной товариществатнень эзга, а конат уш микшнек эйсонзо крестьянонь кедьга ярмак ланкс, или сюронь кис. Кавто колмо агрономост уш улить, эсист случной пункт тейсть кува-кува. Норовить веси кредитной товариществатнень эзга теиме а покш читальнят, сезой книшкат рамить, крестьянонь эрямо чинь коряс, кода тевись ветямс, кода робтуамс*. Думсить кува можна тейме апокшкет кустарной заводт эрьва мезинь коряс. Седи тона енов, кода кармить улине ламо ярмакне, Райселькредсоюз сонць, карми максомо долгс кавто, колмо иес, чтобо крестьянонь кудонзо-чинзы седе курок парстине витемс. Кармить долкс максомо сокамо сабат и плугт, и эрьва кодамо мешинать: нуиме, видимо, изамот. Товарось лавкатнень эйсо седе дешува, макснить эйсонзо сюро ланкс. Тевтне пек лац молить, анцяк кона-кона эрзетни ишо косыйстэ ваныть кредитной кооперациянть ланкс а совить тозой, кой-кона сюпавтниде мерить: „Сон пек паро теви-
