Page:Якстере теште 1924-06 (2 марта).djvu/4

From Wikisource
Jump to navigation Jump to search
This page has been proofread.
4 ЯКСТЕРЕ ТЕШТЕ. № 6

 

3 пакся — розди мейли, кодак нусызь розинть и усксызь сеск эряви сокамс жниванть мелкасту, вершок эли омбоце пель, а нядля 2—3 мейле сокасызь седе томбакасту. Тунда того сокасызь 4—5 вершоконь серть и путыть картушкат и кормовой свеклат, эли репст (турнепст), или кармовой марковт, больши кормовой свекла, картушкат.

4 пакся Яровой сюру — пиними, проса, ячмень, ярвой товзеро.

Ен бу тевесь ды покш велесе акармафту вить.

Эряви покш велетнининь мелка поселкат теймекс.

Агр.  Кручинкин.

Видеде   паро   видьмесэ.
Мезе видят, сень и ну- ят. Берянь видьместэ па- ро сюро иля учо.

Ученной ломать и паро сюро видицят приметатнень коряс мерить, што тедиде кизэсь улеме карми, Рав чиресэ губернятнень эзга, коське, особенна Саратовской губернява. Коли истя, то крестьяннэнь эряви кой месть тейнемс, штобо акадовомс маны лацо вачодо. Куш кие содасы, што паро видьместэ сюронть коренондо коськэ кизэнеяк седе цидярдыть. Миньдянек эряви те астуфтомс. Тедиде сефть пек эряви видемс паро видьмесэ, ато манынь годонть таго учосынек.

Анцяк ванькс и крупной, стока видьместэ можна учомс урожай, но те еще аламо, эряви содамс, лисицят ли видьметне.

Тедиде кожнойнень эряви пурнамс паро ярвой видьме. Эрявить видьметне парсте урядамс, суфнемс, эряви эще варчамс сынст лисимаст.

Кода жо содамс лисицят алисицят видьметьне?

Эряви теемс истямо пример. Саемс видьмекснэнь эйстэ апак пурна, 100 зерна. Не зернатнень путомс мода марто торелкас и ваномс, кода кармить лисеме и сермалемс, зняро кожной чине лиси зерна. Паро зернатнень эйстэ кемень чис лиси 95 зерна сядосто.

Мейле эряви ваномс касомаст ланкс. Если колмо ниле чис лисить 80 зерна, то се видьмесь паро.

Если зняро а лисить, лучи видьметь полавтыть.

Лен ниле вете чис 78 зерна
листь .   .   .   .   .
Пинеме .   .   .   .   . 85
Розь .   .   .   .   . 82
Товзеро .   .   .   .   . 85
Проса .   .   .   .   . 80
Кснав .   .   .   .   . 85
Греця .   .   .   .   . 83
Чуж .   .   .   .   . 70
Чичавка .   .   .   .   . 87
Мушко .   .   .   .   . 78
Илядо  маняв  таго.

Манынь вачо годстонть, конань ульнесть путозь ламо катфандо, годоньть ютафтызе седе чождынестэ. То кшись эйсест човорясть, то мезе и сынь пек ламо лезэ тейсть.

Ютась годонть народ фатясь и кой гить ламо путсть катфа. Ней жо сюро ули седе и кафтась пек дешевалгаць. Молшт улить ней думицят, што те тундо амяйс ламо катфа путомс, сон дешева? Ванодо илядо маняв.

Ученой ломать приметань коряс мерить што тедиде кизэсь таго ули коське.

Ней минь содасынек, што катфась лия сюронь корясь коськэ годнэяк седе чачи....

Вонодо, сон таго ускоманок карми вачо чистэ. Ды лишной катфась киненьгак берянь атеи. Можна андомс эйсэндэ коромонь таркас скотина.

Ф.Ч.

Сельско-хозяйственный машинат анокстыть.

Те иестонть минекь правительствась арци анокстамс эрьва кодатт сельскохозяйственной машинат и орудият. Не машинатьнень кармить теймест государственной заветнэнь эзга.

Правительствась максць те тевенть лангс 21 милинон целковойть (зол.).

Машинатьнень кармить микшнимаст войнадо икелень питьнесо.

Теде башка рамить сельско-хоз. машинат лия масторсто. Те тевенть лангс максцть 9 миллонт целковой (зол.).


КООПЕРАЦИЯ.

Кода и мезнинь тейнить лесной артелть.

Эрьва кодат кооперративт улит минек и ней еще вейки прибававсь — лесной кооперратив.

Ней минь уж веси содатам, что ськамут, коть кодаму тевсэ, мезияк а теят, ськамут тонь чова тарад лацу коть ки синтяндат, а пуруминьдератам вейсы — сестэ ламу вий эряви карчузунук. Секс и появасть миник кооперративт.

Истя жо и лесной тевсэ. Тесэ, пожалуй, ськамут седеяк стака лия тевинь коряс. Ведь анукстазь виринть микшнить а чочконь чочконь, пурныть покш партия и сестэ только микшнить. Бедной ломанинтень сатуць апокшки вирь клокки, сон анукстызи сондо, дешовасту миизи и тусь ррботаму лома лангс. Коть ки лангс илязу роботак, сон сетики роботы а сонциндэ зепс, сон сетики роботник и хозеинкс карами роботаму сестэ, кода виринь анукстыцетни виринь керицетни пурумсть артельц.

Истят артелть миник ульнисть, правдуй, аламулть сынь, но ульнисть и тейниме сынст каракшнусть еще 1902 иестэ.

Миник мастурга, якшаму пеле, пек вирив таркат улить и крестьят сень эйсэ и эресть, что кересть-анукстасть вирь, панцть дегодь, кодасть карть, рогожат и эрьва месть. Роботылть кажной эстендэ. Кодамуяк атине коды кеминьшра карцимат карть, носки, носки велькссыст и мисынди задаром. Сон уж покш питни мельга а панияк, сон бедной чиндэ марту радувась, что рамиця сась, а кармат мартунду споряму, пожалуй туи и Захар атень кецтэ рами.

Чаркуцть ломатне, что истя береть тевист улить и кармасть пурумо артельц. Сех икиле артельц совасть дегодь паницетни 1902 иестэ и течомс роботыть вейсы.

Кода жо теймикс лесной артелесь, кона песты ушудмукс сондо?

Сех икиль мерян, что лесной артель эряви теймикс анцяк истяму таркасу, косо седе шождыне ули виринь миймась, эли ускумась. Например, кува ули покш ведь чтобу ведь мельга можна нолдамкс вирись, эли базарной велить, косо можна микшнимкс коть например пенчть—вакант.

Если не таркасу улить и дегодь паницят, и виринь керицят, и пенчинь теицят, каринь кодыцят, то веси сынь могут соваму ве артельц.

Артелень кувалт миник законцо сермадузь, что дажи вети ломать могут тейме артель. Но виринь тевсэ вети ломать пек аламу. Лия тевсэ можна, а тесэ меньше 20 арасть. Улить и истят артелть, козо соваст 90 ломать. Пуруминьдерейть комсишка ломать, сестэ можна уж теймекс собрания, сермадмукс устав и те уставуть кучмукс губерняв, Губсовнархозов.

Уездга улит лесной союст, тов можна мольмикс совет мельга, ата можна сермадмукс вицты Московов (Москва, Арбатская площадь 35, Всеколос).

МЕСТЬ  СЕРМАДЫТЬ  ВЕЛЕСТЭ

 
Нижегородской  губернянь  эрзя  велева.
Какин веле, Лукояновской у.

Покш эрзянь веле. Истямо покш, что уездной городто седе покш. Истяк и хочется кеммекс, что те а веле а кодомояк город. Тия-тува тештенекс палыть толнеть. Истяк и думаят, что тесэ уж эрить сыре пинге ладсо. Но знярдо седе парсте вансак кода эрить Какинецнэ, сестэ несак, что революциясь сынскак токиньзе и кармавтыньзе озямо. Ней тесэ уж ауль рудазов чопуда эрзя; коть корты сон эрзяк но превензэ уж лиякс. Сельсхо-хозяйственной налогост умок пандозь, а ней прядыть волостной бюджетэнь пурнамонть. Роботы школа, ули народной дом, ули паро библиотека. А ней думить сынсь явмо и модантькак явмокс, чтобу седе шождыне уливель роботамс. Анцяк тесэяк мешеть кулакт, сынь тейсть коммунна и хотели моданть саймекс велень маласо Но анцяк тесе сынст тевест эзь тук. Обществась сыненст эзь кем моданть эзизь макс, анцяк кармасть лангозост пеедеме.

Иванцева веле, Лукоян у.

Велись ащи авасоло городонть эйстэ. Крестьятнэ эрить абеднойстэ. Уле велесэнть школа, библиотека, ячейкать Р.К.П. и Р.К.С.М., но сынст роботаст парсте анеяви. Алкус остатка шкане ушудс робота, кой-кить кармасть „роботамо“ кармасть, якамо церькував. А вейке комсомолец истя кармась стараямо, что попось сонзэ нолдызе евангелиянь кондомо крещиниясто яордань лангов, Омбоце комсомолец Жидов ялгась сермадсь стенной газетас стихотворения, анцяк сон авесенень тантейстэ марявсь.

Жидов ялгай, сермадт крестьянской газетас и Якстере Тештес и минь ловнотам и карматам содамо кие косо мезе тейни и косо кода молить тефне.

Гал.

Редакциянь пельде Церьковав якицятнень и евангелиянь кантлицятнень, минек койсо эрявит теньсемс ячейкасто.

Эсинеk  kельцэ  миненеk  эряви  ловномо  газет.
 
(С-Кармалинской вол. Бугуруслан, у.)

Минек волостес ощо совасть кавто волостень эрицят. Волостенек покшолгаць. Волостес пурнавсть кеветее эрзянь велеть, конатнесэ эрить кеветешка тыщат эрьзят. Эрзятнеде ламо, анця ютксост арась порядкась. Кеветее велева улить весемезэ ниле школат. Школатнеде эйсэ сексня атятне сынсь отказасть. Весе эрзянь ломатне эрить ашныть беднойстэ. Ютксост парсте эрить анцяк кувака чертне (попне). Сынь сексня ойть месть парсте мукшныть. Эрзят, дружнасто миненек эряви эрямс эсь юткованок.

Эряви миненек вейце весе вийсэ тонафнемс. Эряви эсинек кельсэ серматстомс (выписать) газет. Икеле эрьзянь кельсэ араселть а кинигат а газет. Ней, Советской властенть пингстэ эсинек кельсэ газетэнь ды кинигатнэнь ловнозь, седи курок сельменек панжовить, седи курок парсте карматанок эрямо.

В. Платонов.

Ки  марто  якат,  сень  пельде  тонадат.
(Лукоян. у. Нижегород. губ).

Васоло-чопуда эрзянь велесь Н.-Иванцово. Колмо иеть школась эйсэнзэ аштесь пекстазь не иетнестэ ломатне пек тонацьть самогонкань паньме ды симме. Пакшатнеяк эстэдензе кармасть симнеме.

Ней аволь умок минек велес сась учительница. Пакшатне кармасть тонафлеме. Анця аволь весе атятнэ нолдыть пакшаст школас. Не атятнэ кортыть: „Учительницась коммунистка, школасонть пазава—як арась — мезень парос тосо“ тонадыть церанок. Истя кортыть анця превтеме ломатне. Кадык атятнэ сынсь якить церькувас чекамо. Сынст кияк чекамодо а лоткавты.

Од ялгатнень лия кист. Пакшатнэнень попнэнь пельде а мезес тонафнемс. Весе пакшатнэнь эряви школас кучмо.

М. Казаков.

Самогонкас сюрост ули.
(С-Кармалы веле, Бугурусланской уездань).

Минь пек парсте эрятанок. Витстэ кортамас, лия велева маласонок кияк истя а эри. Велесэнек ули ловнума кудо, театра, кавто кооперативной лавкат, ули коммунистнэнь ячейкаст. Арась анцяк велесенек школа. Сексня атятне эсть согласяя сюронь пандомо — секс кадовинек школафотомо. Атятнэнь школа лангс арасель сюрост. Зато самогонкань лангс сюрост яла муеви. Велесэнек пек панить ды симить самогонка. Милициясь как марост мезеяк а теи. Зняро стяко сюро емафтыть. Эряволь уж эрзянень превс совамс. Эряваль сюрост паро тевс ютафтомс.

В. Платонов.

 

Почтовый ящик.

Горбуновнень (Лукоянов, Нижегородской губ.). Статьят, конань кучить, печатасынек и кучтанок кисэст ярмакт. Сермадт еще.

Иваньбиень эрзя (Лук. у., Нижегор. губ.). Сермадат парсте, но не статьятьне, конань кучить, енс амолить. Антирелигиозной пропаганда эряве ветямс ауль истямо „штукасо“, кодамодо тон сермадат. Сермадт мездеяк лиядо, карматанок печатамост.

Бурнайкиннень (Подлесная Тавла, Пенз. губ.). Статейкат печатынек. Сермадт еще.

Платоновнень (Сок—Кормалы, Самарской губ.). Статейкат печатасынек. Сермадт еще.



 
 
ВОСТОЧНЫЙ  ИЗДАТЕЛЬСТВАСО
 


улить  эрзянь  кельцэ  кинигат:


1) Од закон модань кувалт (Земельный кодекс) — питнезэ 20 коп. (зол.)
2) Декрет единой сельско-хоз. налогонть кувалт — питьнезэ 8 коп. (зол.)
3) Бедной чиме колмо паксядо. Тейть многополия — парсте кармат эрямо
питьнезэ 20 коп. (зол.).
4) Скалонть ловцозо кургсонзопитьнезэ 8 коп. (зол.).
 
 

Главлит  №  17856.  Москва. Типография  «Красный  Восток»  Никольская,  10. Тираж  2000.