| № 6 | ЯКСТЕРЕ ТЕШТЕ. | 3 |
кельсэнзэ. Серматнесэ ды газетсэнть как вельть ламо улить рузонь валт, напр., хозяин, год, думан, дрожи. Весе неть валтнэнень муевить ванькс эрьзянь валт, конатнесэ эряви як сермадомс. Улить ощо ламо истят рузонь валт, конат эрьзякс а ёвтавить, напр., электричества, революция пролетарий. Не валтнэ весемасторонь (интернациональнойть). Эрьзянь вал тесэ уж а муят. Кадовост сынь нетяк. Од валт сесэ арсемс а мейс.
Кадык эрьва эрьзясь таркасто сермадозо эсь картамо кельсэнзэ. Редакциянте эряви нетне сёрматнесэ кельсть витлемс ды налдамс весе серматнэнь газетс вейке кельсэ. Се кельсэ эряви сермадомс, конасо кортыть седи ламо эрьзят, кона кельсь седи ванькс. Сестэ минек ульме карми эрзятнэнь юткова вейке сермадомо, кель. Седи паро, седи ванькс кель монень маряви, се кортамо кельсь, конадонть сермадозь эрзянь букваресь. Истямо жо кельсэ сермадозь Окин ялганть кинигазо „Россиянь революциянть историязо*. Истя жо сермадозь курок лиси эрьзянь кельсэ задачник. Монь превсэ же вейке келенть кирдезь эряви газетсэстькак сермадомс. Сестэ „Якстере Тештенть“ кувалт весе эрьзятнэ тонадыть вейке ванькс эрьзянь кельсэ сермадомо ды кортамо. Школасо букваренть кувалт ды лия кинигатнэнь маро истя жо ве эрьзянь кельс тонадыть весе пакшатне.
Вейке сермадума келенть эйстэ покш лезэ ули минек эрьзянь тевестень Сестэ минь седи курок листянок чопуда чистэ.
Глухов.
Редакциянть пельде.
Эрзят-мокшот сермадодо ки кода арси те тевсть кувалт.
| ВЕЛЕНЬ ХОЗЯЙСТВА. |
| Кода рамамс сельско-хозяйственной машинат. |
Аволь умок эще селькохозяйственной складтнэ ульнесть пешксе сякой машинадо. Рамиця арасель, даже кевксницят арасельть. Машинатнэ ульнесть пек питнейть и мужикень достанкасо эсть рамав. А сюро дешува, зняро эряволь миемс сюро, штобо рамамс кодомояк плуг.
Центральной Исполнительной комитетось нолдась декрет, косо сон мерсь, штобо сельско-хозяйственой машинатнень питнест алкалгафтомс, миеме эйсэст войнадо икелень годнэнь питнесэ. Нолдамс заем 1—5 годс ярмак крестьяннэнь машинань рамамс. Декретсэнть ефтазь, што икелейгак кармить заем ярмаконь максомо сякой товариществованень, артельнень и кооперативнень.
Кода седе курок получамс машинат долкс?
Эряви совамс членкс, кодамояк кооперативс. Государства карми нолдамо не кооперативтненень и сякой товариществатнень долкс машинат. Кооперативтне кармить максомо долкс машинатнень мужикнень 1 и 5 годс. Самай паро и седе курок эряви велева ветешка и больчи кудос теемс машинай товарищества. Малемс саемс Уездной Земельной Отделстэ устав и теемс истямо товарищества. Ськамот стака ули машинанть рамамозо, а ветешканеть-котошканеть пек паро ули. Машинанть питнезэяк курок веляфтови. Машинной товариществась теи договор складоньть марто косто рамить машинат.
Договоронть теемстэ эряви пандомс 10 эли 25% весе петнестэнть. Остаткандо питненть пандомс 1—5 годс. Вейке лемехсэ плукнень эйсэ нолдыто долкс 2 годс. Договоронть теемсть пандомс 20% а годонь ютазь 50% и остаткадо 30% и кавто годс пандови весе питнезэ.
А кода можна ськамот долкс рамамс машина?
Кие арси скамондо рамамс, сестэ эряви саемс удостоверения Волисполкомсто, эли сельсоветстэ, кода тон эрят. Теят обязательства, бланка саят волисполкомсто. Зняро ськамот можна саемс долкс машинат, ефтасызь складсо.
Тееде седе курок машинной тотоварищества*, эли лия кадоямок товарищества, вейсе седе чождыне и седе выгодна машинань рамамось.
Ф. Ч.
| Месть корты эрзянь аграном. |
Ламу беданду и лихойнды рузонь и эрьзянь сыро видицянть. Революциясь аламунь ерты бедатнень и лихойтнень сокциянь киргасто. Арась ней инязур, панезь бояртнэ, но кадовсь еще покш беда те — колмо паксява (трехполка) сюро видимась, ды парина паксява скотинань ваномась.
Кода вантан лия мастурунь урожайтнинь ланкс — Бельгиянь Даниянь, то мези нетян?
Розись чачи десятинас Бельгиясу 151 пондо, Даниясу 140 пондо, Германиясу 120 пондо, а россиясо 51 пондо. Мекс истя? Сайть любовой мастур, Россиянь коряс седе берять урожайть аэрцить. Сефть пек берять урожайт эрийть эрзянь-мокшонь эряму таркава. Сайтян: Тамбовской губернясо чернозем, первой мода весе мастурсо, Сараратовской, Самарской, Пензенской губернятнень, кува чернозем. Мекс жо истя, моданок сех ён, а урожаинек сех берять?
Можот лия мастурсу лият паксянь лад ветить? Да сынь ветить лия лад и уходось как сюронть мельга лия. Сынст паксява истят модань сезнемат арасть, кода минек. Сынь мода мельга а панцить ёт-берять акочкить, каринь лапань келесэ уминеть атейнить. Сынст колмо паксяст кулуфтозь, парина ланга скотина апищевтить и моданть а наргить. Лия мастурга везде вететь ламу паксят (многополье). Сайтян мерьмекс 4 паксянь лад мезе можно видьмекс и кода? 1 пакся — парина, сокасызь ярвойди мейли сексня, тунда из-асызь паринанть и видить васинь парина ланга вика, саить десятинасто 7 понт, а пиними 5 почт. Кода — викась карми панжуму твет, сестэ лецызь вика — пиними човорксонть, усксесызь кудов пижи тикшинть и кудусу коснесызь и туи-тикшекс. Десятинасту можна пурнамс тикше 300—400 пондо — 10—13 воз. Кодак вика пиними човорксонть усксызь кудув, сеске паринанть сакасызь и изасызь, а если дурь пиними туи парина ланга, то видима малав, кафту надляду икели еще сокасызь, мяйле уш видить розь эли товзеро. истя-ли минь тейдядо? Арась Секс и берять эрцить урожайнек.
2 пакся — розь эли товзеро. Видить розь сортировазь сортировкасу. Если маласу агроном ули, кевстиде кетстендэ и сон нефти тянк пару сортировканть.
Видить рядовой сеялкасу. Тунда озимтнынь изыть, кшнинь изамусу: модась телень берть ловонт ьалу* кувунзы и калгутстуми, розень коретнэ колгуды моданть поцо тошняявить вот изамусь кувунть почаксасы. Изамс эряви се поравка, кода алашань пильгэ озимь ланга молемстэ аваи.
тонть, кода ведь мерить, аефтавияк, ливирдироли эли ликвидировали.
Маря. Исяк гордсто Чужерь Ванька сась, мерсь газетсэ сермадозь, Уральской фронтонть, Карпа дедань лацо, ликвидировали.
Карпа баба, Осподи, дай бог уш корминець...
Карпа атя. Ну, корминецесь корминець, кши панят чтоли? Пеньк эрявить? Молян терьца Сематянь пилямо.
Маря. Карпа дедай, адя мон теть пособлян.
Карпа баба. Иля яка, Маря, пасиба хоть сермань ловномо сакшныть.
Олда. Мекс, Карпаниза уряж? Кадык пособли, чай эряви аламодо атявтонзо мелесь ваномс.
Карпа атя. Пеедедэ, пеедедэ, а минь сынь деряй Петя тевенть тейсынек. Бути ютко теть, Маря, адя эна (Лисить).
Олда. Тейтереськак славной, урьвакс тынденк ладяволь. Петя марто вадря парась улевель.
Карпа баба. Тейтересь коволдояк уш асельдови. Чай вант, тетянзо аванзо кить. Астяк ведь мерить — паро чуфтонть умаринзэяк парт. Авазо монь тейрекс ялгам ульнесь; минь пек дружнасто эринек. А тетязо? Истямо сэтьме ломать аламо эрцить.
Олда. Ну, Карпанизэ уряш, прощай знярц.
Карпа баба. Пасиба теть, Олда. Сакшнок яла. Лиясто тошна, акинень седеем чамдомс. Щердимась монь арась, ды сельтнеяк анеить. Кода бути пильге виемгак арасть.
Олда. Мень уш тондеть щердима. адя коть кудо юткова, ито акенерят. Сон семияськак апокш, а яла забота. Прощай, Карпанизэ уряш. (Туи).
Карппа баба. Саволть-деря кавонист... Корминець вере паз... Натай щеждялгадынь.
Маря. (Сови пенгэ берема марто). Еще Карпа бабай, совавтан?
Карпа баба. Пасиба, дочинем. Чай кудосо амурнитядызь? Эх, Маря! Уьрвинекс паролить бу тенек. Сазо Петя секе недлянть покш кудат кучан.
Маря. (Варшты вальмава) Карпа бабай, кодамо бути салдат вальмалга ютась.
Карпа баба. Осподи сусе христе!.. Чай аволь Петя? Корминицьким, вере паз...
Аляксей. (Сови котмерсэнзэ мешок). Здоров, авай! (Пальцить).
Карпа баба. Церынем! Тиринем! Кода пазось кандынзить? Кайсек седе курок, Чай ялго сытькак? Сизить? Ох, левкскем!.. (Аляксей се шкане здоровакшны Маря марто).
Аляксей. Пожулуй сизевськак. Мон тече городсто чиинь. А тетям косо!
Карпа баба. Тетят кардайсэ. Пенкь вана Маря марто пилясть. Азекая, Маря дочинем, серьгидика атянть. (Маря лиси). Кайсек, кайсек, левкским. Пекинитькак чай вачсь. Мон сечас самоваронть пуца. Пильгининьнеяк чай весе тапавсть? Юкснек. Дайка кеметь таргасынь. (Карми самоваронь путомо).
Аляксей. Монськак, авай. таргасынь. (Эсь пачканзэ). Еще осадыть.,. Кода ней ефтан?.. Лучи моньгак чавовлимизь бу войнас. (Ваны Петянь карточканзэ ланкс. Думазеви).
Карпа баба. А минь тече Петянь пельде серма получинек. Колмо месецть сермась яла сась. Аздан те шкас жив-а-жив.
Аляксей. (Эсь пачканзэ). Кода нейн ефтан? (Думазевсь, прянзэ нолдызе).
Карпа баба. Мекс церам? Сизить, левкскем? Асизивимашка тев. Кодкемень вайгель пе эрявсь чиемс.
Аляксей. Прям пек сэреди. вармантей что-ли.
Карпа атя. (Сови узиря марто. Узирянть пуцы эземс). Тон кода истя? Секс мерить, толтомо качамо аэри. Коли народ кармась кортамо салдатне сыгь, сон и верна (здоровакшность).
Аляксей. Месецешка кода фронтось арась.
Карпа атя. Стала буть Петяяк эряви учомс курок. Пораяк. Мель молевсь уш. Ды тон кода пленс чтоли те бокав понгить?
Аляксей. Да. Аков уш ульнесь оргодемс и саимизь.
Карпа баба. Чай мезеяк теть арасель? Эзидизь обежа? Кортасть яла кавто пельде пек обежасть.
Карпа атя. Неень войнатьнт пек страшнаткак.
Аляксей. Обежамонть эзимизь обежа.
Карпа баба. Еще бы Петя савольдеря...
Карпа атя. А Петя сермац, что сон марякшнось тоть эйстэ. Пленной офицер тензэ ефнинзить. Сон ведь Куриловской полксо служи. Минек велень народось весе тосо служить. Чай карадо карчо эзиде понгоне? (Аляксей кашт моли).
Карпа баба. Войнатьнеяк ней кода бути яралашнойть. Нака вана — брат-лелят карадо карчо тюрить.
Карпа атя. Пек, мерить, отличался те Куриловской полкось. Страсть, мерить, боевой. Казакне ду эсть цидярт, мерить, те полконть карчо.
Аляксей. Сон кодамо боевой? Мон годявкшнынь Куриловской полконьт карчо. Сынст эйстояк ламо маштынек.
Карпа баба. Вай, корминець вере паз, чай Петя эзь маштов! Мерят сынст эйстояк ламо маштовсть? А Петянь, Петянь эзик ней?
Аляксей. Петянь... Петянь...
Карпа атя. Мекс, мекс?.. Чай аволь маштозь неик?
Аляксей. (Салава). Яла теке... ефтаса. (Пек) Петя а сы... Сонзэ илинк учо.
Карпа баба. (Пижакады) Ох! Петя церынем!...
Карпа атя. А тон именно неик сонзэ маштозь?
Аляксей. Да, тетяй. Мон монць сонзэ маштыне. Сон пленс понгсь минденек и мон ледине.
(Карпа баба пижакады и машты ежодо. Аламнес весе кашт молить).
Карпа атя. Звэрь!!! Братот маштык пагонот кис!
Аляксей. Авай, тетяй! Простямизь (Кепеди аванзэ эйсэ) Авай, авай... Кулось... кулось...
Карп аатя*. Простямак... Ухх... Каин... Пагонт теть эрявсть... Ваше благородия... Ухх... Аватькак маштык?! Дьявол... (Сайсы узиренть и хочет маштоманзэ) Мон свет лангс нолдытинь, мон и... (Вачкодизе паралич. Узиресь прать кецтэнзэ. Новоли эзем лангс). Про... прокля... той!..
Занавес.
| Вейсэ сермадызь Е. Окин и Ф. Чесноков. |
