| 4 | ЯКСТЕРЕ ТЕШТЕ. | № 2 |
Видемадо икеле моданть изаса. Видемадо мейле ишо весть изаса мекей—васов. Урожаесь эрьце — 100—200 понт десятинастонть.
Розьдэнть мейле, се моданть ланкс пек шаче пинеме, а пинемеденть мейле, клевердонть башка, куть мезе витть.
Но кой-кие может тень мереме, что пустырентей яло-теке эряве навоз. Да, навоз эряве, но сень таркас можна парина людас аусксемс навоз, а видемс тозой пинеме маро човор клевер. Вана тенк сразу ламо паксява сюровидима кой, кормовой тикшонь видьнезь.
Од модас видедо сюро, ташто модас — кормовой тикшо, — сестэ тевенк парсте туе.
Сюровидиця.
| Думазеведо луганk kувалт. |
| (месть сёрмадыть велесто) |
Весе тикшонть скотинанок турту сайдян знярц ишо луганок эйстэ, конат, сюровидима хозяйстванть лацо, тожо ковгак амаштовить.
Сайса мон куть эсинек веленть. Луганок минек ламо, а тикшонок арась. Пеледост ламо ковгак амаштовить: лангозост появасть кустарникт, сильдейть и ишо кой-месть. Остаткатне тожо секень вант ёмить.
Тикшонть-как ланкстост овсе аламо ледьнетан; мекс жо те истя? Секс, что минь нузялттано мелгаст якамонок.
Леттян эйсост эрьва кизна, а мельгаст заботямонть авечксынек.
Тунда лангозост нолтнитан скотинат, конат тапасызь сынст тингекс; кадовить лангозост анцяк кустарникт да сильдейть. Лугань кафшалгафтомань кой уш арась. Секс кизна амезе ланкстон ледемскак.
Ды косто сонензо улемс?
Эряве те коенть уш ёртомс. Лугатнень мельга эряве парстине ваномс. А витемс сынст можна.
Войнадонть икеле минек уезсо те тевенть кувалт земстватне тейнесть зняро-буте опыт. И кой-кодамо лезэ сынь тейсть.
Минек велесо сынь удобряеть луга, кона икеле овсе алалю тикшо макснесь. Паро кизоне сюровидицятнэ леднесть се таркастонть 72 понт десятинастонть. А удобрямодо мейла 195 понт десятинастонть.
Истяжо ульнесь и шабра велесонок.
Тосо удобрякшность истямо луга, косо ульнес анцяк кустарник. Авул анцяк ледеме, а ютамс-как пачканзо акода ульнесь.
Вана се учаскастонть, конань ланкс икеле кияк эзь варчне, седе мейле тосто кармасть леднеме 300 понт десятинастонть паро тикшо.
Вана кодамо лезэ канць куть тия-тува удобряфт лугась. Кой-конат сюровидицятне тень ланкс ванозь кармасть заботямо эсь лугаст кувалт. Эряве ишо седе пекине кармамс заботямо лугатнень мельга.
Пек паро улевель, если сеестсто лугатнень авулизь явшокшнэ. Сестэ эрь-вейке кармаволь бу эсь луганзо ванцтомо.
А те бу пек паро улевель.
Тепловкань эрзя.
| КООПЕРАЦИЯДО. |
| Велень тэв. |
Велесэ улить ламо тевть, конатнедэ содыть весе велень ломатьне. Саймекс самогунь тевсть. Ки пани паро самогон, кинь кинь ули паро аппрацо, — весе содыть. Паро самогунь паницясть содасызь дажи шабра велеть. Те ломанцесть усксить веледе велес, кода доктурсо а усксить.
Омбоце тев — попунь тев. Мейсь эрзясь моли церкувас? Сонзэ эрямозо берянь и церькувасо веши пазунь кецтэ паро эрямо. Церькува и поп эрявить истя, кода эряви, мерьмекс, лавочник лавканзо марто. Поп, кода паро приказчик, микшни раро эрямосость. Но сон парсте соды, что паро эрямось а миеви те масторсть лангсо и сон мезе теи?. Сон алты паро эрямо лия таркасо менельсэ, куломодо мееле. Эрзянень саты и те. Те чистэнь эрямодость попсь мери: кирдик корот, терпи. Истя тонафты попсь эрзясость. Но самогонкадо поп мери симме. Сон дажи благуслувасазо и сонць сими.
Истят тевтьне велесэсть, конатнэде содыть атят-бабатнэ. Но ули тев, конасть истовтызь не атянтэ-бабатнэ, но конадонть пек эряви содамс од ломатненень. Те тевсь — кооперация. Кооперациянь тевсть велева овси калаць... Сонзэ таркас таго кармась появамо кулак лавочник. Таго кармась потямо сон народунь верь. Максы трешникинь питьне, верь жо поти целковоинь питьне. Да таго мужиксь невак пасиба мери те „шанжавстень“.
Минь пек ней рангатанок, мейсь пек питьниясть городунь товартнэ, минць жо сурдо сурц а цяпатьтянок, чтобу сынст дешувалгавтомс. конечно товарось питьнеи, зярдо сон сядо кедь юты и эрьва кець саи барышь. Саймекс кодамияк товар, мерьмекс, пеель. Сонзэ питьнезэ, зярдо лиси завоцто, мерьдянок 10 коп. Ней чтобу понгомс сонензэ потребительнень (лия вално се ломаньстень, конась рамасазо аволь миймекс, сонстенсэ), эряви ютамс тензэ 10 ломать, торговецт и эрьва ломансть кецэ пеелсь питнеи 1 трешникинь питьне. Сестэ 10 ломаньде мееле пелсть питьнезэ карми ульме 20 коп. Но ней минек од купецтнэ тонацть саймэ барыш 100 и седи ламо процент. Так ловнок, зяро карми ульме питьнезэ пеелсть, зярдо эрьва ломансь, конасть кедьга юты сон, карми путмо питьнензэ лангс 100%. Вана мейсь и питьнек весе товартнэ.
Истя торгувамодость ки сюпалгады.? Анцяк частной торговец, лавочник. Вана мейсь весе и кармасть торгувамо.
Эряви те .тевсть веляфтомс лиякс. Кода? Кись вейке, те кись — кооперация. Монень мерить, что примерсь уж ульнесь, и кооперация мезияк эзь тейть, что кооперациянь и товарунзо арасть и истят жо питьнек.
Да, монгак мерян, не примертнэнь минь нейсынек эрьва чинэнь, но мон содан и истят кооперацият, косо товартнэде зяро тенть эрявить и пек седи дешуват.
Зярдо кооперация карми парсте торгувамо?. Зярдо сонзэ кармить ульме парт роботникинзэ и оборотной капиталзо. А то минек велева путныть тозо эрьва кодат кулакт, попт и нень пельде весе учить паро тев. Не ломатьне грабамо маштыть, по народунь тев сынь зярдыняк эсть тейнекшне.
Истя жо и ярмакто. Чтобу ламине товарт улест кооперациясо, эрявит тензэ ламине ярмакт. Ульнесть ли ламо ярмак минек кооперациясо. Арасельт. Тень ланга эряви парынестэ арцемс. Эряви муймекс кредит.
Неи минек правительствась нолды декрет кооперациядость. Од кооперациясть арцить тейме цюктеде лиякс, аволь весе ломатьнень совафтомо членэкс, но анцяк нень, конатнэнь карми ульме охотаст. Сестэ членсь карми сдедямо, чтобу ксоперативсть тевинзэ молест парстэ, чтобу тосо улест ломать роботыят и честнойть.
Те од кооперациядость невак сави сермадмокс, зярдо лиси декрець. Те статьясость мон анцяк кортан, что кооперациясь покш помога максы крестьятнэнень, но анцяк ___нестэ сонзэ эряви ладямс.
Эрзя.
| Кооперативне буржуйтнинень о мелезест. |
Ламбаськи велисэ, Лукояновской уездэнь, Ниж. губ. улить кафту лавкат — вяйкись кооператив или кода ней эйстынды мереть ЕПО. а омбоце лавкась хоть сондэ лемизы и „товарищества“ и уставузу ули, а торговецне ламбаськинь икилинь кулакт, например: покш пяке Зубов И. Н. ЕПО. торгове сень гис, штобу эрьзятненень максмукс седе пару и седе дешове товар, Зубовань товариществовась торгове сень гис, штобу барыш ламини саймикс и зепеноть пещамск. Теде ЕПО—со товарусь и седе пару и седе дешова; Зубовонь лавкасу жо и седе берянь и седе питний. И вот тень кувалт аумок истямо история лиссь. Ваныть Зубов и Яушев — кавту икилинь кулакт, шнто сынст лавкас эрьва чинь ютазь народось яла седе аламо якить и сюруньт овсе тянст а кандыть. А ЕПОс аволь анцяк Ламбаськиньте нареодось веси яки, а дажи лия велестэ 8—10 вайгиль пень тарка сакшнысть. Кулакт ваныть тевни берять. Мясть тяйнимкс? Симсть икили самогонкаду и тусть кавонест ЕПОс, а тосо лавкась пешксе народто, очередь мик тейсть — учить кода лавканьть панчсызь. Сынь и мереть народонтень: „Мейс тынь тей сыде? Тесэ ведь веси жуликть, чачк—пачк манчить эйсынькь Аразди тынь аздасынк, што тесэ и карасинась ведь марту и салтнынь поц песок човорязь. Азьду оно товариществань лавкас, тосо веси товартнэ ент и апек питнийть—как. Сэ шкани годявсь кооперативень председателесь Камкин ялгась, кона кода маринде не валтнынь кежеявсь и максь заявления Волоисполкомонь председателентень Самарин ялганьтень. Се сень лавкас исекс-жо народонть пингстэ тейсь проба салтнынинь и карасиныньтинь. Карасинась и салтне лисеть пек парт. Сесто сон кармась кортаму Зубовонь и Яушевонтень, мекс сынь истяму аен слава хотели нолдаму кооперативонть ланкс? Коле меленкь читобу народось тыньк лавкас—как сакшнувуль, сестэ торговаду седе дешевасту. Кулакунь Яушевонь пек кежейде састь и кеженде пачк вачкудизи Самарин ялганьть кулаксу Тона сексь жо сынст арестовензе и озявтыньзе ве кудус и пекстыньзе, а соньць тусь. А се шканэ кулакнень ялгаст канцть ваьлмава* ареестанцкоенотень самагон и максызь Зубовонтень Яушнвонтень; сеть самогононть симизь, ирицть, тапсизь вальматнинь и кудунть эйстэ вальмави оргацть. Вана кода работыть кулакт велесэ; вана кода бороцить кооперациянть марто. Сынь парсте содасызь, буди велева кармить крестьятне кооперативонь тейнеме, сестэ кулакнень кургсто таго мени тантей сускомось.
Семань Цера.
| МЕСТЬ СЕРМАДЫТЬ ВЕЛЕСТЭ. |
| Фатясь атясь ды позда. |
| (Червонец). |
Умок уш появась червонецэсь, а минь яла эще ачарькотяно толкозондо, пельдяно примамондо.
Дригатя думси рамамс алаша. Алашазо кода меля кулось.
Ней сон думась миемс остатка скалонзо и лишной сюронзо и молемс ковгак алашань рамамо. Сась базар чи, кексць Дригатя шабрандо кедстэ алаша, пештизе сюрондо и сюлмизе нурдо удалов скалонзо и тусь базаров.
Ладизе базарцо скалонзо и сюронзо, кадовсь получамс ярмак.
Таргась рамицясь червонецт и максы эйсэст.
Сайксылинде Дригатя червонецнень, ярмакнеяк мелезендэ тусть.
Бокаст токизе эсь велень ломань Семкатя и салава баси: Илить сай не ярмакнень, сынст од годто мейле лоткить примамост. Кемизе Дригатя. Кода акемеак, сон седикеле ульнесь гуртовщик. Полавтынде рамицясь червонецнень и максынде ярмакондо. Тусь Дригатя кудов. Недля юты, омбоце, месец ютась кодаяк асыргави Дригатя алашань рамамо, яла аютко. Сонць яла кевксни алашань питнетнень. Кевстсь остаткадо и натой тандаць. Нетне ярмакне эйсэ алашань пулояк арамави, дешевалгатсть, прасть питнест, а червонецесь прибавась.
— Эх, растуды твою тей тов — кройсесь мейле Дригатя эсь пряндо и Семка-атянь эйсэ. Секс мерить тонцить превсэ эряк. А если кулцунат, то кулцунок седе содыця ломать.
Те эще аламо. Лиясто рамицянть агодявить совзнакондо, ведькемень вайеель петь молить червонецень полавтомо.
Кавто колмо чить ютафтыть, колмо чиде мейле дешевалгадыть ярмакне седеяк, ды врема ютафты.
| „Якстере Теште“ ванькстэ теньци. |
Мон минцинек газетас „Якстере Теште“ № 19 сёрмалинь статья „училищанть таркас чанчав“ косо евтазь, што понамарь сокизе учильнянь площеденть и хочет еще путомо тозой кудо Те газетанть ловныник промксцо и эзиник кенерь кевкстемэ — мезнинь эрявикс площеденть максызь понамарнинь, кода весе пролгкось, как вейке серьгиц „Минь болыше площеденть амаксцынек тендэ и строямо амертян и пиряхундо валске жо весе эртнесынек. Минь васня манявиник—максыник, а мейне думатан а саеве, а коли можна саймикс тык сондо долой площедсто. А тон, писэрь ялгай, сермат постановления штобо площеденть амаксумс, кадумс общественной постройка алув“.
Понамарь омбоце чинть-жо раненькава пиряхунть калавтызе и мода умариндэ таргиньдэ. Ваньцькаць, площеденть чамдызе. Ней народось эрьва ютамсто и кортыть: вот кодамо эрзянь газетась паро тейсь. Чанчавонь пизынть кода ванькстэ теньцизе по—Московски. Минць бу авулиник чарькоть, так и кармавлиник эйсэндэ седий кунчкасо кирьдиме. Пелиник-площеденть амаксцыник туи Ицялсто, сон панизь апаниви“.
Илядо меляфт эрзят. Совсем паньцыник седе-як паро уле.
Ицялунь Эрзя.
| Церкуванть учильщакс. |
| (Ардатовский уезд Симбирск, губ.). |
Целтанова велесэ церкуванть теизь народной домкс. Найман велесэ штобо а лиядомс церкуваст эйсэ максыть учильщакс. Ну, ки эще не велетне мельга? Седе курок, ато минь васов эрзятне кадувинек. Церковась валдо чис а ветятандат, а школась и народной домось паро тевс тонафтандат.
Марьинкань Заня.
| Истя аламодо а ен. |
Бегучь веле, Петровск. у. Сарат. губ.
Сеицтэ истя-як роботакшныть сайсызь тевенть ды стявцызь прянзо ланкс. Истя вана прянзо ланкс стявтозь аще тевесь минекь Бегучень учильнясо. Минекь учильнясонть тонавтнить эрзянь эйкакшт, тонавтыцяст цикат-попонь тейтерть.
А се шкане Бегучсо эри эрзянь учительница и косояк ароботы-арась тензэ тарка.
Монь койсо, а седе ли ен улевель попонь тейтерень таркас аравтомс эрзянь учительница.
Петровскоень ды Саратовонь эрзянь роботникт, варштадо-як те тевенть ланкс, может кодаяк лиякс тееви тенкь?
| Главлит № 17863. Москва. | Типография «Красный Восток» Никольская, 10. | Тираж 2000. |
