| 2 | ЯКСТЕРЕ ТЕШТЕ. | № 1 |
| Турция. |
Турецкой собраниясо, аратортне басясть: што Ленинэнь Турецкой народось знярдояк астуфцы. Ленин помогась тянек самай истямо порава, кода миньдянек ульнесь пек стака. Собраниясь кучсь телеграм Советской правительстванень.
| Китай. |
Пекинсэ студентнэ тейсть митинг. Митингсэнть постановили, штобо теемс Ленинэнь паметник. Китайской правительстванть кармафтомс, штобо сон теезэ союз Россия марто.
| Швеция. |
Нетне читнень ульнесть ламо митингт.
Газетнэ эйсэ сёрмадозь ламо Ленинэнь кувалт.
Весе мерить, што Ленин истямо ломань, кодамо эще арасель знярдояк.
| Англия. |
Английской робочей партиясь кучсь телеграмм тей, косо мерить што, Ленинэнь куломась сындяст—как ащи горякс.
| Южной Америка. |
Комунистической партиясь и робочейтне кучсть телеграм, косо сынь сёрмадыть, што весе робочейтнэ истяжо, кода Россиясо, кармить куваць повнямо Ленинэнь эйсэ.
| Эрзянь газетнэде. |
Улить кортыцят, што эрьзянь газетнэнь лезэст арась. Истя ли?
Нетне кортыцятьне больчи истят ялгат, конат уш умок акортыть сынцист кельцэ и умок аэрить эрзя велева. Сындест аэрявить эрзень газетнэ, анцяк аздан чарькодить ли сынь месть сёрмадозь рузонь газетсэ, Велесэ, косо эще сядо ломанць вейксэнь—кемень парстэ амаштыть русске кортамо, эрзень газетась эряви.
Секс комунистической партиясь и Советской властесь, мери сёрмадомадо газетат кажной народонть сонциндэ кельцэ. Сынь мерить, штобо кажной ломанесь Россейсэ содазо месть роботы сонциндэ властезэ, кода думи витемс хозяйства и кодат сондэ законондо, аволь кода седикелэ кекшсть законень эйсэ.
А штобо содамс эряви ловномс и чаркодемс.
Эрзень газетась истя и сермадозь, штобо бо чарькодевлизь сондэ велень эрзятне, весе властенть роботандо и декретэндэ.
Аламот ли велесэ эрить сякой ерундат. Мекс? Секс, што минь аздасынек порядкатнень и закотнэнь. Сякой спорт лисить, кода судямс, кияк азды.
Эрзень газетась, весе нетне закотнэ эйсэ и толкови. Сон сёрмадозь аволь ученной эрзенень, а эрзень сокицянень. Лият мерить закотнэнь можна ловномс рузонь газетсэ? Сынь сермадозь русск мазыйстэ, но чарькодцак ли парсте? Арась.
А сынь эрявить кажнойнень содамс. Асодыцянть яла манясызь, а манчицят эще улить.
Эще седе ламо ули эрзень газетанть лезэзэ, если сондэ эйсэ кармить сермадомо сынць велэнь эрзетне, весе велень нужадост горядост.
Эрзень газетась улезэ зеркалакс, косто можна неемс весе эрзень велень нужатнень: штобо неявозо косо мезе берянь и штобо седе курок сондэ витемс и козой эреви ефтамс.
Тень кувалт и эреви, штобо кажной велестэнть сермадост сыньцист газетас эрямодост и нужадост горядост. Иляст пель и висть сермадыцятне, што берянстэ сермадыть, редакциясо статьятнень витьнесызь.
Советской власть берянь а арци эрзененьгак.
| Месть сермадомс эрзянь газетас. |
Чтобу „Якстере Тештенть“ весе эрзятьне кармаволть охотнасто ловноманзо, эряве сон теймекс седе интереснойкс. А интересной сон уле сестэ, знярдо сынць эрзятне кармить сермадомо газетантень велень эрямодо.
Велень эрямодо можна ламо сермадомс. Велесэ эрить паро тевть, а седеяк ламо берянь тевть. Не тевтнеде и эряве сермадомс, чтобу весе содавлизь косо тейсть паро тевь и косо берянь тевь.
Сермадомс эряве:
Кить роботыть сельсоветсэ и волсоветсэ и кода сынь роботыть, а тейнить-ли беряньстэ.
Кода видить сюро; арасть-ли истят эрзянь велеть, косо кадызь колмо паксява сюронь видимаст и кармасть ламо паксява видиме и кода моле сынст тевест.
Улить-ли эрзя велева кооперативт, кода сынь роботыть.
Кода сельсоветнэ бороцить самогонкань видицятьне марто.
Улить-ли велесэнть учильнят, библиотека, народной кудо и кода тосо моле тевесь.
Сермадомс уле мезде, анцяк эрьва грамотной эрзянь улезэ мелезэ.
Эрьва сермадыцясь илязо пель, что сонзэ кияк чумонцы; илязо виздть, что кияк карми пеедеме лангсонзэ. Анцяк эряве сермадомс не тевтнеде, конат алкукс ульнесть.
Кадык сермады эрьва грамотной эрзя. А не ялгатьненень, конань лецтясынь лемест, эряве сермадомс эрьва номерц: Савельев, Скобелев, Артизшин (М. Толкай) и весе Толкаень педтехникумсо тонафницятьне: Балакин, Прокаев (Петровск) и весе Петровскоень педтехникумсо тонтфницятьне; Буртаев (Бегуч); Ерюшев А. М. (Мачим); Григошин (Саратов); Токтаев, Кочетов, Наумов (Стар. Захаркино); Мишин (Артюховка) Важдаев (Сарайкино); Бухарев (Нов.-Тепловка); Пургаева (Стар. Тепловка).
Редакциясь надии, что не ялгатьне кармить сермадомо.
Омбоце газетасо лецтясынь лемест лия ялгатьнень, конань содысыньзе редакциясь.
| И сынь чаркоцть. |
Октябрянь 15 чистэ Лукоянсо, Нижкгородской губернянь, ульнесь эрзянь коммунистынь конференция. Коть цюткеде позда теевсь те конференциясь, но паро и те, что теевсь. Минек полксь седи покш карми ульме.
Тосо улить ламо эрзянь роботникт. И советской учериждениява и училищава. Улить ячейкат, конатнева тожо улить партроботник. Но бедась те, что ламо сынт эстэде теить прясуст рузокс и робутамстуст кортыть истя жо. Секс тевсь и лиси истя, что и улить минек роботникт и арасть. Эрзястень и эрзянь авастень, конась берякс чаркоди рускс, эряволь бу кевслемс партнестэ мездияк содыця ломань, но а кинь. Ряц руст, конатнэ берякс чаркодить. Да эрцю и истя, что эрзясь а кеми тензэ, Сон и туи кудов текензе марто, мезе марто сакшнось. Истя жо лия эйкакшолинь пек мельце понгомс тонафлеме покш училищас, сонензэ анцяк бу а покш помога максмокс, но а кинень.
Училищава тосо тожо истя тевсь моли. Мон ульнинь Ицялунь велесэ и ванынь, кода тосо тонафтыть эрзянь эйкакштнэсэ. Школасость тосо учителтьне весе маштыть кортамо эрзякс, но тонафтыть эйкакштнэсэ рузунь кельце. И ламо лезэ мон эзинь ней истя робутадость. Ней уж коть кодамо учительнень эряволь бу содамс, что школава эряви тонафтомс эйкакшость кельне, те — азбучной истина. Но минек учителтьне те лангс а ваныть. Секс тевдист и лиси аламо лезэ. Эйкакшнень ютксо а неяви робочей дисциплина, ловныть сынь берякс, омбоце группасость берякс содыть арифметикас. Неяви, что сынст эсне а нолдыть мольме икелев. А нолды эсныст рузунь кель.
И истя тевсь моли коть косо. Саймекс судиянь тев, налогунь пурналдонь тев, — ряц эряви эрзянь кель, ряц эрявить эрзянь роботникт.
Ве эрзя тосо монень мерць, что миненек а эряви эрзянь кель. Минь эрятанок руз ютксо и эряви тенек курокке тонафлемс рузунь кельц. Сон мерць, что истя думить весе эрзятнэ и сынь а кармить эйкакшосуст кучмо училищас, зярдо тосо кармить тонафтомо эрзянь кельце.
Д. Ж.
| КАВТО КИЯВА |
| (Эрзянь эрямосто) |
| 3 действиясо |
| Налксицятне. | |||
| Карпа атя . . . . . 55 иесэ
Карпа баба . . . . 55 иесэ
Маря — ве куринкань тейтерь 20 иесэ Вася — инвалид . . 28 иесэ Велень председатель Олда — шабрань ава Полковник . . . . . 45 иесэ Учаев — полковой писэрь 25 иесэ Крюков — вестовой. Од церат и од тейтерть. Пленной красноармеецт Казакт |
I действия
| (Куриловкасо 1918-це иестэ, Звонарев Карпа атянь кудосо Карпа атя крават пеле озадо лакси граилидя пейть. Аляксей эзем крайсэ панчизе чемаданонзо и месть бути котьме). |
| (Тевесь ульнесьа Самарской губернясо, Уральской маласо). |
Карпа атя. Исяк мерить, таго казакне сакшность Тарасовкав. Кавто ломать машсть промкс кудос, а председателенть мартост саизь. Ну и шка сась! Пурнасызь ломаненть велень тевс и сон буто чумо. Неть казакне пятой годстонть как керясто яла мужикень эйсэ.
Аляксей Керямскак эряви. Пек ламо минь хотим тееме. А кить роботыцятне? Мень Кривой Петят, чужерь Ивант, конат чачсть как нищейкс. Сынь ней власть сайсть. Ну мень ней Кирев Митя председатель? Волостьс аравсть военной комисар. Ды кинь арафтызь! Пирев Васянь. Ну, мень сон военной кбмшсар* службань берть ульнесь рядовойск?
Карпа атя Сон, кода меремс, тон вана ульнить вашеблагородия, прапорщик, а тон ведь недлянь берть вана нароват яла казакнень оргодемэ. Тонь кондямось арафтомс уш, монь койсэ, овсе аэряви. Пятой годстонть мон повняса, ульнесь Аржановонь управляющеезэ, сон сонць кашарць (кармавсь) имениятнень грабамо, а се шкане паро вещнень салынзе бояронь кудосто и оргоць. А мужик отвечак. Весе Куриловкась ащесь тюрьмасо! Тон эзик варчне, а мон варчния кода минек каванимизь. Авать ито чавизь сестэ плеткасо, мекс монь эзимим ёвта, козой кекишинь. Вана кодамо надиямось истятнэнь ланкс.
Аляксей Мон амолянгак, кедемгак агадясынь сынст марто. Но пек ламо сынь думить. Мужикнень мезе эряви? Моданть саизь помещикень кедстэ и саты, а властьс нереть иляк эце. Коли судот тонабоков анеят мезеяк, а месть эцемс ков аэряви.
Карпа атя Аздан кода судонь тонабоков неицятне думить. А монь койсэ, если властесь вергизэнь кецэ, сынь реветнень ажалясызь. Пятой годсто коли властесь ульнесь инязоронь, так минь ней содасынек, кода сынь тейсть миньдянек манифест.
Аляксей (веляфни погононзо эйсэ) Ванцынек, ванцынек, кода ней тевесь туи. Таго война, а офицертне акармит ащеме галашнянь кис.
Карпа атя Иля пель улеме кармить ломать, конат народонь кис-как кармить ащемэ. Аволь истяк жо теизь революциянть. А тонь вана мон кодаяк ачарькотян, мезень кис тон машнитят? Жалкат паготне теть? Иля пель войнавтомо авулизь понгавт теть офицерской чинэнть. Эрявсть войнас истят превейть, вот и нолдасть тынк эйсэ, а тынк ялгась-рад стараться. Кода жо, ваше-благородия! Тон варчавлик бу войнавтомо улевлить авулить благородиякс.
Аляксей Куриловкадо башка араселить косояк, а судят тевть, конат аволь мужикень превсэ судямс (кежейстэ пекстасы чемоданонть, паготнэнь пуцынде зепезэндэ).
Карпа атя (сти и пурны лаксевкснэнь). Арась, цёрам, хоть тон ульнить кой косо, ды ульнить вашеблагородия а судят зря. Секс пословицась и мери: кармафтык дураконь пазнэнь ознамо, сон конянцо тапасы. Истя тон ней пагонот кис пря сезевлить (сови карпа баба)
Карпа баба. Ох, корминець, — народонть оймамо акацызь. Доброволэцэнь ускомо улавс панить. Сюронь урядамо народонь акацызь. А тон, дурак атя, кудосо яла наксалят, граблицят аянокстави. Секень вант, таго кавунек сыре кискакс кадувданок. Кортынь мон, давай урьваксцынек Петянь. А тон яла сёксь учить.... Вот теть и сёксес!
Аляксей. Ну, вот, ато минь мир тяинек, воевамо акарматанок!.. А сынць доброволецт пурнасть. Ваннынек, кода кармить воевамо. Течики жо оргодян казаконь пелев, Уральскоев. Ванцынек, кода кармить воевамо.
Карпа атя. Зря, зря, Аляксей, работат. Аздан мезе тон учат казакнень пельдэ. Эх, церам, колыдизь паготнэ совсем (граблиця пеендэ марто лиси ушов).
Карпа баба. — Церынем, левкскем, кулцунык тетять, иля яка казаконь пелев. Ефнизь вед улко, кундасть колмо офицерт — маштызь. Жалямизь минек (нартни сельведензэ).
Аляксей. Арась, авай, моньдянь тесэ тошна. Мень те эрямо? Кажной покордатанзат. Улевель бу кинь кор кирьдемс, ато нищей покорды.
Карпа баба Кирдемс эряви, цёрынем, кирдемс. Мезеяк атеят. Пятой годстонть моньгак чавимизь. Мезе теят? Истямо уш минек мужикень чясиянок (уцясканок). Стака, церам, стака. Нейгак вано казакне спокой амаксыть. Сынь ду минек ялганть ажалить. Иля яка, Аляксей ковгак. (Сови бойкасто Петя).
Петя. Ну авай, анокстак тень понкст панарт. Мон тече отрядов туян — доброволецекс!
Карпа баба. Вай, авакой! Месть тейнитяно ней! (урокады).
Петя. Ну иля аварьть, авай! Мезеяк атеят аварьдезь. Исяк казакне Тарасовкасо таго, машсть кавто ломать. Эх, сволочт! Ну, ды миньгак жалямост акарматанок! Ну, Аляксей, молят минек марто? Ротнойкс путтадызь! Эле жалкат пагонот?
Аляксей. Тонь акевстян ков молемс. (лиси кудосто).
Петя. (мельганзо) Вана кода? Ну азё ков мелеть. Миненек истят благородият яэрявить. Тынстеменк — как тевенть тейсынек!
Карпа баба. (аварьдезь). Ней куш илядо сёвно. Мень времат састь! Ве семлисо касыде а мольдядо разной киява.
Петя. Кода, авай асевнат, пагононзо
