Page:Якстере теште 1924-01 (25 января).djvu/2

From Wikisource
Jump to navigation Jump to search
This page has been proofread.
2 ЯКСТЕРЕ ТЕШТЕ. № 1

 
Весе   эрзятненень   и   мокшотненень.

Минь, эрзянь роботникт пурнавинек Московс совитямо миньциник тев ланга. Но робута юткстонть токимизь покш горя, кона почкоди эрьва уголнес, косо эри трудиця ломань. Кулось Владимир Ильич Ульянов (Ленин).

Кулось се ломанесь, кона 25 ие (год) стараясь кода теемс паро эрямо весе трудиця народонтень и кото иеть ветясь Советской масторонть паро эрямос. Кулось се, кона невсь ки весе робочийтьненень и сокицятьненень, кона тонавсь эйсэст кода можна витьмекс сынст эрямост, кода можна теймекс социализманть.

Сон мерсь, что те социализмась тееви анцяк сестэ, зярдо робочийтьне и сокицятне кетьте кец кундазь кармить од эрямонь тейме.

Миненек, эрзятьненень Ильич эряви повнямс секс, что сон киньгак эзь стуфт. Весе вишка народтненень сон мерсь максумадо оля, аволь кода седикеле обижасть эйсест. Сон мерсь, кадык эрьва народось сонць теезэ эрямонзо, кадык корты и тонафни сонцинзэ кельсэ.

Эрзят! Минек ветицянок кулось, но лияць коммунистонь партиясь, кона пек повнясыньзэ Ленинэнь валтнень, кона теи Ленинэнь тевенть эйсэ.

Эрзят! покшь горя сась тенек, миненек аэряви лужакадомс. Миненек эряви седе плотнынестэ пурнавомс Коммунистической партиянть перть, крепкасто кундамо робочей марто, кода мерсь учителенэк — Ленин.

Истя мерсь Ленин и сонзэ валонзо аэрявить стувтомс. Сестэ анцяк миненек тееви паро эрямось.

Совещаниянь президиум:
 
Желтов,
Московкин
Тужилкин.
 

ГОРКИ.
(Козой кулось Ленин).

Остатка годонть серэдэмсттэ Владимир Ильич эрясь Горкасо. Горкась ащи Московсто 30 вайгель пе. Рязанск. - Уральской ки ланксо Усадьбась, косо эрясь Ильичь, аволь пек покш. Ильич эрять двухэтажной кудосо. Лиясто, кода эриль тендэ лучи, лисниль крылець ланкс


Ниле верст кансть кандо лазондо ялго.

Валске марто 10 час. 23 января Ильичень путызь кандо лайс и лифтизь кулостонть. Лифтицяндо ульнесть Сталин, Бубнов, Красин, Бухарин, Зиновьев и Каменев. Станцияв кансть эйсендэ кедь ланксо. Мельганзо мольсть сазорсо, козяйказо. Проводямондо листь весе крестьянствась, кой конат сакшнесть ве пельдэ. Ламо аварьдиця ульнесь. Промсть весе пакшатне, кона марто сон вечкилизе налксиманть.

Ней сон ащи Колонной залцо, Союзонь кудосо.

 

 

Остака эрямо часондо Ильичень.

Остатка читнень Владимир Ильич, кормась беряньгадомо. Доктортне думасть, што те юты. Мейле седеньгак беряньгаць. Первой приступсонть сон эще ульнесь сонциндэ превсэ, анцяк эзь басяв нефнезь нефнесь мезе эряви. Сеф стака Владимир Ильичень болезнясо ульнесь се, што сон эзь басяв, но сон спокойнасто кирьць.

Остаткань пелев сон кармась пичкамо. Видь пильгезэ и кедезэ кармасть роботамо, даже сонць кармась якамо. Келесь как кармась роботамо. Весе думасть, што сон пички.

Куломадо мейле докторт кярцизь пряндо, косто неизь што сонмезеяк марто уш аволь пичка.

 

Владимир   Ильич   Ульянов   (Ленин).

Кие асодасы Ленин ялганть лемензэ? Сонзэ лемензэ содасызь аволь анцяк покшне, содасызь вишка эйкакшнеяк. Содасызь аволь анцяк минек масторцо, лия масторцояк Ленин валось кургто кургс яки. Ленин ульнесь покш ломань, секс сонзэ весэ содылизь. Истят ломать масторо лангс чуросто появакшныть.

Амуят масторо лангсо истямо чопуда угулнэ, косо аволизь сода бу кие Ленинэсь, амуят вейкеяк трудиця ломань, кона сонзэ аволизе вечке. Сон весе эрямонзо путызе робочнень и бедной сокицянь кис. Пингень перть боруцясь сень кис, чтобу теемс истят койть, знярдо робочийнень и сокицянень паро уле эрямось, тень кис ульнесь тюрьмасо и Сибирцэ, но сон яла теке эзизе катт тевензэ. Кода од порава тусь те кияванть и 30 иеть кинзо эзизе каднэ. Сон эзь дума се ланга кода-бу парсте эстензэ эрямс, пингень перть сонзэ седиезэ ризнась бедной трудиця ломанень кис

Ней сон кулось... Но куломазонзо кенерць невтеманзо се кинть, кува трудицянень можна пачкодемс паро эрямос.

Покш парочи кадовсь сонзэ эйстэ мейле. Те парочись — Коммунистической партия и Советской власть.

Е. О.

 

Весемень   нолдыть   прощамо.

Середасто 23 це Январень чистэ Ленинэнь теланзо ускизь Горкасто Московов. Не читнень ащеме карми Московонь союзонь кудосо. Кармить нолдамо народ, прощамо теланзо марто.

Недлячисто сондэ калмасызь.

 

Эрзянь совещания.

Московсо ней моли эрьзянь — мокшонь совещания, козой пурнавсть весе губернянь секциянь секретартне.

Те совещаниясь карми решамо истят вопрост;

1) Партийной роботань кувалт.

2) Советской роботань кувалт.

3) Учильнянь тевень кувалт.

4) Эрзянь кинигань и эрзянь газетань кувалт.

Кодат постановленият теить те совещаниясонть, сермадцынек мейлэ.

 

Редакциянь пельде.

Кавто пель марто месецть эзь лисне минекь эрзянь газетась „Якстере Теште“. Ламо эрзят кучнисть сёрмат редакцияв и кевкснесть яла мекс сон лоткась газетань кучнимадо. Ней тынць ней-сынк мекс кувать эзь пачколе тенкь газетась. Кавто месецть хлопочинекь, чтобу казна максоволь тенекь аламашка ярмакт газетань печатамс. Ней казна максць аламо ярмаккить и минь таго карминекь газетань нолдамо. Но казна ярмакт максць анцяк тевенть ушодомс. Косто еще саемс ярмакт, чтобу таго алоткавтомс тевесь? Эряве газетанть питнизэ пандомс и сестэ карме сон лиснеме и тевесь алотке. Питьнезэ аволь покш — 15 коп. месецс. Эрьва эзрянь* виезэ саты те питненть пандосм. Газетась минек койсо лоткавтомс аэряви. Сон самай паро ялга эрзянень. Газетастонть нейсынк, кона эрзя велесэнть парсте молить тевтне, косо беряньстэ. Сонзо эйсто истя-жо нейсынк кода эряве теймекс минек эрямонок-чинок чтобу лисемс нужастонть, чопудастонть.

Эрзят, кучудо ярмакт газетань кис! Эрьва грамотной эрзя ловнозо эрзянь газета!

Илязо уль вейке-як эрзя веле, косо аволь уль-бо Якстере Теште“! Сон тынк паронь арсицянк и превс путыцянк.

Редакциясь.

 

Косто  кевстемс  превть.

Велесэ эрить ламо эрьва кодатт спорт модань кувалт, вирень кувалт, семиянь явомань и лиянь мезень кувалт. Сынць эрзятьне кодаткак законт асодыть. Советсэ тожо беряньстэ законтнень содасызь. Ошов (городов) молемс, эле васоло, эле аютко, ды тосояк акурок пе муят. Истяк эрзят и тюрить-селныт эсь ютковаст.

Ней Якстере Тештень редакциясь арци аламодо лездомо эрзятьненень те тевсэсть.

Чтобу атюремс и аселномс эсь юткованк, седе паро уле буди кевксцынк редакциянть. Знярдо лисе кодамояк спор, сермадодо серма редакциявь, кевкстенкс сонзо кода ладямс тевесь; сон Якстере Тештесэнть максы тенкь ответ.

Знярдо истя карматанок робутамо, сестэ аэряве якамс ошов превень кевкснеме, аэряве теемс покш росход, превтне кудозот молить. Анцяк эряве теемс подписка (кучомс ярмакт), чтобу Якстере Тештенть кучневлизь кудозот.

Кулцонодо, эрзят. Те аберянь уле.

Редакциясь.

 


 
Эрьва недлянь эрзянь газета
„Якстере Теште“
Питнизэ  1924  иесэ:
 
1 месецс .    .    . 15 коп. (зол.).    6 месецс .    .    .    85 коп. (зол.).
3       „ .    .    . 45     „        „ 12       „ .    .    . 1.60     „        „
 
Кие теи подписка 12 месяцс, сенень редакциясь газетадо башка кучи тединень календарь и эрзянь кельсэ кинишка „Од закон мо- дань кувалт“ (Земемьный кодекс). Кие — 6 месецс, сенень анцяк кинишка. Газетанть питьнизэ кучомс седе паро аволь ярмаксо, а почтань маркасо.
 
Редакциянть адресэзэ:
Москва,
Никольская, 10, Центральное Восточное Издательство.
 

 

 

Главлит  №  14014. Типография  «Красный  Восток»  Никольская,  10. Тираж  2000.