Page:Якстере теште 1924-01 (25 января).djvu/1

From Wikisource
Jump to navigation Jump to search
This page has been proofread.


„Весе масторонь пролетарийтьне, пурнаводо вейс!“

Вейке  номеронть  питнезэ  4  к.  (зол.)
 

Еженедельный орган мордовской секции при Ц. К. Р. К П. (б.) и Наркомнаца.

★ ★ ★
Лиси Московсо

колмоце ие.

Редакциянь конторась:

Никольская, 10,

комн. 31

Телефон 1-36-72.
★ ★ ★
★ ★ ★
Газетанть питнезэ
 
Вяйке месецс 15   коп.   зол.
Кавто  мес. 30           „
Колмо  мес. 45           „
Кото  мес. 90           „
★ ★ ★
 
№ 1. 25 января 1924 г. № 1.
 
Кулось ЛЕНИН, но эсть куло сондэ тевендэ. Сон
нефтизе тенек кода сынст оделамс (прядомс).
 
XI Всеросийской С‘ездонь заседаниясо.
 

Январень 22 чистэ, валске 11 час. Калинин ялгась Ушодызе заседаниянть и мерсь: „Ялгат, стядо“!

Мон ефтан тенк пек покш и пек стака куля. Владимир Ильичень здоровиязо, остатка времанть кармсесь витевеме. Но исяк вачкодизе паралич и сон кулось.

Ялгат, арасть валт, конань эйсэ можналь бу ефнемс горянок. Мон думан, што вейке эряви весенень содамс: Крепкасто кирьдемс не тефнень, конань ушодынзе Владимир Ильич, миньдянек сынь эрявить прядомс (оделамс).

С‘ездось тейсь постановления, чтобу те чинть 21 января кодат как веселият иляст тейне. Истя улезэ эрьва годнэ. С‘ездось мерсь призидиумонтей сермадомс возвания весэ народонтей. С‘ездось лоткавтызе роботанзо.

 

 

Ленин эзь куло и акулыяк.

Сон весек рабочсень и крестьянонь седейсэ эри.

Кулось Ленин, но акулыть сондэ тевендэ, сондэ валондо.

Понедельникстэ 21-й января, 6 час 50 мин, аволь васоло Московдо, Горкасо кулось Владимир Ильич Ульянов (Ленин).

Остатка времанть сон кармась пичкамо, весе думасть курок пички.

Апак фатя сразу теевсь удар (паралич) и сон кулось.

Покш те горясь робочейнень и крестьянстванень. Сон ульнесь минек ветицянок, минек тонафтыцянок. Те горясь ащи весек лия масторонь трудицятненень горякс.

Сон весекень тонафсь кода лисемс буржуазной болотастонть.

Аламот седикеле як ульнесть истят ломать, кодамо ульнесь Ильич.

Сонде кондямо ломань эще арасель.

Кис сондэ эзизе сода, кажной пакшинесь аволь анцяк Россейсэ, а весе мастортнэнь эйсэ содасть сондэ эйстэ.

Сон ульнесь минек ломань минек ялга.

Киньгак сон эзь стуфт, весе вишка народтнэнень сон мерсь максумадо оля.

Аволь кода седикелэ обе-

Владимир Ильич Ульянов (Ленин) 1870—1924 г.

Кие мери кулось Ленин?
Сон эзь куло, сон эри,

Сон минек эйсэ вети
Паро эрямос комунизмас

Сон эри минек седейсэ

жясть вишканародтнэнь эйсэ. Сон мерсь, кадык кажной народось сонць витезэ эсь тевендэ эйсэ, тонафтозо сонциндэ кельцэ.

Кулось Ленин, но знярдояк акулыть сондэ тевендэ и сондэ валондо.

Сон эрьва робочеень и крестьянонь седейсэ куваць карми эрямо и паметникекс тендэ ули Совет. властесь и Комунистической партиясь.

А минь ней седеньгак дружнасто карматано роботамо истя, кода сонмерсь.

Штобо весе масторонь трудицятне лифтемс буржуазной болотасто эряви роботамс истя, кодо роботась и тонавсь Ленин.

Сон кода жив ульнесь басясь, што коллективсэ вейсэ куш мезе можна теемс.

А сон паро коллектив пурнась.

Те коллективесь Комунистической партия и Комунистический Интернационал.

Советской   правительствань   сообщения.

Понедельникстэ 21 янв. чокшне 6 час. 50 м. аволь васоло Московсто, Горкасо кулось Владимир Ильич Ленин.

Остаткань пелев сон кармась пичкамо, кияк эзь дума, што сон курок аули. Весе думасть, што сон пички.

Понедельникстэ таго паралич вачкодизе (колмоцедо) и сон кулось.

Всеросийской с‘ездось, кона пурнавсь Московс, тейсь постановленият, чтобу тевенть ветямс истя, кода мерсь Владимир Ильич.

Те покш горясь аволь анцяк миньдянек, сон горя весе лия ласторонь* трудицятненень.

Ленин больчи арась минек ютксо, но сондэ тевендэ акулыть знярдояк. Сондэ роботазо — минек роботанок.

Советской властесь карми молеме се кияванть, конань нефтизе Владимир Ильич.

Москва, Кремль, 22 янв. 1924 г.