— 116 —
38. Сюпавъ одъ цёрадо.
Ве сюпавъ одъ цёра Іисусъ Христознэнь, малавъ сазь, мерсь: „Паро Тонавтыця! месть тейнемксъ (кода эрямсъ) эряви темъ пингень пингсъ эрямонь кисъ“? Іисусъ мерсь тензэ: «мейсь тонъ Монень паро мерятъ? Паздо паро лія кіякъ арась. Коле пингень пингсъ эрямосъ совамо хочешь, сестэ Пазонь заповѣдтне кувалтъ эрякъ: иля чавнокъ (иля машнекъ), честнасто эрякъ, иля салакъ, малавиксэтъ лангсъ иля кенгеле, тятятъ аватъ марто почитаякъ, эсь прятъ вечкезь ладсо весемень вечкть». Одъ цёра мерсь: «монъ шачомастомъ мекъ (вишка пингедемъ) истя эрянъ, истя тейнянъ: ищо мезе темъ асаты ней»? Іисусъ Христосъ ёвтась тензэ: «азе, мезеть улить, весе микшнить, ярмактнэнь нищейнень макснить, тонсь Монь мельгамъ тукъ, сестэ саятъ менель лангсо награда». Одъ цёра, неть валтнэнь марязь, мелявтомо (сюморгадсь) кармась: сонъ пекъ сюпавъ ульнесь несакъ. Мейле Іисусъ Христозонь эйстэ ве ёновъ тусь. Іисусъ Христосъ Эсензэ тонавтницятненень мерсь: «менелень царствасъ совамо сюпавъ ломаннэнь вана кода стака. Верблюдъ седе шождинестэ салмуксъ сельмень троксъ юты, сюпавъ ломанень менелень царствасъ совамодонзо». Іисусъ Христозонь тонавтницятне неть валтнэнь марязь дивасть да мерсть Тензэ: «ки ина истя прянзо ваносазо»? Іисусъ мерсь тенстъ: «мезе ломанень кисъ а теевемашка, Пазнэнь се весе теевемашка.*
