Page:Священная история Ветхого завета на мокшанском (М. Е. Евсевьев, 1900).djvu/29

From Wikisource
Jump to navigation Jump to search
This page has been proofread.

— 25 —

осал тракст, осал траксня̈ сивы̃зь сисемь топы̃тьсты̃тнень, а синць иляцть стамка осалста, кодама осалты̃льть иҥгы̃ли. Фараонть омбы̃ця̈ оны̃ц: пы̃та фкя̈ коря̈ньцта кассть сисемь пя̈шкся̈ розь прят, ваксы̃зы̃ст кассть сисемь шава розь прят, дӑ шава розь пря̈тня̈ сивы̃зь пя̈шксетнень, а синць иляцть стамкаста, кодапты̃льть иҥгы̃ли. Шобдава Фараонць терьдезень сембя̈ оны̃нь толкавайхнень. Конанцтигя̈ синь эзды̃ст ашы̃сть толкавав Фараонть оны̃нза. Эста винань каннить мя̈ле ля̈ць Іосифсь, сон мя̈рьксь Фараонти: минь тюрьмасы̃ны̃к ули фкя̈ од еврей, сонь лемы̃ц Іосиф: сон пя̈кь машты̃ оны̃нь толкавама. Іосифть эстакигя̈ вя̈тезь Фараонти. Іосифсь мя̈рьксь Фараонти: Фараон! кафцкя̈ тонь оттня̈ фкат: сисемь куя̈ траксня̈ дӑ сисемь пя̈шкся̈ розь пря̈тня̈ ули сисемь пя̈кь шачи сёра кизы̃т, а сисемь осал траксня̈ дӑ сисемь шава розь пря̈тня̈ ули сисемь вача кизы̃т. Вача кизы̃тнень пиҥкста сембя̈ сёры̃тня̈, конат пы̃рдафт улихть шачи кизы̃тнень, сивфть улихть. Сяс тон кочкак стама ломань, кона кочкай шачи кизы̃тьнень сэняра сёра, мы̃зяра эряви вача кизы̃тнень ётамс. Фараонць оны̃нзы̃н содамаҥкса тіезя̈ Іосифы̃нь оцюкс сембя̈ Египетть лаҥкс дӑ кошарды̃зя̈ сонцень сёры̃нь аны̃клама. Іосифть ся̈ пиҥкть колмагемы̃нчка кизы̃цы̃ль.