Page:ССРСть Конституцияц (1938).djvu/30

From Wikisource
Jump to navigation Jump to search
This page has been proofread.


XII ГЛАВАСЬ

Гербсь, флагсь, столицась

143-це статьясь. Советскяй Социалистическяй Республикань Союзть государственнай гербоц ащи тарвазста и молоткаста земной шарть лангса, кона няфтьф шить лучензон эса и шарф колазса, союзнай республикатнень кяльсост надпись мархта: „Сембе масторонь пролетариятне, пуромода марс!”. Гербть вельксса вете ужеса тяште.

144-це статьясь. Советскяй Социалистическяй Республикань Союзть государственнай флагоц ащи якстерь котфста, сонь вярьце ужесонза неденц ваксса тяштьф золотань тарваз и молотка и синь велькссост вете ужеса якстерь тяште, конань крайганза моли золотань кайма. Келенц кувалмонцты отношениясь 1:2.

145-це статьясь. Советскяй Социалистическяй Республикань Союзть столицац — Моску ошсь.

XIII ГЛАВАСЬ

Конституциянь полафтомань (изменениянь) порядкась

146-це статьясь. СССР-ть Конституциянц полафтомац (измененияц) йотафневи аньцек СССР-нь Верховнай Советть решениянц коряс, конац примсеви сонь эрь палатанц эса большинствать мархта аф 2/3 вайгяльда кржаса.