Page:ССРСть Конституцияц (1938).djvu/29

From Wikisource
Jump to navigation Jump to search
This page has been proofread.


ту, союзнай республикань Верховнай Советтненди, трудящаень депутатонь краевой и областной Советтненди, автономнай республикань Верховнай Советтненди, трудящаень депутатонь автономнай областень Советтненди, трудящаень депутатонь округонь, райононь, ошень и велень (станицань, веленянь, хуторонь, кишлаконь, аулонь) Советтненди, — йотафнесазь кочкайхне всеобщай, равнай и прямой избирательнай правать коряс, тайнайста голосовандазь.

135-це статьясь. Депутатонь кочкаматне ащихть всеобщайкс: СССР-нь сембе граждаттнень, конатненди топодсь 18 кизот, йоньда лисьф и судса кочкама правань валхтозь судендаф ломаньда башка, ули депутатонь кочкама правасна и кочкафокс улемань правасна, апак ватт синь расовай и национальнай принадлежностьснон лангс, вероисповеданияснон, образовательнай цензснон, оседлостьснон, социальнай происхождениясцон, имущественнай положенияснон и синь йотай пингонь деятельностьснон лангс.

136-це статьясь. Депутатонь кочкаматне ащихть равнайкс: эрь гражданинти макссеви фкя вайгяль, сембе граждаттне участвондайхть кочкаматнень эса равнай основанияса.

137-це статьясь. Аватне пользовандайхть кочкамань и кочкафокс улемань праваса алятнень мархта фкя лаца.

138-це статьясь. Якстерь Армияса ащи граждаттне пользовандайхть кочкамань и кочкафокс улемань праваса сембе лия граждаттнень мархта фкя лаца.

139-це статьясь. Депутатонь кочкаматне ащихть прямойкс: трудящаень депутатонь сембе Советтненди кочкаматнень, трудящаень депутатонь велень и ошень Советста сявомок и мянь СССР-нь Верховнай Советти молемс, йотафнесазь граждаттне непосредственна прямой кочкамань вельде.

140-це статьясь. Депутатонь кочкамста вайгялень максомась тайнай.

141-це статьясь. Депутатонь кочкамста кандидаттне выдвигаются кочкамань окрукнень эзга.

Кандидатонь выдвигандама правась макссеви общественнай организациятненди и трудящаень обществатненди: коммунистическяй партиянь организациятненди, профессиональнай союсненди, кооператифненди, одломанень организациятненди, культурнай обществатненди.

142-це статьясь. Эрь депутатсь эсь кочкаензон инголе эсь работанц и трудящаень депутатонь Советть работанц колга обязан макссемс отчет и, законца путф порядкать коряс, может улемс валхтф (отозваннай) любовай пингоня кочкайхнень оцюшкаснон решениянц коряс.

25