— 9 —
дова бабинеть куломазостъ эрилть. Святой пекъ ваньксъ Тейтерне Маріянь гакъ священникъ не кудотне эйстэ ве кудынесэнть эрямо кармавтызе; мельганзо якамо седе покшъ тейтернеть да дова бабинеть кармавсь.
Святой Тейтерне Марія тесэ эрямстонзо эрва чистэ Пазнэнь озномо церкувасъ яксесь. Кудосо якъ сонъ весемеде пекъ Пазнэнь озныль, весемеде ламо священной книгатъ ловныль. Сонъ эрва кодамо кедь тевъ гакъ тееме маштыль. Сонъ кедь війсэнзэ муезь ярмактнэнь бѣднойтненень макснилинзе. Мезе симема ярсамодонзо кадовиль, сень гакъ бѣднойтненень макстнилисе. А симемазо ярсамозо сонзо весе цѣласто кадновиль: Пазъ тензэ менельстэ Ангелонь вельде симеме ярсомо кучниль. Сонъ тесэ кемнилеешка іензэ топодемсъ эрясь.
Эрзятъ, вана ванодо, кода Іоакимъ марто Анна ве эйдинестъ колмо іинесэ ськамонзо ломань кедь лангсъ максызь; сынь Пазъ лангсъ надѣясть. Минекъ Эрзянь ломань ниле-вете цёранзо ютксто вейкень салдатоксъ максомо сатоты, сестэ якъ ранги, ранги, грѣшной; эле сёрмасъ тонавнеме макссызь, рангить, рангить ужъ, грѣшнойть! Тынь вана мезе, Эрзятъ, тееде: рангамодонкъ салдатоксъ туицянкъ, сёрмасъ тонавлеме туицянкъ кисэстъ седе пекъ ве ансякъ Ськамонзо Вере Пазнэнь ознодо: те седе паро ули. Эйденкъ-какшонкъ вишка пингстэ мекъ Пазнэнь озномо тонавтодо да илядо арсекъ: ва пошксто касы, сонсь тонады.
Пресвятой Дѣва Маріянь церкувасъ Пазонь икелевъ служамонь кисэ максоманзо минь Ноябрянь 21 чистэ празднуватано.
