43. И кось пудій, кавн сійит дас уодьмен: тэн-дет што сист чельм лосниш.
44. И кудій сійит, уйдій дас, айестасьтій колмат вар, и цилькій тэн же сань.
45. Танна потьтал иджес вопнадій гарра, и сарн сійит: тій пай вял одьветте и оηηэдекке; кич, алтнашкудій цас, и олму эльк энтлат ряхк-олмэть кидэть.
46. Кодцэекке, ваньцлеккеп: кич, алтній му эньтій.
47. И кось вял сон сарнэй, кич, Іуда, эхт кохтамлога сист, пудій, и суйн еннэгь олмэть микки-вуйм и чолтни-вуйм шорьмус папэнь и олмэ паррасамужэнь.
48. И су эньтій эньдій сійит теттед, цилькій: кон мон цуклам, тэт и ли, вальтед су.
49. И тэн цас пудій Исус гарра, и цилькій: рамшэд, равви! и цуклаттій су.
50. А Исус цилькій сунне: пась-виль, мэнь-дет тон путтик? Танна путтиш, и пійиш кидэть Исус эл и вальтиш су.
51. И кич, эхт сист, кок лейиш Исусэнь, вуйкій кид, кизій иджес мекь, чицкій шорьмус пап пакалдас, и чупэй сусьт піель.
52. Танна сарн сунне Исус: пій мазать иджат мекь су сайя; тэн-дет што пук, кок вальдет мекь, мекин майкэет.
53. Или іордак, мун им вай ань айестаттед му Еччан, и сон пей му эвте енап кохтаплогит легіонит аньгелит?
54. Махт ерес налла шэндэчэдет кирь, што нуть гэлк ляй?
55. Тэн дас цилькій Исус олмэть: нуть махт олму-коньтій эл вульгин тій микій-вуйм и чолтній-вуйм, му вальтем баяс; юкке пейв тійи-вуйм аррум мон, вопестемен церквест, и тій еппед валтлам му.
