25. А кохт сонст иллинч мэйн махсед, танпа сонэ хозьин пакай миккэд сонэ, и сонэ каппэге, и парнайт, и пук ми сонст ляй, и махсед.
26. Танна тэт пакэлвэс вырій сонне юэлка, коммэрдэлый сонне и цилькій: цар! киршель мунэ гуэйк, и пук тонне мавсам.
27. Цар тэн пакэлвэз шалшувый, лушьтій сонэ, и кудій сонне віельк.
28. А тэт пакэлвэс куэсь сон олгус ливтій, ковній эвт иджес товружійн, ку ляй сонне вялгланч чуть динарейед, табать сонэ, каксэлый, и сарнай: аньт мынне мэн тон лях вялгланч,
29. Танна сонэ товьруш вырій сонэ юлькійт, андэдій сонст, и сарнай: киршель мунэ туккен, и пук тонне андам.
30. А тэт ій шахтанч, а вульгій и ыштехт сонэ сіевнис сайя, кон сон віельк ій аньт.
31. Сонэ товьруж куэсь уйнин ми ляй шэнтманч, чуэвта сіеньтин; путтин и сарнун иджес царре пук тан ми ляй шэнтманч.
32. Танна сонэ цар коч сонэ и сарн: пас пакэлвэс! пук тэн віельк тонне куттим, тэн варас што тон мунст андэттих.
33. И тонне бидій туешед лавведвудэ иджант товьрушше, кохт и мун тонне туешим лавведвудэ.
34. И сіентій цар, и эньдій сонэ мухцьійт, тэн райя куэсь сон ій аньт віельк пук.
35. Нит и мунэ альм-ачь туешешкоат тиный гуэйм, готь юкьянч тинест ій куде иджес кутькест вильсес сонэ рикійт.