14. Нит иллях тинэ альм-адже тахтмуш, што майкьяхч эхт тайн уцьхайн.
15. А готь ряхктув тонэ вуэста тонэ виль; мэнэ, и вузехт сонэ віерас-вуттен иджант кэскест и соныйн эвтин: готь сон якхал тонэ; тон танна ковних вильлянт.
16, А готь сон ій якхэлэ тонэ; вальт міелдант вял эвт или кухт, што кухт или колм чор-олмо няльмій гуэйм равнувахч юкке сань.
17. А готь ій якхэлэне синыйт; ціельк ціерква: а готь ій якхэлэне и ціерькве; танна ань лянч тонне кохт тортмас и мыттарь.
18. Вуйкест тійе сарнам: мэйт тій корбеттед іемнест, тэт лянч альмест корманч; и мэйт тій чуэвтбеттед іемнест, тэт лянч чоавтанч альмест.
19. Вуйкест нит-же сарнам тійе, што готь тійед куйтас эхтед милэст анэшкуэтьбеттед юкке туе; танна, мэйт тій анэшкоадэчеппед, лянч тійе мунэ альм-аджест.
20. Тэн гуэйк што косьт куйтас или колмас коакнанч линчин мунэ нэмме, тампет мун линчим синый кэскест.
21. Танна Піедар сонне пудій, и цилькій: Господи! мэн віерьт вуэррэд быт куттед рикійт вильсан, ку ли ряхктувманч мунэ вуэста? Вае киччем вуэрэ райя.
22. Исус сонне сарн: ым цилк тонне: киччеме райя, а киччем вуэррэд кичлоге райя.
23. Тан мильт алм царства ли эвт налла царыйн, ку татай локтэттед иджес пакэлвэзій гуэйм.
24. Куэсь сон алькій локтэттед; похтанч ляй сонне эхт, ку ляй сонне вялгланч локь тоафнеттед талантед.